Sơnròp Gơlik Gơs 40:7 - Sră Goh 2018

⁷ gen lùp bàr nă cau kwang Pharaôn dê ơm bal mơ khai tòm hìu jàm cau tòm khai dê, lah: “Ñchi bơh tài ngai do bàr nă ồng gơs muh mat moat jrùng behơ̆ taih?”

Sơnròp Gơlik Gơs 40:7 ပူးပေါင်းရင်းမြစ်များ

Sơnròp Gơlik Gơs 40:6

Drim hìng, Jôsep tus mơ bol khai, sền gŏ bol khai moat jrùng,

Sơnròp Gơlik Gơs 42:17

Mơ Jôsep krơ̆ bol khai dô bă bal pe ngai tòm hìu jàm.

II Samuel 13:4

Jônadap đơs mơ Amnôn lah: “Ơ kòn klau bơtau, ñchi bơh tài sơlo ngai mê sơlo rgai rgong behơ̆ taih? Mê rơp yal añ in git sơl?” Amnôn ho: “Añ kòñ gơboh Tamar, oh ùr Apsalôm la oh klau añ jê.”

Nehemi 2:2

Behơ̆ cau bơtau đơs mơ añ lah: “Ñchi bơh tài muh mat mê moat jrùng bulah mê ò kòp jê? Bơta do mìng gơs bơta moat jrùng tòm nùs lơm.” Gen añ rngòt oă ngan.

Luka 24:17

Kơnràñ đơs mơ bol khai lah: “Bol mê tòmbơhbơr bal bơh bơta lơi tòm tŭ lòt gùng taih?” Bol khai dơh wơl, muh mat moat jrùng ngan.

Ală Kwang Cahrña 18:24

Mika ho lah: “Bol mê pìt ai ală yàng añ neh lơh gơs bal mơ cau gơnoar ơn phan duh khoai añ jê, mơ cèng lòt. Ñchi phan lơi gam mơ añ taih? Mbe bol mê rgơi lùp lah: Ñchi gơlik gơs di mê taih?”

I Samuel 1:8

Gen Elkana bau klau khai dê đơs mơ khai lah: “Ơ Anne, ñchi bơh tài ai ñìm taih? Ñchi bơh tài ai ò sa taih? Ñchi bơh tài nùs ai moat jrùng taih? Añ ò di rlau mơ jơt nă kòn klau ai in ò ơ?”