Sơnròp Gơlik Gơs 4:4 - Sră Goh 2018

⁴ Abel kung ơn tòm ală belàt tơnhoa tòm mpồl belàt khai dê mơ dơngi gơ dê. Yàng Jehôwa sền gŏ Abel mơ dòp phan ơn khai dê,

Sơnròp Gơlik Gơs 4:4 ပူးပေါင်းရင်းမြစ်များ

Sơnròp Gơlik Gơs 15:17

Tŭ mattơngai neh mut, gơs bơta jơngo ngan, ne, gơs dô nơm bơnhă ồs mơ gơlik ñhŭ, mơ dô nơm lơmpiat ồs lòt gan digùl ală poac neh blah.

Sơnròp Gơlik Gơs 4:3

Mơ ơm dô êt jŏ, Kain ai plai bơh ù mơ lơh phan ơn Yàng Jehôwa in.

I Ală Bơtau 18:24

Gen bol mê hòi tĕ di sơnđan yàng bol mê dê, ai añ, añ rơp hòi dan di sơnđan Yàng Jehôwa. Yàng lơi ho jơnau mơ ồs, hơ̆ ngan la Yàng Tom Trồ.” Gen jơh làng bol ho lah: “Jơnau đơs hơ̆ la di ngan.”

I Ală Bơtau 18:38

Gen ồs Yàng Jehôwa dê mù bơh hơđang, chu pơrguc jơh phan ơn pơdơng chu, lòng, lŭ, mơ jồp jơh dà tòm rbòng.

I Yal Yau 21:26

Dabit bơt dô nơm cơnòng duh khoai tềng hơ̆ Yàng Jehôwa in mơ ơn ală phan ơn chu pơrguc mơ ală phan ơn ring lơngai. Khai hòi dan mơ Yàng Jehôwa mơ Yàng Jehôwa ho wơl khai in, ai ồs bơh đang trồ mù hơđang cơnòng duh khoai ơn phan chu pơrguc.

II Yal Yau 7:1

Tòm tŭ Salômôn neh sir hòi dan, ồs dùh bơh đang trồ mơ chu pơrguc phan ơn chu mơ ală phan ơn duh khoai, mơ bơta gơklŏ Yàng Jehôwa dê bềng lìu hìu duh khoai.

Đơs Crih 20:3

Dan Kơnràñ kah jơh ală phan ơn pơdơng mê dê, Mơ niam nùs dòp phan ơn duh khoai chu pơrguc mê dê! (Selah)

Lik Ejiptơ 13:12

gen bol mê pal ơn Yàng Jehôwa in kòp kòn tơnhoa lik bơh kơndul mè dê. Jơh ală phan poan jơng dam deh sơnròp gơrê bal mơ Yàng Jehôwa.

Jơnau Pơnđik 3:9

Ơn tĕ phan mơna kòn dê bal mơ ală plai đo bồ sơnam Nàng jòng ro Yàng Jehôwa;

Cau Bơto 4:4

Gen añ kung neh gŏ ală broă bòl glar mơ ală cau chài rgơi lơh broă gơlik bơh bơta tòmpơrlòng dô nă cau dê mơ dô nă cau ndai. Bơta hơ̆ kung la bơta roh lơm, jat dô ròs càl khồm.

Lebi 9:24

Ồs gơlik bơh Yàng Jehôwa mơ sa phan ơn chu pơrguc mơ ală pơnah dơngi hơđang cơnòng duh khoai. Mơ tòm tŭ jơh làng bol gŏ bơta hơ̆, bol khai driau dờng hòn chò mơ tơmbic să blup mat tòm ù.

Khà Làng Bol 16:15

Gen Môise gơhào gơjrañ ngan mơ đơs mơ Yàng Jehôwa lah: “Dan Yàng bañ dòp phan ơn duh khoai bol khai dê. Añ ò dòp phan lơi bơh di bol khai, bulah dô nơm alàng kung ò sơl, añ kung ò lơh iơh di dô nă cau lơi tòm bol khai.”

Khà Làng Bol 16:35

Mơ ồs gơlik bơh di Yàng Jehôwa sa roh bàr rhiang pram jơt nă cau klau neh ơn kơlhô.

Khà Làng Bol 18:12

Añ ai mê in jơh mơñà ôlibe niam rlau jơh mơ jơh tơrnòm niam rlau jơh mơ kòi mbo bol khai ơn Yàng Jehôwa in, lơh gơs phan ơn bồ sơnam.

Khà Làng Bol 18:17

Mơya mê bañ tơwài wơl kơnrồ kòn deh sơnròp, belàt hala be, bol gơ la phan goh. Rsìh tĕ mhàm gơ hơđang cơnòng ơn phan duh khoai mơ chu dơngi bol gơlơh gơs dô nơm phan ơn duh khoai chu pơrguc, gơs ƀô bơlhu niam nùs Yàng Jehôwa.

Hebrơ 11:4

Bơh bơta dòn Abel ơn Yàng Tom Trồ in dô nơm phan ơn duh khoai dờng màng rlau mơ phan Kain dê, mơ khai neh geh lơh cơng la song ring, bơh Yàng Tom Trồ dòp phan ơn khai dê; bơh bơta dòn, bulah khai neh chơt rau mơya gam đơs.

Hebrơ 9:22

Jat bơta boh lam gen jơh ală phan pal kơnòm di mhàm sồng geh goh, dilah ò gơs bơta hòr mhàm gen ò geh bơta toh glài.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Ală Kwang Cahrña 6:21

Gen cau gơnrơh Yàng Jehôwa dê yơr cồng gai jra Kơnràñ at tòm tê mơ tup di poac mơ ală piang lă ò gơs kañ. Ồs gơlik bơh di pơnai lŭ, sa pơrguc poac mơ ală piang lă ò gơs kañ; chòp cau gơnrơh Yàng Jehôwa dê roh thit bơh di đap mat khai.

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.