Sơnròp Gơlik Gơs 41:40 - Sră Goh 2018

⁴⁰ Behơ̆ mê rơp at bồ hìu nhă añ jê, mơ jơh làng bol añ jê rơp jat jơnau mê dê. Añ rơp dờng rlau mơ mê mìng tòm sơbàn añ jê lơm.”

Sơnròp Gơlik Gơs 41:40 ပူးပေါင်းရင်းမြစ်များ

Sơnròp Gơlik Gơs 39:9

Tòm hìu do ò gơs cau lơi dờng rlau mơ añ, mơ khai kung ò bơkơ̆u añ bơta lơi, mìng dô nă ai bơh ai la bau cau tòm añ jê. Mbe lơh añ khin lơh bơta iơh bơsak behơ̆, mơ gơs glài mơ Yàng Jehôwa taih?”

Sơnròp Gơlik Gơs 44:18

Gen Juda lòt tus rềp mơ Jôsep mơ đơs lah: “Bơh kơnràñ la ndròm bal mơ Pharaôn, dan să mơ kơnràñ bañ gơjrañ di cau dĭ kơnràñ dê, lòi añ đơs dô jơnau nàng kơnràñ in iat.

Sơnròp Gơlik Gơs 45:26

Bol khai yal wơl mơ bèp lah: “Jôsep gam kis, mơ să tòm khai at bồ jơh lơgar Ejiptơ.” Mơ nùs Jakôp ò gơjal bơh khai ò dòn jơnau bol khai yal wơl.

Este 10:3

Mordike cau Juda la cau kwang at bồ tơnơ̆ mơ bơtau Ahasuerus, mơ khai geh gơnoar pràn digùl cau Juda, mơ geh sền dờng màng digùl ală oh mi cau Juda khai dê, tài bơh khai jòi jat bơta lơngai niam làng bol khai in, mơ neh đơs jơnau cèng bơta ring lơngai jơh jơi bơtiàn khai in.

Este 3:1

Tơnơ̆ mơ ală broă hơ̆, bơtau Ahasuerus bơtào tơngguh gơnoar broă Haman in, kòn klau Hammedatha cau Agak, bơtào khai mơ ơn khai in nggui tiah hơđang rlau jơh mơ ală cau kwang at bồ bal mơ khai.

Sră Jop 31:27

Mơ nùs añ jê neh ndơp ndơr ơn nùs, mơ bơr añ jê neh cum tê añ jê.

Đơs Crih 2:12

Cum tĕ kòn, rngòt khai gơhào gơjrañ, Mơ bol mê rơp roh rui tòm gùng he dê mòn; Bơh dô êt tai bơta gơjrañ dờng kòn dê rơp gơhào guh. Lơngai jơh ală cau lơi in kìng crŭ să he di Khai.

Jơnau Pơnđik 22:29

Kòn gŏ gơs cau lơi ngac ngar tòm broă lơh he dê sơl? Cau hơ̆ ngan rơp duh broă ală cau bơtau, mơ ò di duh broă cau làng òs.

Daniel 5:29

Jat jơnau gơnoar sồr bơtau Belsassar dê, cau tơnsoh ào dà gur cau bơtau dê Daniel in, tơnwan di ngko khai dô nơm che rơnjài màh, mơ yal pơnro lah khai geh pồ bơtào gơs kwang dơ̆ pe tòm gơnoar broă at bồ lơgar dê.

Daniel 6:3

Mơ tai, Daniel la jak chài lin rlau mơ bàr nă cau kwang đơng lơgar, mơ jơh ală cau kwang at bồ kơnhwàl lơgar ne, tài bơh gơs Hwềng jak chài àng loh ơm tòm khai, gen cau bơtau kòñ pồ bơtào khai at bồ jơh lơgar.

Broă 7:10

Kơnràñ dong tă khai lik klàs bơh jơh ală bơta bòl glar, mơ ai khai in bơta nđàc mơ bơta jak chài di đap Pharaôn, bơtau Ejiptơ; cau bơtau hơ̆ pồ bơtào khai lơh gơs kwang dờng lơgar Ejiptơ, mơ jơh hìu nhă cau bơtau dê sơl.

I Samuel 10:1

Gen Samuel ai dô nơm gri mơñà mơ tuh hơđang bồ Sol, cum khai mơ đơs lah: “Yàng Jehôwa neh bong mơñà pồ bơtào mê lơh gơs cau at bồ làng bol Israel Kơnràñ dê! Mê rơp at bồ hơđang làng bol Yàng Jehôwa mơ mê rơp dong tă bol khai klàs bơh tê ală cau sò tơm gùt dar. Do la tềl sơnio mê in la Yàng Jehôwa neh bong mơñà mê in lơh gơs cau at bồ hơđang sre brê Kơnràñ dê.