Sơnròp Gơlik Gơs 4:15 - Sră Goh 2018

¹⁵ Yàng Jehôwa đơs lah: “Tài bơh hơ̆ dilah gơs cau lơi tơnchơt Kain gen khai kong sal tê tòm poh dơ̆.” Gen Yàng Jehôwa lơh tềl dê să Kain, tồ cau lơi tìp mơ Kain rơp ò tơnchơt khai.

Sơnròp Gơlik Gơs 4:15 ပူးပေါင်းရင်းမြစ်များ

Sơnròp Gơlik Gơs 4:24

Dilah Kain geh sal tê poh dơ̆, gen Lemek rơp geh sal tê poh jơt poh dơ̆.”

I Ală Bơtau 16:7

Rlau mơ hơ̆ tai, jơnau Yàng Jehôwa dê kơnòm di cau gơnoar hwơr Jehu, kòn klau Hanani, đơs jơnau tòmdră mơ Baesa mơ hìu khai, bal mơ bơh ală tồi glài iơh bơsak mơ khai neh lơh di đap Yàng Jehôwa, mơ ală broă lơh bơh tê khai dê neh bơrcek Kơnràñ in gơjrañ kung be hìu Jerôbôam, mơ tài bơh să tòm khai kung neh tơnroh hìu hơ̆.

Đơs Crih 59:11

Bañ tơnchơt bol khai mo, rngòt làng bol añ jê mhar hŭi mòn; dan ai gơnap gơnoar Kơnràñ dê lơh bol khai wañ lơnggơh mơ tuh tơlup bol khai. Ơ Yàng Jehôwa la khèl đo bol hi dê.

Đơs Crih 79:12

Ơ Yàng Jehôwa bơta bơtat bơtròh mơ cau ơm rềp di bol hi neh bơtat bơtròh di Yàng, Dan tơm bơta hơ̆ poh dơ̆ di ntơh cau gơp ƀòn bol hi dê.

Jơnau Pơnđik 6:31

Dilah khai kòl kup, ngan khai pal tơm wơl poh dơ̆ rlau; khai rơp jào jơh ală phan mơna khai dê

Ejekiel 9:4

mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Ejekiel 9:6

Sreh tơnchơt tĕ ală cau kra, cau pơnu mơ cau ơruh, cau ùr mơ cau kơnòm, mơya bañ ƀư di dô nă cau lơi neh gơs tềl di bìng liang. Rơp sơntòm tĕ bơh di tiah sàng goh añ jê.” Behơ̆ ală cau hơ̆ rơp sơntòm bơh di ală cau kra ơm di đap hìu duh khoai.

Sră Ôse 1:4

Gen Yàng Jehôwa đơs mơ khai lah: “Tơmoh tĕ sơnđan khai la Jejreel tài bơh gam dô êt jŏ tai gen Añ rơp lơh glài hìu nhă Jehu tài bơh bơta gơhòr mhàm tòm Jejreel, mơ Añ rơp tơnlồi lơgar bơtau Israel.”

Lebi 26:18

Dilah tơnơ̆ mơ jơh ală bơta hơ̆ mơ bol mê gam ò iat jơnau Añ, Añ rơp lơh glài bol mê tai kơnjơ̆ poh dơ̆ rlau.

Lebi 26:21

Dilah bol mê kư̆ gam tòmdră mơ Añ mơ ò bài iat Añ, Añ rơp bơtơl bơta rung rài bòl glar bol mê in poh dơ̆ rlau tai, di pal mơ ală bơta tồi glài bol mê dê.

Lebi 26:24

gen să tòm Añ rơp tòmdră mơ bol mê, mơ lơh bol mê in kong bòl glar poh dơ̆ rlau tai, tài bơh ală bơta tồi glài bol mê dê.

Lebi 26:28

gen tòm bơta gơjrañ Añ jê, Añ rơp tòmdră mơ bol mê, mơ să tòm Añ rơp lơh glài bol mê kơnjơ̆ poh dơ̆ rlau tai.

Mathiơ 26:52

Gen Yàng Jesu đơs lah: “Srồm tĕ đào tòm sơmprồm, bơh kòp nă cau lơi at đào gen rơp chơt bơh đào.

Yal Tơlik 14:11

Ñhŭ bơta jê sồt bol khai dê gơguh gam sùm sùm ò lồi. Ală cau duh khoai phan poan jơng mơ rùp gơ, mơ ală cau dòp tềl sơnđan gơ, gen ngai mơ mang bol khai ò geh tŭ lơi rlô.”

Yal Tơlik 14:9

Cau gơnrơh dơ̆ pe lòt jat mơ đơs dờng lah: “Dilah cau lơi duh khoai phan poan jơng mơ rùp gơ, mơ dòp tềl gơ hơđang bìng liang hala di mpàng tê he,