Sơnròp Gơlik Gơs 4:8 - Sră Goh 2018

⁸ Kain đơs mơ Abel oh khai dê. Mơ tòm tŭ bàr nă bol khai ơm tòm ƀlàng, Kain brồ lơh Abel oh khai mơ tơnchơt khai.

Sơnròp Gơlik Gơs 4:8 ပူးပေါင်းရင်းမြစ်များ

Sơnròp Gơlik Gơs 4:25

Adam ơm bal tai mơ bau khai, mơ khai deh dô nă kòn klau sơnđan la Set; bau ùr đơs lah: “Tài bơh Yàng Tom Trồ neh ai añ in dô nă kòn klau ndai ala Abel mơ Kain neh tơnchơt rau.”

II Samuel 14:6

Cau duh broă bơtau dê, gơs bàr nă kòn klau, bol khai neh tòmlơh bal tòm ƀlàng sre, mơ ò gơs cau lơi tềng hơ̆ nàng kơryan bol khai. Dô nă kòn do lơh kòn ne mơ tơnchơt khai.

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Yal Yau 21:4

Tòm tŭ Jehôram nggui hơđang sơbàn bèp khai dê mơ geh bơtào kơ̆, gen khai ai đào tơnchơt jơh ală oh mi khai dê bal mơ ală cau kwang lơgar Israel dê.

Nehemi 6:2

Gen Sanbalat mơ Gesem pơyoa jơnau mơ añ lah: “Tus tĕ pơjum mơ bol hi tòm dô nơm ƀòn tòm ƀlàng ring Ônô.”

Sră Jop 11:15

Gen ngan ồng rơp pò mat hơđang mơ ò ƀàssìl; Ồng rơp geh ring lơngai mơ rơp ò rngòt;

Đơs Crih 139:19

Ơ Yàng Tom Trồ, dan Yàng tơnchơt ală cau iơh bơsak, Mơ bơtrơh tơlik bơh di añ ală cau lơh gơhòr mhàm.

Đơs Crih 36:3

Khai đơs ală jơnau iơh bơsak mơ blac pơrlồm; Khai neh sang bơta lơh lòt jak chài mơ sang lơh bơta niam.

Đơs Crih 55:21

Jơnau đơs khai dê ntiar rlau mơ dơngi dà toh, Mơya tòm nùs gơs bơta kơlìn gơtoă; Ală jơnau khai dê lơbơn rlau mơ mơñà, Mơya ngan la đào rlai.

Sră Ôse 4:2

Tềng hơ̆ mìng gơs bơta srat rma, bơta blac pơrlồm, bơta tơnchơt cau, bơta ntung kơñau, mơ bơta rềs àr bơrnàn; bol khai sang lòi jơh ală bơta boh lam, kư̆ lơh gơhòr mhàm sùm ò dơh.

Mice 7:6

Bơh kòn klau lơh ƀàssìl bèp, kòn ùr ntào tòmdră mơ mè, ƀan tòmdră mơ po me khai dê, mơ cau sò tơm dê mê la cau tòm hìu nhă mê dê.

Khà Làng Bol 35:20

Dilah gơs dô nă cau lơi gơs nùs gơjrañ mañ kòñ tơnchơt cau mơ khai chồl tơlo dô nă cau ndai hala kòñ tơng phan lơi di cau hơ̆ tian gơs cau hơ̆ chơt

Mathiơ 23:35

Tồ jơh ală mhàm cau song ring neh gơhòr hơđang ù gơtuh hơđang bol mê, bơh mhàm Abel la cau song ring, tus dê mhàm Sacari kòn Baraci dê mơ bol mê neh tơnchơt digùl Tiah Sàng Goh mơ cơnòng duh khoai.

Luka 11:51

bơh mhàm Abel jơl tus di mhàm Sacari, la cau neh gơkòl tơnchơt digùl cơnòng duh khoai mơ hìu duh khoai. Di ngan Añ đơs mơ bol mê, rơp kư̆ lùp wơl mhàm hơ̆ di jơi bơtiàn do,

Luka 22:48

Yàng Jesu lùp khai lah: “Ơ Juda, mê ngui bơta cum nàng pơrlơ̆ dră di Kòn Mơnus ơ?”

Hebrơ 11:4

Bơh bơta dòn Abel ơn Yàng Tom Trồ in dô nơm phan ơn duh khoai dờng màng rlau mơ phan Kain dê, mơ khai neh geh lơh cơng la song ring, bơh Yàng Tom Trồ dòp phan ơn khai dê; bơh bơta dòn, bulah khai neh chơt rau mơya gam đơs.

Hebrơ 12:24

tus hơ Yàng Jesu la Bơtau Đơng Kừh bơta ho bal pa dê, tus hơ mhàm rsìh la mhàm đơs niam rlau mơ mhàm Abel dê.

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.