Sơnròp Gơlik Gơs 4:5 - Sră Goh 2018

⁵ mơya ò bài sền Kain mơ kung ò dòp phan ơn khai dê, behơ̆ Kain gơjrañ ngan mơ tun mat.

Sơnròp Gơlik Gơs 4:5 ပူးပေါင်းရင်းမြစ်များ

Sơnròp Gơlik Gơs 31:2

Jakôp sền gŏ mat Laban, git khai ò gơròm bal mơ he be lài òr.

Sơnròp Gơlik Gơs 31:5

Khai đơs mơ bol hơ̆ lah: “Añ gŏ mat bèp bàr nă bol ai ò di be lài òr tai, mơya Yàng Tom Trồ bèp añ jê neh ơm bal mơ añ.

Sơnròp Gơlik Gơs 39:19

Dơ̆ cau tòm Jôsep dê kơno jơnau bau he neh yal lah: “Hơ̆ la cau dĭ mê lơh bơta hơ̆,” gen khai gơhào gơjrañ,

Sră Jop 15:13

Gen tàng ồng tơrwơl hwềng ồng dê tòmdră mơ Yàng Tom Trồ, Mơ lòi ală jơnau behơ̆ lik bơh di bơr ồng dê taih?

Sră Jop 5:2

Bơta lơh sơềt sơềl tơnchơt cau bơrngơl gơla, Bơta ƀoah pơrhiat tơnchơt cau ƀă liă.

Đơs Crih 20:3

Dan Kơnràñ kah jơh ală phan ơn pơdơng mê dê, Mơ niam nùs dòp phan ơn duh khoai chu pơrguc mê dê! (Selah)

Jơnau Pơnđik 19:3

Bơta bơrngơl gơla lam cau tus bơta roh rui, mơ nùs khai ƀoah gơjrañ Yàng Jehôwa.

Jơnau Pơnđik 29:10

Cau lơh gơtuh mhàm gơjrañ cau wil tơl; mơya cau song ngan prap gàr bơta kis khai.

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Esai 3:9

Muh mat bol khai lơh cơng tòmdră wơl mơ bol khai; bol khai ràng tơlik tồi glài bol khai dê be Sôdôm neh lơh; bol khai ò rgơi pồn gơ. Bòl glar bol khai in! Bơh bol khai neh cèng bơta rung rài hơđang să tòm bol khai.

Khà Làng Bol 16:15

Gen Môise gơhào gơjrañ ngan mơ đơs mơ Yàng Jehôwa lah: “Dan Yàng bañ dòp phan ơn duh khoai bol khai dê. Añ ò dòp phan lơi bơh di bol khai, bulah dô nơm alàng kung ò sơl, añ kung ò lơh iơh di dô nă cau lơi tòm bol khai.”

Mathiơ 20:15

Ò di, añ ò gơs gơnoar ngui phan mơna añ jê jat nùs kòñ añ ò ơ? Hala bi gơs nùs ƀoah gơjrañ tài bơh añ sơrmah sơrmài ơ?’

Broă 13:45

Mơya tòm tŭ gŏ mpồl làng bol oă gen ală cau Juda gơs bềng nùs ƀoah gơjrañ, tòmdră mơ jơnau bơto Pol dê mơ srat rma.

Hebrơ 11:4

Bơh bơta dòn Abel ơn Yàng Tom Trồ in dô nơm phan ơn duh khoai dờng màng rlau mơ phan Kain dê, mơ khai neh geh lơh cơng la song ring, bơh Yàng Tom Trồ dòp phan ơn khai dê; bơh bơta dòn, bulah khai neh chơt rau mơya gam đơs.

Jude 1:11

Bòl glar bol khai in! Bơh bol khai neh jat gùng Kain dê, bơh hàm kòñ cồng nha gen phi să tòm bơta tìs nrah Balaam dê, mơ kòl roh rui tòm bơta tòmdră Kôra dê.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”