Sơnròp Gơlik Gơs 41:14 - Sră Goh 2018

¹⁴ Gen Pharaôn sồr cau lòt hòi Jôsep. Bol khai toh mo Jôsep bơh hìu jàm. Khai koah sơnò tềp khai dê mơ tòmgơl ồi ào, gen lòt tus mơ Pharaôn.

Sơnròp Gơlik Gơs 41:14 ပူးပေါင်းရင်းမြစ်များ

II Samuel 19:24

Mephibôset sau klau Sol dê, kung lòt tus tòm mat mơ cau bơtau. Khai ò kơlôi rcang bơh jơng khai dê, ò siat sơnò tềp hala pìh ồi ào khai dê bơh di ngai bơtau lik lòt jơl tus di ngai bơtau rê wơl lơngap lơngai.

II Ală Bơtau 25:29

Behơ̆ Jehôyakin hồ ào jàm, kòp ngai tòm rài kis khai geh sa hơđang cơnòng bal mơ bơtau.

Este 5:1

Tòm ngai pe Este soh ào jrùh bau ùr bơtau dê mơ ntào tòm ƀlàng hìu dơlam gơlang bơtau dê, di đap ơdŭ pơjum bơyai broă bơtau dê. Cau bơtau ơm nggui hơđang sơbàn khai dê tòm ơdŭ bơyai broă, wèt mat hơ mpồng mut tòm ơdŭ.

Lik Ejiptơ 10:16

Gen Pharaôn hòi Môise mơ Arôn tus mơ đơs lah: “Añ neh tìs glài mơ Jehôwa Yàng Tom Trồ bol mê dê, bal mơ bol mê tai sơl.

Cau Bơto 4:14

Bơh cau kơnòm să hơ̆ lik klàs bơh hìu jàm nàng lơh gơs bơtau, bulah kong deh tòm bơta rƀah siơ̆u siar tòm lơgar tòm he.

Esai 61:10

Añ rơp chò hòp ngan tòm Yàng Jehôwa, hwềng soàn Añ rơp hừh hơh tòm Yàng Tom Trồ Añ jê; bơh Kơnràñ neh tơnsoh Añ in ală ào bơta dong klàs mơ jơm gòm Añ mơ ào jrùh bơta song ring dê be cau bơrtơu bơka să khai mơ sơgơn bơkào; mơ be dô nă ƀan bơka să khai mơ ală lŭ màng khai dê.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Daniel 2:25

Ariôk sơrbac sơrbang lam Daniel tus di đap bơtau, mơ đơs mơ bơtau be do: “Ơ bơtau, añ neh jòi bàn dô nă cau digùl ală kòn sau cau Juda neh kong kup gơs dĭ, cau hơ̆ rơp yal bơtau in git jơnau gơtha bơta mpau dê.”