Sơnròp Gơlik Gơs 41:38 - Sră Goh 2018

³⁸ Pharaôn đơs mơ ală cau duh broă khai dê lah: “Bol he jòi gŏ dô nă cau be cau do, gơs hwềng Yàng Tom Trồ dê sơl ơ?”

Sơnròp Gơlik Gơs 41:38 ပူးပေါင်းရင်းမြစ်များ

Sơnròp Gơlik Gơs 41:37

Ală jơnau do niam nùs Pharaôn mơ ală cau duh broă khai dê.

Ejra 7:25

Ai mê, ơ Ejra, jat be bơta jak chài Yàng Tom Trồ mê dê mơ mê neh gơs, pồ bơtào tĕ ală cau kwang at bồ mơ ală cau kwang cahrña nàng bol khai cahrña jơh làng bol tòm kơnhwàl ơm Đah Ne Hiòng, la ală cau git ală bơta boh lam Yàng Tom Trồ mê dê, mơ mê pal bơto ală bơta hơ̆ cau lơi ò git ală bơta boh lam hơ̆.

Sră Jop 32:8

Mơya hơ̆ la hwềng ơm tòm kòn mơnus, Nhơm tă Bơtau Gơnap Gơnoar Làm Jơh dê ai bơta git wă,

Jơnau Pơnđik 14:35

Dô nă dĭ gơna lơh lòt jak chài niam nùs bơtau; Mơya bơta gơjrañ dờng bơtau dê dùh hơđang cau lơh lòt ƀàssìl.

Jơnau Pơnđik 22:29

Kòn gŏ gơs cau lơi ngac ngar tòm broă lơh he dê sơl? Cau hơ̆ ngan rơp duh broă ală cau bơtau, mơ ò di duh broă cau làng òs.

Esai 19:11

Ală cau kwang at bồ tòm Jôan la ală cau bơrngơl gơla lơm; cau cri bơyai jak chài Pharaôn dê mìng bơyai ală jơnau ò kwơ lơm. Mbe mê rgơi đơs mơ Pharaôn lah: “Añ la dô nă tòm ală cau jak chài, la kòn sau ală cau bơtau tòm rài yau dê taih”?

Daniel 4:18

Añ la bơtau Nebukatnessar neh gŏ bơta mpau hơ̆ mơ yal wơl ală cau jak chài Babilôn in, mơya bol khai ò rgơi yal tơlik jơnau gơtha gơ dê añ in. Behơ̆ tŭ do, ơ Beltesassar, yal tơlik tĕ jơnau gơtha gơ dê añ in, mê rgơi yal tơlik tài bơh hwềng ală yàng sàng goh dê ơm tòm mê.”

Daniel 4:6

Behơ̆, añ ai jơnau sồr cèng tus di đap añ jơh ală cau jak chài Babilôn dê, tồ bol khai yal tơlik jơnau gơtha bơta mpau hơ̆ añ in.

Daniel 5:11

Tòm lơgar bơtau dê gơs dô nă cau gơs hwềng ală yàng sàng goh dê ơm tòm khai. Tòm rài bèp bơtau dê, cau lơi kung gŏ tòm khai gơs bơta àng, bơta git loh, mơ bơta jak chài kung be bơta jak chài ală yàng dê. Tài behơ̆ tàng bơtau Nebukatnessar la bèp bơtau dê neh pồ bơtào khai gơs cau at bồ mpồl ală cau jak chài Babilôn dê.

Daniel 5:14

Añ neh kơno đơs bơh mê la gơs hwềng ală yàng di ơm tòm mê, mơ mê gơs bơta àng, bơta git wă mơ jak chài lin rlau.

Daniel 6:3

Mơ tai, Daniel la jak chài lin rlau mơ bàr nă cau kwang đơng lơgar, mơ jơh ală cau kwang at bồ kơnhwàl lơgar ne, tài bơh gơs Hwềng jak chài àng loh ơm tòm khai, gen cau bơtau kòñ pồ bơtào khai at bồ jơh lơgar.

Daniel 6:4

Behơ̆ bàr nă cau kwang đơng lơgar bal mơ ală cau kwang at bồ kơnhwàl lơgar ne jòi kai yă Daniel bơh broă at bồ lơgar; mơya bol khai ò rgơi jòi bàn dô bơta tìs lơi di khai, tài bơh khai la cau di pal dòn kơnòm, ò sa kwì sa kwà, mơ ò tŭ lơi lơh tìs.

Khà Làng Bol 27:18

Behơ̆ Yàng Jehôwa đơs mơ Môise lah: “Ai tĕ Jôsue kòn klau Nun, la cau gơs Hwềng Yàng ơm bal, mơ ơn tê mê dê hơđang khai.