Sơnròp Gơlik Gơs 40:12 - Sră Goh 2018

¹² Jôsep đơs lah: “Gơtha mpau hơ̆ la be do: Pe ntê ño hơ̆ la pe ngai.

Sơnròp Gơlik Gơs 40:12 ပူးပေါင်းရင်းမြစ်များ

Sơnròp Gơlik Gơs 40:11

Tê añ at mơngàn Pharaôn dê, añ pic plai ño hơ̆, pat dà ño tòm mơngàn, gen tong gơ dê tê Pharaôn.”

Sơnròp Gơlik Gơs 40:13

Tòm pe ngai tai, Pharaôn rơp toh ồng bơh dê hìu jàm, ai wơl gơnoar ồng in, ồng tong mơngàn Pharaôn dê tòm tê khai be lài òr, be tòm tŭ ồng gam gơs kwang at bồ yò ñô.

Sơnròp Gơlik Gơs 40:18

Jôsep đơs lah: “Jơnau gơtha mpau do lah: pe lơ-i la pe ngai.

Sơnròp Gơlik Gơs 41:12

Tềng hơ̆ gơs dô nă cau pơnu Hebrơ, cau dĭ cau kwang at bồ ling dê. Bol hi yal khai in bơta mpau hi dê, mơ khai yal loh jơnau gơtha mpau kòp nă hi in.

Sơnròp Gơlik Gơs 41:28

Hơ̆ la bơta añ neh đơs mơ kơnràñ: Yàng Tom Trồ neh ai kơnràñ in git ală broă Yàng rơp lơh.

Daniel 4:18

Añ la bơtau Nebukatnessar neh gŏ bơta mpau hơ̆ mơ yal wơl ală cau jak chài Babilôn in, mơya bol khai ò rgơi yal tơlik jơnau gơtha gơ dê añ in. Behơ̆ tŭ do, ơ Beltesassar, yal tơlik tĕ jơnau gơtha gơ dê añ in, mê rgơi yal tơlik tài bơh hwềng ală yàng sàng goh dê ơm tòm mê.”

Mathiơ 26:26

Tòm tŭ sa, Yàng Jesu ai piang lă, ưnngài, dơrkă, gen tong ală cau bơtê in mơ đơs lah: “Ai tĕ mơ sa, do la să jan añ.”

I Kôrintô 10:4

mơ hùc bal dô nơm phan hùc đah hwềng, bơh bol khai hùc bơh dô nơm pơnai lŭ đah hwềng lòt jat bol khai, pơnai lŭ hơ̆ la Bơtau Krist.

Galati 4:25

Agar hơ̆ la mơnơm Sinai tòm lơgar Arabi, kung ò gơkrơi be Jerusalem tòm tŭ do, ƀòn hơ̆ bal mơ kòn sau gơ dê lơh gơs dĭ gơna.

Ală Kwang Cahrña 7:14

Gen cau bơyô khai ho lah: “Hơ̆ ò gơs bơta lơi ndai rlau mơ đào Gideôn kòn klau Jôas dê, cau Israel. Yàng Tom Trồ neh jào làng bol Midian bal mơ jơh mpồl ling tòm tê khai dê.”