Sơnròp Gơlik Gơs 41:15 - Sră Goh 2018

¹⁵ Pharaôn đơs mơ Jôsep lah: “Añ neh gŏ dô bơta mpau.”

Sơnròp Gơlik Gơs 41:15 ပူးပေါင်းရင်းမြစ်များ

Sơnròp Gơlik Gơs 40:8

Bol khai ho lah: “Bol hi neh gŏ dô bơta mpau mơ ò gơs cau yal jơnau gơtha gơ dê.” Jôsep đơs lah: “Bơta yal jơnau gơtha mpau ò di la bơh Yàng Tom Trồ ò ơ? Dan yal tĕ bơta mpau ală ồng dê añ in iat.”

Sơnròp Gơlik Gơs 41:8

Àng drim hìng, nùs tồr khai ò suk ơm gen khai hòi ală cau pơlìn mơ ală cau jak chài tòm lơgar Ejiptơ lòt tus hơ khai. Gen khai yal bơta mpau bol hơ̆ in iat, mơya ò gơs cau lơi rgơi yal tơlik jơnau gơtha ală bơta mpau hơ̆ bơtau in.

II Yal Yau 26:5

Khai jòi jat Yàng Tom Trồ tòm rài Sacari la cau neh bơto sồr khai duh rngòt di Yàng Tom Trồ. Khai jòi jat Yàng Jehôwa jŏ kàr lơi gen Yàng Tom Trồ ai khai in bơta bơtoah bơtoài.

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Daniel 2:3

Gen bơtau đơs mơ bol khai lah: “Añ neh gŏ dô bơta mpau gơlơh dơrcul nùs añ, añ kòñ git jơnau gơtha bơta mpau hơ̆.”

Daniel 4:18

Añ la bơtau Nebukatnessar neh gŏ bơta mpau hơ̆ mơ yal wơl ală cau jak chài Babilôn in, mơya bol khai ò rgơi yal tơlik jơnau gơtha gơ dê añ in. Behơ̆ tŭ do, ơ Beltesassar, yal tơlik tĕ jơnau gơtha gơ dê añ in, mê rgơi yal tơlik tài bơh hwềng ală yàng sàng goh dê ơm tòm mê.”

Daniel 4:9

“Ơ Beltesassar, cau at bồ ală cau jak chài Babilôn dê, añ git la hwềng ală yàng sàng goh dê ơm tòm mê, mơ ò gơs dô bơta ndơp ndơr lơi la kalke mê in. Do la bơta mpau añ neh gŏ, yal tơlik tĕ jơnau gơtha gơ dê añ in.

Daniel 5:12

Daniel, mơ bèp bơtau di neh sơnđan la Beltesassar, la cau gơs bơta jak chài, git wă mơ àng loh, khai kung rgơi yal tơlik jơnau gơtha ală bơta mpau, yal loh ală bơta ndơp ndơr, mơ pơnring ală bơta kalke. Dan bơtau sồr hòi Daniel tus nàng khai yal tơlik ală jơnau gơtha do bơtau in.”

Daniel 5:14

Añ neh kơno đơs bơh mê la gơs hwềng ală yàng di ơm tòm mê, mơ mê gơs bơta àng, bơta git wă mơ jak chài lin rlau.

Daniel 5:16

Añ kơno đơs la mê rgơi yal tơlik ală bơta ndơp ndơr mơ lơh pơnring jơh ală bơta kalke. Daniel mê rgơi sền ală jơnau do mơ yal tơlik jơnau gơtha gơ dê añ in, gen mê rơp geh soh ào dà gur cau bơtau dê, rơp geh wan che rơnjài màh di ngko, mơ rơp gơs kwang dơ̆ pe tòm gơnoar broă at bồ lơgar dê.”