Sơnròp Gơlik Gơs 4:14 - Sră Goh 2018

¹⁴ Do, ngai do Yàng neh bơtrơh tơlik añ bơh dê ù do, añ rơp ò gŏ mat Yàng tai. Añ rơp dô lòt nrah nring tòm ù: behơ̆ rơp gơs cau lơi tìp mơ añ, khai rơp tơnchơt añ.”

Sơnròp Gơlik Gơs 4:14 ပူးပေါင်းရင်းမြစ်များ

Sơnròp Gơlik Gơs 3:24

Behơ̆, Kơnràñ bơtrơh tơlik jơi kòn mơnus bơh dê suơn mơ ơn hơ đah mattơngai lik suơn Eden dê ală ceruƀim hu hi đào ồs nàng sền gàr gùng lòt tus hơ chi bơta kis.

Sơnròp Gơlik Gơs 4:13

Kain đơs mơ Yàng Jehôwa lah: “Bơta lơh glài do kơnjơ̆ ngan, añ kong ò jai.

II Samuel 14:7

Tŭ do jơh hìu nhă guh sòdră di cau duh broă bơtau dê; bol khai đơs lah: ‘Jào tĕ bol hi in cau neh tơnchơt oh khai tồ bol hi tơnchơt khai nàng sal tê oh khai in mơ khai neh tơnchơt; mơ bol hi kung tă gơnoar pơrdòn sre brê tai sơl.’ Bol khai kòñ tơnchơt dô nơm lơmpiat ồs gam wơl añ in, ò lòi wơl bau klau añ in sơnđan hala jơi bơtiàn lơi hơđang plai ù.”

Đơs Crih 109:10

Lòi kòn sau khai dê lòt gơlềng gơlàng mơ kanadàn, Lòi bol khai kong bơtrơh bơh di hìu tơrlah bol khai ơm!

Đơs Crih 109:12

Bañ gơs cau lơi kòñ nđàc di khai, Bañ gơs cau lơi nđàc sơngit di ală kòn đòi khai dê!

Đơs Crih 143:7

Ơ Yàng Jehôwa, dan mhar ho wơl jơnau añ jê! Hwềng soàn añ gơplơ̆! Dan bañ pồn mat Yàng dê bơh añ, Rngòt añ gơlik gơs be ală cau mù tòm bơtô.

Jơnau Pơnđik 14:32

Cau iơh kong tuh tơlup tòm bơta iơh bơsak he; Mơya cau song ring gam gơs tiah gơn kơnòm, bulah tòm tŭ chơt.

Jơnau Pơnđik 28:1

Cau iơh ntoat dô bulah ò gơs cau ting jat; mơya cau song ring pràn kơldang be dô nơm klìu triă.

Esai 8:22

hala bol khai rơp sền di ù, mơya mìng gŏ bơta jê sồt bòl glar mơ klam jơngo mơ bơta rngòt rngơt, mơ bol khai rơp kong bơtrơh tơmut tòm bơta klam jơngo cik.

Jeremi 52:3

Ngan, Jerusalem mơ Juda lơh Yàng Jehôwa in gơjrañ ngan, tian gơs Kơnràñ bơtrơh tơlik bol khai bơh di đap Kơnràñ. Jedekia bơtào tòmdră mơ bơtau Babilôn.

Sră Ôse 13:3

Behơ̆ tàng bol khai rơp gơlik kung be dà mơryuh àng drim, kung be dà tŭ rìng àng drim mhar roh thit, kung be nsiap càl khồm pơrdô bơh làn pơrjòt kòi, kung be ñhŭ lik bơh mpồng dềt.

Lebi 26:17

Añ rơp wèt mat Añ jê tòmdră mơ bol mê, lòi bol mê kong alah di đap ală cau sò tơm bol mê dê, ală cau gơjrañ kơuềng di bol mê rơp at bồ hơđang bol mê, mơ bol mê rơp ntoat dô bulah ò gơs cau ting jat bol mê.

Lebi 26:36

Ai đah pơnah ală cau sò tơm bol mê gam kis, Añ rơp lơh nùs bol khai in rngòt rngơt tòm lơgar ală cau sò tơm di bol khai, tian gơs ntas càl khồm nha chi kung lơh bol khai in ntoat dô. Bol khai rơp ntoat kung be ntoat dô bơh di đào ting jat, mơ bol khai rơp gơpừ bulah ò gơs cau ting jat bol khai.

Khà Làng Bol 35:19

Cau sal tê bơh mhàm rơp tơnchơt cau neh tơnchơt cau; tòm tŭ khai tìp cau tơnchơt cau hơ̆, khai pal tơnchơt cau hơ̆.

Khà Làng Bol 35:21

hala dilah tòm bơta gơjrañ mañ khai kơndap tê lơh cau hơ̆ chơt, cau hơ̆ pal kong tơnchơt; khai la dô nă cau tơnchơt cau. Cau sal tê bơh mhàm rơp tơnchơt khai tòm tŭ tìp khai.

Khà Làng Bol 35:27

mơ cau sal tê bơh mhàm tìp khai đah bơdìh ƀòn dờng, cau sal tê bơh mhàm rgơi tơnchơt cau kong yă hơ̆ mơ ò gơkòl glài tơnchơt cau.

Mathiơ 25:41

Gen Kơnràñ rơp đơs mơ ală cau ơm đah kiau lah: ‘Ơ ală cau gơkòl srat rma, lik tĕ bơh di Añ mơ mut tòm ồs gam sùm sùm, la tiah neh rcang sir cà ràk in mơ ală cau gơnrơh gơ dê.

Mathiơ 25:46

Gen ală cau do rơp mut tòm bơta lơh glài gam sùm sùm, ai ală cau song ring gen rơp mut tòm bơta kis gam sùm sùm.”

Yal Wơl 28:64

Gen Yàng Jehôwa rơp rsìh bol mê digùl jơh ală làng bol, bơh jơng trồ do tus hơ jơng trồ ne. Tềng hơ̆ bol mê rơp duh khoai ală yàng ndai, la ală yàng mơ chi mơ lŭ mơ bol mê hala ală ồng pàng bol mê dê kung ò tŭ lơi git.

Yal Wơl 28:65

Digùl ală làng bol hơ̆ bol mê rơp ò jòi bàn bơta ơm lơngai, ò gơs tiah kơndòl jơng hala jơng bol mê in ơm rlô. Tềng hơ̆ Yàng Jehôwa rơp lơh dơngoh jak bol mê dê kơlôi rcang, gar mat bol mê dê siar roh bơh kơp gơn, mơ nùs bol mê dê gơplơ̆ moat jrùng.

II Tesalônika 1:9

Bol khai rơp kòl lơh glài jàm roh rui sùm sùm ngài bơh di mat Yàng mơ bơh di bơta gơklŏ gơnoar pràn Kơnràñ dê,