Sơnròp Gơlik Gơs 41:8 - Sră Goh 2018

⁸ Àng drim hìng, nùs tồr khai ò suk ơm gen khai hòi ală cau pơlìn mơ ală cau jak chài tòm lơgar Ejiptơ lòt tus hơ khai. Gen khai yal bơta mpau bol hơ̆ in iat, mơya ò gơs cau lơi rgơi yal tơlik jơnau gơtha ală bơta mpau hơ̆ bơtau in.

Sơnròp Gơlik Gơs 41:8 ပူးပေါင်းရင်းမြစ်များ

Sơnròp Gơlik Gơs 40:6

Drim hìng, Jôsep tus mơ bol khai, sền gŏ bol khai moat jrùng,

Sơnròp Gơlik Gơs 40:8

Bol khai ho lah: “Bol hi neh gŏ dô bơta mpau mơ ò gơs cau yal jơnau gơtha gơ dê.” Jôsep đơs lah: “Bơta yal jơnau gơtha mpau ò di la bơh Yàng Tom Trồ ò ơ? Dan yal tĕ bơta mpau ală ồng dê añ in iat.”

Sơnròp Gơlik Gơs 41:15

Pharaôn đơs mơ Jôsep lah: “Añ neh gŏ dô bơta mpau.”

Sơnròp Gơlik Gơs 41:24

Mơ poh sơnyùr kòi nsiap loan poh sơnyùr kòi să. Añ neh yal bơta mpau do ală cau bơjơu in, mơya ò gơs cau lơi rgơi yal jơnau gơtha gơ dê.”

Sơnròp Gơlik Gơs 41:7

Poh sơnyùr kòi nsiap loan poh sơnyùr kòi să niam. Gen Pharaôn kah rngal mơ git hơ̆ la dô bơta mpau.

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Lik Ejiptơ 7:11

Gen Pharaôn sồr hòi ală cau jak chài, ală cau gru bơjơu, mơ ală cau juh proh Ejiptơ dê; bol khai kung lơh tòm toh behơ̆ kơnòm di ală bơta chài rgơi ndơp ndơr bol khai dê.

Lik Ejiptơ 7:22

Mơya ală cau juh proh Ejiptơ dê kung lơh gơlik gơs ndròm bal behơ̆ kơnòm di ală bơta chài rgơi ndơp ndơr bol khai dê, mơ nùs Pharaôn dê gơlik kră kơldang; khai ò iat Môise mơ Arôn, tòm toh be jơnau Yàng Jehôwa neh đơs.

Lik Ejiptơ 8:7

Mơya ală cau juh proh kung kơnòm di bơta chài rgơi ndơp ndơr bol khai dê nàng lơh tòm toh behơ̆, bol khai lơh gơs oă ngan kit gơguh làm hơđang ù tiah Ejiptơ dê.

Lik Ejiptơ 9:11

Ală cau juh proh ò rgơi ntào di đap Môise, tài bơh toh mồr neh gơs hơđang jơh ală cau Ejiptơ.

Esai 19:3

Cau Ejiptơ rơp gơdô nùs, mơ Añ rơp lơh roh tơnggume broă bol khai dê; bol khai hòi lùp ală rùp ràk mơ ală hwềng cau chơt, ală cau bơjơu mơ ală cau sền dà.

Esai 29:14

Behơ̆ Añ rơp lơh dô dơ̆ tai, dô bơta crih crài làng bol do in, nrơt nrơl mơ crih crài; bơta jak chài cau git wă dê rơp roh rui, mơ dơngoh jak ală cau git jak dê rơp pồn ndơp.”

Esai 8:19

Tŭ do, dilah gơs cau đơs mơ mê lah: “Lòt tĕ lùp ală cau sền dà mơ cau gru cau bơjơu, la ală cau đơs òm mơ đơs chều,” gen pal ho lah: “Dô nơm làng bol ò di pal hòi lùp ală yàng bol khai dê, cau chơt ai sơnđan cau gam kis,

Daniel 1:20

Mơ tai, tòm tŭ cau bơtau lùp bol khai ală sèng lùp bơh ală bơta jak chài mơ bơta git wă, gen gŏ bol khai lin jơt dơ̆ rlau mơ jơh ală cau gru mơ cau tơlhơu tòm làm lơgar cau bơtau dê.

Daniel 4:18

Añ la bơtau Nebukatnessar neh gŏ bơta mpau hơ̆ mơ yal wơl ală cau jak chài Babilôn in, mơya bol khai ò rgơi yal tơlik jơnau gơtha gơ dê añ in. Behơ̆ tŭ do, ơ Beltesassar, yal tơlik tĕ jơnau gơtha gơ dê añ in, mê rgơi yal tơlik tài bơh hwềng ală yàng sàng goh dê ơm tòm mê.”

Daniel 4:19

Tŭ hơ̆ Daniel sơnđan la Beltesassar, ò rgơi đơs tòm dô êt jŏ, mơ ală bơta kơlôi sơnơng lơh khai in rngòt rngơt. Gen cau bơtau đơs mơ khai lah: “Ơ Beltesassar, bañ lòi bơta mpau mơ jơnau gơtha gơ dê lơh mê in rngòt rngơt.” Beltesassar ho lah: “Ơ bơtau, kơp kòñ bơta mpau do gơtơntus di ală cau sò tơm di bơtau, mơ jơnau gơtha gơ dê gơlik gơs di ngan di ală cau tòmdră mơ bơtau.

Daniel 4:5

Añ gŏ dô bơta mpau gơlơh añ in rngòt rngơt. Tòm tŭ añ bic hơđang cơnòng bic, ală bơta kơlôi sơnơng tòm bồ añ bal mơ ală bơta gơtơnggŏ hơ̆ gơlơh añ in dơrcul.

Daniel 4:6

Behơ̆, añ ai jơnau sồr cèng tus di đap añ jơh ală cau jak chài Babilôn dê, tồ bol khai yal tơlik jơnau gơtha bơta mpau hơ̆ añ in.

Daniel 4:7

Tòm tŭ ală cau jak chài Babilôn dê, ală cau gru bơjơu, ală cau sền sơmañ mơ ală cau sền dà lòt tus hơ añ, añ yal bơta mpau bol khai in, mơya bol khai ò rgơi yal tơlik jơnau gơtha gơ dê añ in.

Daniel 5:11

Tòm lơgar bơtau dê gơs dô nă cau gơs hwềng ală yàng sàng goh dê ơm tòm khai. Tòm rài bèp bơtau dê, cau lơi kung gŏ tòm khai gơs bơta àng, bơta git loh, mơ bơta jak chài kung be bơta jak chài ală yàng dê. Tài behơ̆ tàng bơtau Nebukatnessar la bèp bơtau dê neh pồ bơtào khai gơs cau at bồ mpồl ală cau jak chài Babilôn dê.

Daniel 7:28

Behơ̆, do la lồi dut jơnau hơ̆. Añ, Daniel, ală bơta kơlôi sơnơng añ jê lơh añ in dơrcul rngòt ngan. Muh mat añ gơtòmgơl, mơya añ prap kah ală bơta hơ̆ tòm nùs añ.”

Daniel 8:27

Tŭ hơ̆, añ, Daniel, añ gơpừ chơt yơh mơ kòp jê tòm jŏ ngai. Gen añ guh mơ duh broă cau bơtau. Añ ai lơh krơi ngan bơh bơta gơtơnggŏ hơ̆; mơya ò gơs cau lơi git wă jơnau gơtha gơ dê.

Lebi 19:31

Bañ wèt hơ ală cau gru bơjơu hala jòi jat ală cau juh proh bơh bol mê rơp gơlik ƀơ̆ ƀơl bơh bol khai. Añ la Jehôwa Yàng Tom Trồ bol mê dê.

Lebi 20:6

Añ rơp wèt mat tòmdră mơ cau jòi jat ală cau gru bơjơu mơ ală cau juh proh mơ să tòm bol khai rềs àr mơ bol hơ̆, mơ Añ rơp tă sang bol khai bơh di làng bol khai dê.

Habakuk 3:16

Añ kơno mơ añ rơm să tòm añ, Kơno ntas gen sơndồi añ gơ mprơm; Bơta ồm lề gơmut tòm ntìng añ, mơ jơng añ gơrơm hơđơm añ. Behơ̆ añ rơp kơ̆ nùs kơp gơn ngai bơta rung rài la ngai gơ rơp tus hơđang lơgar brồ lơh bol hi.

Mathiơ 2:1

Tòm tŭ neh deh Yàng Jesu tòm Betlehem lơgar Jude rau, tòm rài bơtau Herôt, gơs ală cau jak chài bơh đah mattơngai lik lòt tus hơ Jerusalem lùp lah:

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 7:22

Môise bơtê jơh ală bơta jak chài cau Ejiptơ dê; khai gơs gơnoar pràn tòm jơnau đơs mơ broă lơh khai dê.

I Kôrintô 1:19

Bơh neh cih lah: “Añ rơp tơnroh bơta jak chài ală cau jak chài dê, Mơ Añ rơp tă sang bơta git wă ală cau bơtê oă dê.”

I Samuel 6:2

Gen làng bol Philistin hòi pơjum ală cau kơiang mơ ală cau bơjơu gru mơ đơs lah: “Ñchi bơta bol he pal lơh mơ Đài Yàng Jehôwa dê taih? Yal tĕ bol hi in git ñchi bol hi pal lơh nàng pơyoa wơl gơ hơ tiah gơ dê.”