Sơnròp Gơlik Gơs 41:57 - Sră Goh 2018

⁵⁷ Mơ làm jơh ală lơgar lòt tus hơ Ejiptơ nàng pơl kòi mơ Jôsep, tài bơh gơs bơta jơgloh rung ngan tòm làm dunnia.

Sơnròp Gơlik Gơs 41:57 ပူးပေါင်းရင်းမြစ်များ

Sơnròp Gơlik Gơs 12:10

Tŭ hơ̆, tòm lơgar gơs bơta jơgloh rung, bơta jơgloh rung hơ̆ la dờng ngan tòm lơgar gen Abram mù ơm ing tòm lơgar Ejiptơ.

Sơnròp Gơlik Gơs 41:54

Gen sơntòm poh nam jơgloh rung, be jơnau Jôsep neh đơs bơh lài. Jơh ală lơgar ndai kung gơs bơta jơgloh lơm mơya làm lơgar Ejiptơ gơs phan sa.

Sơnròp Gơlik Gơs 41:56

Tòm tŭ làm lơgar gơs jơgloh rung gen Jôsep pò ală đam kòi nàng tac làng bol Ejiptơ in; tòm lơgar sơlo jơgloh oă tai.

Sơnròp Gơlik Gơs 42:1

Jakôp pơnro gơs kòi tòm lơgar Ejiptơ, gen khai đơs mơ ală kòn klau khai lah: “Mbe lơh bol mê sền mat bal mơ gơp behơ̆ taih?”

Sơnròp Gơlik Gơs 42:5

Tŭ hơ̆, lơgar Kanaan kung gơs jơgloh rung, gen tàng ală kòn klau Israel dê mù pơl kòi tòm Ejiptơ kung be ală cau ndai sơl.

Sơnròp Gơlik Gơs 42:6

Mơ tai, Jôsep at bồ lơgar hơ̆; khai tac kòi jơh ală làng bol lơgar in. Mơ ală bi Jôsep dê tus tơmbic să di đap khai.

Sơnròp Gơlik Gơs 43:1

Mơ tai, bơta jơgloh rung tòm lơgar la dờng ngan.

Sơnròp Gơlik Gơs 47:14

Jôsep khòm jơh jền priă tòm lơgar Ejiptơ mơ lơgar Kanaan, hơ̆ la ală jền priă làng bol pơl kòi. Lồc behơ̆ prap priă hơ̆ tòm đam Pharaôn dê.

Sơnròp Gơlik Gơs 50:20

Ală bi kòñ lơh iơh di añ, mơya Yàng Tom Trồ lơh wơl bơta kwơ añ in, nàng sền gàr bơta kis oă làng bol in, kung be neh gơlik gơs ngai do.

Yal Wơl 9:28

Dilah ò behơ̆, lơgar mơ bơh tềng hơ̆ Kơnràñ neh tă cèng bol hi rơp đơs lah: “Tài bơh Yàng Jehôwa ò rgơi cèng bol khai mut tòm lơgar Kơnràñ neh ho ai bol khai in, mơ tài bơh Kơnràñ gơjrañ kơuềng di bol khai gen Kơnràñ neh cèng bol khai nàng tơnchơt bol khai tòm ƀlàng ngềt ngơt.”