Sơnròp Gơlik Gơs 41:16 - Sră Goh 2018

¹⁶ Jôsep ho lah: “Hơ̆ ò di la bơh añ, mơya hơ̆ la bơh Yàng Tom Trồ ai kơnràñ in dô jơnau ho wơl hừh nùs.”

Sơnròp Gơlik Gơs 41:16 ပူးပေါင်းရင်းမြစ်များ

Sơnròp Gơlik Gơs 37:14

Israel sồr khai lah: “Mê lòt tĕ, sền ală bi mê mơ ală mpồl phan mbe lơi, gen yal wơl añ in git.” Behơ̆, bơh thòng Hebrôn khai sồr Jôsep lòt tus hơ Sicem.

Sơnròp Gơlik Gơs 40:8

Bol khai ho lah: “Bol hi neh gŏ dô bơta mpau mơ ò gơs cau yal jơnau gơtha gơ dê.” Jôsep đơs lah: “Bơta yal jơnau gơtha mpau ò di la bơh Yàng Tom Trồ ò ơ? Dan yal tĕ bơta mpau ală ồng dê añ in iat.”

Sơnròp Gơlik Gơs 41:17

Gen Pharaôn đơs mơ Jôsep lah: “Tòm bơta mpau añ jê, añ ơm ntào di gah hiòng Nil.

Sơnròp Gơlik Gơs 41:25

Jôsep đơs mơ Pharaôn lah: “Bàr bơta mpau kơnràñ neh gŏ hơ̆ gơs mìng dô gơtha lơm; Yàng Tom Trồ neh ai kơnràñ in git lài ală broă Yàng rơp lơh.

Sơnròp Gơlik Gơs 41:28

Hơ̆ la bơta añ neh đơs mơ kơnràñ: Yàng Tom Trồ neh ai kơnràñ in git ală broă Yàng rơp lơh.

II Ală Bơtau 6:27

Bơtau đơs: “Ò di, lòi tĕ Yàng Jehôwa dong kòl ai, mbe añ rgơi dong kòl ai taih? Bơh ƀlàng jă kòi hala bơh tiah pat tơrnòm ño taih?”

Daniel 2:47

Bơtau đơs mơ Daniel lah: “Ngan, Yàng Tom Trồ bol mê dê la Yàng Tom Trồ ală yàng dê, mơ la Bơtau at bồ ală bơtau dê, Kơnràñ la Bơtau yal tơlik ală bơta ndơp ndơr, mìng kơnòm di Yàng hơ̆ mơ mê rgơi yal tơlik bơta ndơp ndơr do.”

Daniel 4:2

Añ ai lơh niam nùs mơ yal bol mê in ală bơta krơi mơ tềl is crih crài mơ Yàng Tom Trồ Hơđang Rlau Jơh neh lơh añ in.

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 12:6

Kơnràñ đơs lah: “Iat tĕ jơnau Añ: Tòm tŭ dô nă cau gơnoar hwơr Yàng Jehôwa dê ơm digùl bol mê, Añ yal tơlik să tòm Añ khai in tòm ală bơta gơtơnggŏ, Añ đơs mơ khai tòm ală bơta mpau.

Luka 19:42

mơ đơs lah: “Kơp kòñ tòm ngai do mê rgơi git ală bơta lơh mê in ring lơngai. Mơya tŭ do mê ò rgơi sền gŏ gơ.

Broă 3:12

Pier gŏ behơ̆ gen đơs mơ làng bol lah: “Ơ ală cau Israel, ñchi bơh tài ală oh mi ai lơh krơi bơh broă do taih? Ñchi bơh tài ală oh mi sền trol di bol hi, gơlơh be bol hi neh kơnòm di gơnap gơnoar is hala bơta duh rngòt is hi dê nàng lơh cau do in tus lòt taih?

Broă 3:7

Pier sơmbat di tê ma khai yò tơngguh. Gen tŭ hơ̆ mo mpàng jơng mơ mat be khai dê gơlik gơs pràn kơldang.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

II Kôrintô 3:5

Ò di să tòm bol he gơs tơl bơta chài rgơi is nàng kơlôi broă lơi gơlik bơh bol hi, mơya bơta chài rgơi bol hi dê tus bơh Yàng Tom Trồ.

Yal Wơl 29:29

Ală bơta ndơp ndơr gơrê bal mơ Jehôwa Yàng Tom Trồ bol he dê, mơya ală bơta neh ràng tơlik gơrê bal mơ bol he mơ kòn sau bol he dê gam sùm sùm, tồ bol he lơh jat jơh ală jơnau neh cih tòm bơta boh lam do.