Sơnròp Gơlik Gơs 41:54 - Sră Goh 2018

⁵⁴ Gen sơntòm poh nam jơgloh rung, be jơnau Jôsep neh đơs bơh lài. Jơh ală lơgar ndai kung gơs bơta jơgloh lơm mơya làm lơgar Ejiptơ gơs phan sa.

Sơnròp Gơlik Gơs 41:54 ပူးပေါင်းရင်းမြစ်များ

Sơnròp Gơlik Gơs 41:27

Poh nơm kơnrồ rgai rgong guh bơh tơnơ̆ poh nơm kơnrồ lài hơ̆ la poh nam, mơ poh sơnyùr kòi nsiap mơ neh ro tài bơh càl đah mattơngai lik khồm gơ, hơ̆ la poh nam jơgloh rung.

Sơnròp Gơlik Gơs 41:30

Mơya tơnơ̆ mơ hơ̆ rơp gơs poh nam jơgloh rung mơ cau rơp hŭi bơta lìu làc hơ̆, mơ bơta jơgloh rung hơ̆ rơp lơh siơ̆u rƀah kơnjơ̆ ngan.

Sơnròp Gơlik Gơs 41:53

Poh nam wil tơl lìu làc neh sir tòm lơgar Ejiptơ.

Sơnròp Gơlik Gơs 42:2

Mơ khai đơs tai lah: “Do añ pơnro lah gơs kòi tòm lơgar Ejiptơ, bol mê pal lòt tềng hơ̆ nàng pơl kòi he in tồ bol he kis mơ ò chơt.”

Sơnròp Gơlik Gơs 43:1

Mơ tai, bơta jơgloh rung tòm lơgar la dờng ngan.

Sơnròp Gơlik Gơs 45:11

Tềng hơ̆ añ rơp ròng bèp, tài bơh gam pram nam jơgloh rung tai, rngòt bèp, hìu nhă bèp, mơ jơh ală phan bèp dê gơkòl jơgloh rƀah.’

Sơnròp Gơlik Gơs 47:13

Mơ bơta jơgloh rung la dờng ngan tian gơs jơh tòm lơgar ò gơs kòi phe tai, lơgar Ejiptơ mơ lơgar Kanaan tồc lồi bơh bơta jơgloh rung hơ̆.

II Ală Bơtau 8:1

Tŭ hơ̆ Elise đơs mơ cau ùr, la mè kòn klau mơ khai neh hòi kis wơl lah: “Ñă tĕ, lòt bal mơ hìu nhă ai, ơm tiah lơi ai rgơi ơm, bơh Yàng Jehôwa neh hòi bơta jơgloh rung tus tòm lơgar tòm poh nam.”

Đơs Crih 105:16

Tòm tŭ Kơnràñ tơndùh bơta jơgloh rung tòm lơgar, Mơ ò ai phan sa bol khai in,

Broă 7:11

Tŭ hơ̆ gơlik bơta jơgloh rung tòm làm jơh lơgar Ejiptơ mơ lơgar Kanaan sơl, la bơta rung rài dờng ngan; ồng pàng bol he ò tang tiah nàng jòi phan sa.