Sơnròp Gơlik Gơs 4:26 - Sră Goh 2018

²⁶ Set kung tơnggơs dô nă kòn klau sơnđan la Enôs. Bơh tŭ hơ̆, kòn mơnus rơp sơntòm hòi dê sơnđan Yàng Jehôwa.

Sơnròp Gơlik Gơs 4:26 ပူးပေါင်းရင်းမြစ်များ

Sơnròp Gơlik Gơs 12:8

Bơh hơ̆, khai lòt tus hơ mơnơm đah mattơngai lik Betel, gen lơh sàl; đah mattơngai mut Betel, mơ đah mattơngai lik gơs Ahi. Khai lơh tềng hơ̆ dô nơm cơnòng duh khoai Yàng Jehôwa in mơ hòi dê sơnđan Kơnràñ.

Sơnròp Gơlik Gơs 26:25

Isak lơh dô nơm cơnòng duh khoai hòi dan di sơnđan Yàng Jehôwa mơ lơh sàl tềng hơ̆. Mơ ală cau dĭ tò dô nơm tơrlung dà ndai tai.

I Ală Bơtau 18:24

Gen bol mê hòi tĕ di sơnđan yàng bol mê dê, ai añ, añ rơp hòi dan di sơnđan Yàng Jehôwa. Yàng lơi ho jơnau mơ ồs, hơ̆ ngan la Yàng Tom Trồ.” Gen jơh làng bol ho lah: “Jơnau đơs hơ̆ la di ngan.”

Đơs Crih 116:17

Añ rơp ơn Yàng in phan ơn duh khoai nàng ưnngài Kơnràñ, Mơ hòi dan di sơnđan Yàng Jehôwa.

Esai 44:5

Cau do rơp đơs lah: ‘Añ gơrê bal mơ Yàng Jehôwa,’ cau ne rơp tơmoh să tòm he bơh sơnđan Jakôp; cau ndai tai rơp cih hơđang tê he lah: ‘Añ gơrê bal mơ Yàng Jehôwa,’ mơ rơp tơmoh bơh sơnđan Israel.”

Esai 48:1

Ơm iat jơnau do, ơ hìu Jakôp, la cau geh hòi jat sơnđan Israel; mơ neh geh lik bơh tòm ryas Juda, la cau ai sơnđan Yàng Jehôwa mơ srat să, mơ hòi lùp Yàng Tom Trồ Israel dê, mơya ò di bơh jơnau song hala bơta song ring.

Esai 63:19

Bol hi neh jŏ jòng rau kung be làng bol Kơnràñ ò at bồ, mơ bol hi be làng bol ò geh hòi jat sơnđan Kơnràñ dê.

Jeremi 33:16

Tòm ală ngai hơ̆, Juda rơp geh dong klàs; Jerusalem rơp ơm lơngap lơngai; gơ geh sơnđan lah: “Yàng Jehôwa, bơta song ring bol he dê.”’

Jôel 2:32

Gen cau lơi hòi dan di sơnđan Yàng Jehôwa rơp geh dong klàs; bơh hơđang mơnơm Siôn mơ tòm Jerusalem rơp gơs ală cau geh dong tă, jat be jơnau Yàng Jehôwa neh đơs: mơ digùl ală cau gam wơl, bol khai la ală cau rơp geh Yàng Jehôwa hòi.

Sôphôni 3:9

Tòm tŭ hơ̆, Añ rơp tòmgơl jơnau đơs ală làng bol in, gơlik gơs jơnau đơs sàng goh, tồ jơh ală bol khai rơp hòi dan di sơnđan Yàng Jehôwa, mơ dô bă bal duh broă Kơnràñ.

Luka 3:38

Kenan kòn Enôs, Enôs kòn Set, Set kòn Adam, Adam kòn Yàng Tom Trồ.

Broă 11:26

mơ tòm tŭ neh jòi bàn rau, gen jun khai tus hơ Antiôt. Bàr nă bol khai pơjum bal mơ Hìu Jum Goh mơ bơto sồr oă cau tơl dô nam. Hơ̆ la tòm Antiôt cau rơp sơntòm sơnđan ală cau dòn la Cau Krist.

Broă 2:21

Mơ tai, cau lơi hòi dan di sơnđan Yàng gen rơp geh dong klàs.’

Rôma 10:13

Bơh “cau lơi hòi dan di sơnđan Yàng gen rơp geh dong klàs.”

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.