Sơnròp Gơlik Gơs 41:42 - Sră Goh 2018

⁴² Pharaôn hồ sơmbiat bơh di tê khai dê mơ tơndò di tê Jôsep, mơ tơnsoh ào mơ bài che dơmài mơ tơnwan rơnjài màh di ngko khai.

Sơnròp Gơlik Gơs 41:42 ပူးပေါင်းရင်းမြစ်များ

Sơnròp Gơlik Gơs 38:18

Juda ho lah: “Ñchi añ kòñ ai ai in nàng lơh cơng tàng tŭ do taih?” Cau ùr đơs lah: “Ƀang kì, che, mơ gai jra di tê mê.” Khai ai mo mơ lòt tus bic mơ ùr hơ̆. Khai bun bơh Juda.

Sơnròp Gơlik Gơs 41:43

Gen cau bơtau ai khai in nggui tòm rơndeh tơnơ̆ mơ rơndeh cau bơtau, gơs cau lòt lài mơ driau lah: “Cùn gơltang tĕ!” Behơ̆, Pharaôn pồ bơtào Jôsep gơs gơnoar tòm làm jơh lơgar Ejiptơ.

Este 10:3

Mordike cau Juda la cau kwang at bồ tơnơ̆ mơ bơtau Ahasuerus, mơ khai geh gơnoar pràn digùl cau Juda, mơ geh sền dờng màng digùl ală oh mi cau Juda khai dê, tài bơh khai jòi jat bơta lơngai niam làng bol khai in, mơ neh đơs jơnau cèng bơta ring lơngai jơh jơi bơtiàn khai in.

Este 3:10

Behơ̆ cau bơtau hồ sơmbiat ƀang kì bơh di tê bơtau dê mơ ai Haman kòn klau Hammedatha in cau Agak la cau sò tơm di cau Juda.

Este 3:12

Gen ală cau cih sră bơtau dê pơjum bal tòm ngai jơt pe kơnhai dùl, mơ dô gơnoar sồr, jat be gơnoar Haman dê, neh geh cih tus hơ bơtau oh mơ kwang dờng at bồ hơđang ală kơnhwàl dê mơ tus hơ ală cau kwang at bồ jơh làng bol, tus hơ kòp kơnhwàl jơnau đơs kòp làng bol dê. Ală sră hơ̆ geh cih tòm sơnđan să tòm bơtau Ahasuerus dê mơ geh tap ƀang kì bơtau dê.

Este 8:10

Mordike cih ai sơnđan bơtau Ahasuerus dê mơ tap ƀang kì tòm ală sră hơ̆ mơ sơmbiat ƀang kì bơtau dê, lồc behơ̆ sồr ală cau ling, hào ală ơseh jak la ơseh ròng is cau bơtau in ngui.

Este 8:15

Gen Mordike lik lòt bơh di đap cau bơtau, soh ồi ào bơtau dê dà tơlir trồ mơ dà bò, ndau dô nơm sơgơn bơtau dờng mơ màh, mơ soh dô nơm ào jrùh mơ bài che dơmài lơbơn dà gur. Mơ ƀòn dờng Susa ai jơnau driau dờng mơ hòn chò.

Este 8:2

Bơtau hồ sơmbiat ƀang kì mơ khai neh tă bơh di Haman mơ ai gơ Mordike in. Mơ Este bơtào Mordike at bồ hơđang hìu Haman dê.

Este 8:8

Tŭ do ai tĕ sơnđan bơtau mơ ala mat cau Juda, cih tĕ dô jơnau gơnoar sồr ndai mơ bol ai kơlôi la niam rlau jơh, lồc behơ̆ tap ƀang kì gơ mơ sơmbiat bơtau dê, bơh dô pang sră yal gơnoar sồr neh cih ai sơnđan bơtau mơ ƀang kì sơmbiat bơtau dê gen ò rgơi tơnroh ò.”

Đơs Crih 73:6

Tài bơh hơ̆ bơta pơnhừ să lơh gơs be ñòng wan di ngko bol khai; Bơta rhung rhang lơh gơs be ồi ào soh bol khai dê.

Jơnau Pơnđik 1:9

Bơh ală jơnau hơ̆ kung be dô nơm dơwàng bơkào hơđang bồ kòn, Gơlơh be ală rơnjài màh wan di ngko kòn dê.

Jơnau Pơnđik 31:22

Khai lơh is ală ồi tơ̆; ồi ào khai mơ che brài dơmài lơbơn dà gur.

Jơnau Pơnđik 31:24

Khai kơlôi mơ lơh ào soh tòm dơlam mơ tac gơ; kung tac che but ală cau kă bro in.

Đơs Chò 1:10

Bàr đah tơrmồ ai niam mơnĕ bal mơ phan bơka să; ngko ai bal mơ ñòng lŭ kràng màng.

Đơs Chò 4:9

Ơ oh ùr añ, bau ùr pa añ jê, ai neh tòmpìt nùs añ, ai neh kơñau nùs añ bơh dô bơta sền gơliang mat, bơh dô dang ñòng lŭ kràng màng di ngko ai, ai neh tòmpìt nùs añ.

Esai 3:23

ală krơh triang muh mat, ală ồi ào mơ bài che dơmài lơbơn, ală sơgơn dềt, mơ ală chèo at tòm tê.

Jeremi 52:33

Kung sồr tòmgơl ào ơm jàm, Jehôyakin geh nggui dô cơnòng bal mơ bơtau jơl jơh rài kis khai.

Ejekiel 27:7

Bài che dơmài lơbơn jing bơka Ejiptơ dê la bềl yàr mê dê, mơ kung ngui lơh gơs bồng bi mê dê sơl; bài dà gur dà tơlir bơh di ală tiah rò gah dàlềng Elisa lơh gơs bài kơrnìng mê dê.

Daniel 5:16

Añ kơno đơs la mê rgơi yal tơlik ală bơta ndơp ndơr mơ lơh pơnring jơh ală bơta kalke. Daniel mê rgơi sền ală jơnau do mơ yal tơlik jơnau gơtha gơ dê añ in, gen mê rơp geh soh ào dà gur cau bơtau dê, rơp geh wan che rơnjài màh di ngko, mơ rơp gơs kwang dơ̆ pe tòm gơnoar broă at bồ lơgar dê.”

Daniel 5:29

Jat jơnau gơnoar sồr bơtau Belsassar dê, cau tơnsoh ào dà gur cau bơtau dê Daniel in, tơnwan di ngko khai dô nơm che rơnjài màh, mơ yal pơnro lah khai geh pồ bơtào gơs kwang dơ̆ pe tòm gơnoar broă at bồ lơgar dê.

Daniel 5:7

Khai hòi driau dờng, sồr pơjum ală cau jak chài, ală cau gru bơjơu, mơ ală cau sền sơmañ, mơ đơs mơ ală cau hơ̆ lah: “Cau lơi rgơi sền ală jơnau cih do, mơ yal tơlik jơnau gơtha gơ dê añ in, gen cau hơ̆ rơp geh soh ào dà gur cau bơtau, geh wan che rơnjài màh di ngko, mơ geh pồ bơtào gơs kwang dơ̆ pe tòm gơnoar broă at bồ lơgar dê.”

Luka 15:22

Mơya cau bèp đơs mơ ală cau dĭ lah: ‘Cèng tĕ mhar ào jrùh niam rlau jơh tơnsoh khai in, tơndò sơmbiat di ràs tê, ai khŏ tơnjă di jơng.

I Samuel 18:4

Jônathan hồ ào jrùh khai soh mơ ai Dabit in, bal mơ ào lòs, kung ai tơn đào, àtak mơ che but khai dê sơl.