Sơnròp Gơlik Gơs 39:9 - Sră Goh 2018

⁹ Tòm hìu do ò gơs cau lơi dờng rlau mơ añ, mơ khai kung ò bơkơ̆u añ bơta lơi, mìng dô nă ai bơh ai la bau cau tòm añ jê. Mbe lơh añ khin lơh bơta iơh bơsak behơ̆, mơ gơs glài mơ Yàng Jehôwa taih?”

Sơnròp Gơlik Gơs 39:9 ပူးပေါင်းရင်းမြစ်များ

Sơnròp Gơlik Gơs 13:13

Mơ tai, làng bol Sôdôm la iơh bơsak mơ gơs glài dờng ngan tòmdră mơ Yàng Jehôwa.

Sơnròp Gơlik Gơs 20:3

Mơ tòm bơta mpau, Yàng Tom Trồ tơlik mat mơ bơtau Abimelek mơ đơs lah: “Do, mê rơp chơt bơh cau ùr mơ mê neh kup, bơh khai neh gơs bau rau.”

Sơnròp Gơlik Gơs 20:6

Tòm bơta mpau, Yàng Tom Trồ đơs tai lah: “Añ git mê lơh bơta hơ̆ mơ nùs song, tài bơh hơ̆ Añ kơryan mê tìs glài mơ Añ, mơ ò ai mê ƀư di cau ùr hơ̆.

Sơnròp Gơlik Gơs 20:9

Gen Abimelek hòi Abraham mơ đơs lah: “Ñchi mê neh lơh di añ taih? Ñchi bơta añ neh lơh tìs mơ mê, mơ mê lơh añ mơ jơh lơgar añ in gơlik gơs glài dờng taih? Mê neh lơh di añ ală broă ò di pal lơh.”

Sơnròp Gơlik Gơs 24:2

Abraham đơs mơ cau dĭ ơm jŏ rlau jơh tòm hìu khai mơ gơs gơnoar hơđang jơh ală phan mơna khai dê, mơ lah: “Dan ơn tê di bơnô añ,

Sơnròp Gơlik Gơs 39:10

Khai ơniai Jôsep kòp ngai, mơ Jôsep ò bài jat jơnau khai dê nàng bic hala ơm bal mơ khai dô êt lơi.

Sơnròp Gơlik Gơs 41:40

Behơ̆ mê rơp at bồ hìu nhă añ jê, mơ jơh làng bol añ jê rơp jat jơnau mê dê. Añ rơp dờng rlau mơ mê mìng tòm sơbàn añ jê lơm.”

Sơnròp Gơlik Gơs 42:18

Tus ngai dơ̆ pe, Jôsep đơs mơ bol khai lah: “Añ rngòt di Yàng Tom Trồ, lơh tĕ be bơta do gen geh kis.

II Samuel 11:27

Tòm tŭ neh jơh ală ngai ñìm ƀồc rau, Dabit sồr cèng khai tus tòm gơlang bơtau, khai gơlik gơs bau ùr bơtau dê mơ tơnggơs khai in dô nă kòn klau. Mơya bơta Dabit neh lơh hơ̆ ò niam nùs Yàng Jehôwa.

II Samuel 12:13

Dabit đơs mơ Nathan lah: “Añ neh tìs glài mơ Yàng Jehôwa.” Nathan ho lah: “Yàng Jehôwa neh sang tồi glài bơtau dê; bơtau rơp ò chơt.

Nehemi 5:15

Ală kwang at bồ lài mơ añ neh kup làng bol àñ kơnjơ̆ rì phan sa, tơrnòm bal mơ poan jơt sieklơ priă. Tian gơs ală cau duh broă bol khai kung rồn bơklơn làng bol Mơya añ ò lơh behơ̆ ò, tài bơh añ duh rngòt di Yàng Tom Trồ.

Nehemi 6:11

Gen añ đơs lah: “Dô nă cau be añ do rơp dô ơ? Dô nă cau be añ rơp mut tòm hìu duh khoai nàng gàr bơta kis ơ? Añ rơp ò mut!”

Sră Jop 31:23

Bơh añ rngòt di bơta rung rài tus bơh Yàng Tom Trồ, Mơ añ ò rgơi ơm di đap mat bơta ryŭ ryơm Kơnràñ dê.

Đơs Crih 51:4

Añ neh tìs glài mơ Yàng, mìng mơ Yàng lơm, Mơ neh lơh bơta iơh bơsak di đap Yàng, Tồ Yàng geh kòp la song ring tòm tŭ Kơnràñ đơs, Mơ ò gơs tiah geh lah pơrhơng tòm tŭ Kơnràñ cahrña.

Lik Ejiptơ 20:14

Bol mê bañ tìs glài rềs àr bơrnàn.

Jơnau Pơnđik 6:29

Cau lơi lòt tus hơ bau ùr cau ơm rềp mơ he kung behơ̆ sơl; Ngan dilah cau lơi ƀư di khai rơp ò klàs bơh bơta lơh glài.

Jơnau Pơnđik 6:32

Cau lơi tìs glài rềs àr bơrnàn mơ dô nă cau ùr, ngan la dô nă cau neh roh dơngoh, Cau lơi lơh behơ̆, tơnroh să tòm he.

Cau Bơto 7:26

Añ jòi bàn dô bơta sràt bơtang rlau mơ bơta chơt, Hơ̆ la cau ùr la be dô nơm dă, gơs nùs be dă mơ bơtơng; tê be che sreng; cau lơi kis niam nùs Yàng Tom Trồ rơp pleh klàs bơh khai; mơ cau gơs glài rơp kòl khai kup.

Jeremi 28:16

Behơ̆ tàng, Yàng Jehôwa đơs be do: ‘Añ rơp tă sang mê klàs bơh plai ù; nam do mê rơp chơt; tài bơh neh đơs tòmdră mơ Yàng Jehôwa.’”

Jeremi 50:7

Jơh ală cau lơi tìp bol gơ, gen sa loan bol gơ; ală cau sò tơm bol gơ đơs lah: ‘Bol he ò gơkòl glài, bơh bol khai neh tìs glài tòmdră mơ Yàng Jehôwa, la ƀlàng ñhơt ngan, Yàng Jehôwa la bơta gơn kơnòm ală ồng pàng bol khai dê.’

Lebi 20:10

Dilah cau lơi tìs glài rềs àr bơrnàn mơ bau ùr dô nă cau ndai, mơ bau ùr cau ơm rềp mơ khai gen jơh bàr nă cau klau mơ cau ùr rềs àr bơrnàn hơ̆ pal kong tơnchơt.

Lebi 6:2

“Dilah cau lơi tìs glài mơ ò dòn song mơ Yàng Jehôwa bơh neh pơrlồm cau ơm rềp di khai bơh dô nơm phan lơi neh jào khai in hala lòi khai in sền gàr hala neh kơñau, hala dilah khai pơrlồm cau ơm rềp di khai,

Khà Làng Bol 32:23

Mơya dilah bol mê ò lơh jat behơ̆ gen bol mê tìs glài mơ Yàng Jehôwa; mơ bol mê git nền ngan lah tồi glài bol mê rơp gơtuh wơl hơđang bồ bol mê dê.

Luka 12:48

Ai cau ò git nùs kòñ cau tòm, mơ lơh broă ò pal lơh, gen kong pù dô êt. Bơh cau lơi geh ai oă, gen kong lùp wơl oă; mơ cau lơi geh jào oă, gen kong lùp wơl oă rlau.”

I Kôrintô 4:2

Mơ tai, cau at bồ hìu pal gơs dô bơta, hơ̆ la pal dòn song.

Sră Pơyoa Pol Dê Pơyoa Tit In 2:10

bañ kơñau phan lơi, mơya pal yal tơlik nùs dòn song wil tơl, nàng tòm jơh ală bơta lơh jơnau Yàng Tom Trồ dê la Yàng Dong Klàs bol he dê geh gơklŏ.

Hebrơ 13:4

Tơl nă cau pal sền dờng màng bơta tòmbau, bañ lơh ƀơ̆ ƀơl ơdŭ tòmbau; bơh Yàng Tom Trồ rơp cahrña ală cau rềs àr bơrnàn mơ ală cau dri tơlàr.

I Jang 3:9

Cau lơi tơnggơs bơh Yàng Tom Trồ gen ò tìs glài, tài bơh gar sơntìl Yàng Tom Trồ dê ơm sùm tòm khai; mơ khai ò rgơi tìs glài, tài bơh neh tơnggơs bơh Yàng Tom Trồ.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.