Sơnròp Gơlik Gơs 41:55 - Sră Goh 2018

⁵⁵ Mơ tòm tŭ làm lơgar Ejiptơ gơs jơgloh gen làng bol dan phan sa mơ Pharaôn. Pharaôn đơs mơ làng bol lah: “Lòt tĕ tus mơ Jôsep, mơ lơh jat be jơnau khai sồr bol mê.”

Sơnròp Gơlik Gơs 41:55 ပူးပေါင်းရင်းမြစ်များ

Sơnròp Gơlik Gơs 41:56

Tòm tŭ làm lơgar gơs jơgloh rung gen Jôsep pò ală đam kòi nàng tac làng bol Ejiptơ in; tòm lơgar sơlo jơgloh oă tai.

Sơnròp Gơlik Gơs 42:6

Mơ tai, Jôsep at bồ lơgar hơ̆; khai tac kòi jơh ală làng bol lơgar in. Mơ ală bi Jôsep dê tus tơmbic să di đap khai.

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Jang 2:5

Mè Kơnràñ đơs mơ ală cau dong broă lah: “Broă lơi Kơnràñ sồr gen lơh jat tĕ.”

Philip 4:19

Yàng Tom Trồ añ jê rơp ai oh mi in ală bơta oh mi pal càng, jat be bơta pas gơs bơta gơklŏ Kơnràñ dê tòm Yàng Krist Jesu.

Kôlôse 1:19

Bơh Yàng Tom Trồ neh niam nùs ai jơh ală bơta bềng tơl Kơnràñ dê ơm tòm Yàng Jesu,