Sơnròp Gơlik Gơs 41:49 - Sră Goh 2018

⁴⁹ Behơ̆, Jôsep pơjum tơrgòm kòi oă ngan, be bràs dàlềng, tian gơs cau ò jai kòp tài bơh oă ir.

Sơnròp Gơlik Gơs 41:49 ပူးပေါင်းရင်းမြစ်များ

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

Sơnròp Gơlik Gơs 41:48

Gen Jôsep pơjum tơrgòm jơh phan sa tòm poh nam hơ̆ tòm lơgar Ejiptơ mơ prap phan sa do tòm jơh ală ƀòn, tòm kòp ƀòn khai prap tềm phan sa ală sre gùt dar ƀòn hơ̆ dê.

Sơnròp Gơlik Gơs 41:50

Lài mơ tŭ tus di nam jơgloh rung, gen Asenat, kòn ùr Pôtiphera, cau gơnoar ơn phan duh khoai ƀòn Ôn dê, deh Jôsep in bàr nă kòn klau.

Sră Jop 1:3

Khai gơs poh rbô belàt, pe rbô làkđa, pram rhiang yô kơnrồ, pram rhiang alàng me, mơ oă ngan cau duh broă. Gen tàng khai la cau pas gơs tiơng pơnro rlau jơh tòm ală làng bol ơm đah mattơngai lik.

Đơs Crih 78:27

Kơnràñ tơndùh poac be mìu hơđang bol khai oă be kơmbuh ù, Hơ̆ la sềm par oă be bràs di gah dàlềng;

Jeremi 33:22

Cau ò rgơi kòp ală sơmañ hơđang trồ mơ was bràs tòm dàlềng: Añ kung rơp ai bơtơl Dabit, dĭ gơna Añ, mơ ai cau Lebi duh broă Añ, geh jơi bơtiàn gal ngan kung behơ̆.’”

Ală Kwang Cahrña 6:5

Bơh bol khai guh cèng bal phan poan jơng mơ sàl bol khai dê, tus oă kung be srah nting; bol khai mơ làkđa bol khai dê oă ngan ò jai kòp; bol khai tòmpìt lơgar mơ tơnroh.

Ală Kwang Cahrña 7:12

Làng bol Midian, làng bol Amalek bal mơ ală làng bol bơh đah mattơngai lik ơm tòm thòng gal ngan gơlơh kung be srah nting. Làkđa bol khai dê oă ò git nđò, ò rgơi kòp kung be bràs di gah dàlềng.

I Samuel 13:5

Làng bol Philistin pơjum bal nàng tòmlơh mơ Israel, bol khai gơs pe rbô nơm rơndeh lòs tòmlơh, mơ prau rbô cau ling hào ơseh, mơ mpồl cau ling oă be bràs di gah dàlềng, bol khai guh lơh sàl tòm Mikmas, đah mattơngai lik Bet Aben dê.