Sơnròp Gơlik Gơs 39:3 - Sră Goh 2018

³ Cau tòm khai dê gŏ Yàng Jehôwa ơm bal mơ khai mơ Kơnràñ lơh jơh ală broă bơh tê Jôsep di gơlik cồng nha.

Sơnròp Gơlik Gơs 39:3 ပူးပေါင်းရင်းမြစ်များ

Sơnròp Gơlik Gơs 21:20

Yàng Tom Trồ ơm bal mơ cau kơnòm hơ̆, khai rhòi dờng, ơm tòm ƀlàng ngềt ngơt, mơ gơlik gơs cau jak pañ.

Sơnròp Gơlik Gơs 21:22

Tòm tŭ hơ̆ bơtau Abimelek mơ Pikôl, cau gơnoar dờng at bồ ling khai dê, đơs mơ Abraham lah: “Yàng Tom Trồ ơm bal mơ mê tòm kòp broă mê lơh.

Sơnròp Gơlik Gơs 21:23

Behơ̆ tŭ do, ai tĕ sơnđan Yàng Tom Trồ mơ ho bal lah mê rơp ò gàt añ, kòn añ mơ sau añ. Mơya mê rơp lơh niam mơ añ bal mơ lơgar mê ơm ing be añ neh lơh mê in.”

Sơnròp Gơlik Gơs 26:24

Mang hơ̆ Yàng Jehôwa tơlik mat mơ khai, mơ đơs lah: “Añ la Yàng Tom Trồ Abraham bèp mê dê, bañ rngòt, bơh Añ ơm bal mơ mê, Añ rơp ai lơngai mê in mơ bơtơl jơi bơtiàn mê in, tài bơh Abraham cau dĭ gơna Añ jê.”

Sơnròp Gơlik Gơs 26:28

Bol khai ho lah: “Bol hi neh gŏ loh làng Yàng Jehôwa ơm bal mơ mê, gen bol hi đơs bal lah: Pal gơs dô jơnau ho bal digùl hi mơ mê, ai bol hi in lơh bơta ho bal mơ mê!

Sơnròp Gơlik Gơs 30:27

Laban đơs lah: “Dan añ in geh bơta nđàc di đap mê. Añ gŏ loh làng Yàng Jehôwa bơh mê mơ neh ai lơngai añ in.”

Sơnròp Gơlik Gơs 30:30

Lài mơ tŭ añ òhềt tus, ală phan poan jơng kồñ dê gơs dô êt lơm, mơya bơh di tŭ añ tus mơ ơm gen gơbơtơl oă ngan. Yàng Jehôwa neh ai lơngai kồñ in tòm ală cơnđòa lòt añ jê. Tŭ lơi añ rơp rcang lơh broă hìu añ jê taih?”

Sơnròp Gơlik Gơs 39:2

Jôsep ơm tòm hìu cau tòm khai dê la cau Ejiptơ. Yàng Jehôwa ơm bal mơ khai, gen khai gơlik gơs cồng nha sùm.

Sơnròp Gơlik Gơs 39:21

Mơya Yàng Jehôwa ơm bal mơ Jôsep, mơ Kơnràñ yal tơlik bơta kòñ gơboh kơ̆ dơn Kơnràñ dê, mơ ai khai in geh bơta nđàc di đap cau at bồ hìu jàm.

Sơnròp Gơlik Gơs 39:23

Cau gơnoar at bồ hìu jàm ò sền sơwì tai ală broă lơh neh jào tòm tê Jôsep, tài bơh Yàng Jehôwa ơm bal mơ khai, mơ ai broă lơi khai in lơh gen gơlik gơs cồng nha.

II Ală Bơtau 18:7

Yàng Jehôwa ơm bal mơ khai; bulah khai lòt tiah lơi, gen geh bơtoah bơtoài. Khai pơrlơ̆ dră mơ bơtau Asiri, mơ ò bài duh broă bơtau hơ̆ tai.

I Yal Yau 22:13

Gen kòn rơp geh bơtoah bơtoài dilah kòn kơrhia lơh jat ală jơnau sồr mơ bơta boh lam mơ Yàng Jehôwa neh kơnòm di Môise ai Israel in. Lơh tĕ pràn kơldang mơ khin cha. Bañ rngòt mơ bañ gơplơ̆ nùs.

I Yal Yau 9:20

Bơh tŭ sơnròp Phineas kòn klau Eleajar neh gơs broă tòm at bồ ală cau kơp gàr mpồng, mơ Yàng Jehôwa ơm mơ khai.

II Yal Yau 1:1

Salômôn kòn klau Dabit neh bơtào kơ̆ să tòm khai hơđang lơgar khai dê, bơh Jehôwa Yàng Tom Trồ khai dê ơm bal mơ khai mơ lơh khai in gơlik dờng ryŭ rlau oă ngan.

II Yal Yau 26:5

Khai jòi jat Yàng Tom Trồ tòm rài Sacari la cau neh bơto sồr khai duh rngòt di Yàng Tom Trồ. Khai jòi jat Yàng Jehôwa jŏ kàr lơi gen Yàng Tom Trồ ai khai in bơta bơtoah bơtoài.

Nehemi 2:20

Gen añ ho bol khai lah: “Yàng Tom Trồ hơđang trồ la Bơtau rơp ai bol hi in gơlik cồng nha, mơ bol hi la cau duh broă Kơnràñ dê neh lòt nàng sơntòm bơt wơl. Mơya bol mê ò gơs pơnah lơi, gơnoar lơi, hala bơta yal yau lơi di ngan tòm Jerusalem.”

Đơs Crih 1:3

Cau hơ̆ kung be chi tam di gah hiòng dà, Gơlik plai jat kơnhai sơnam, Nha gơ kung ò ro jrùh sơl. Ală bơta khai lơh rơp gơlik cồng nha.

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

I Kôrintô 16:2

Ngai sơnròp tòm kòp poh, kòp nă jat bơta cồng nha he dê mơ prap lòi is, tồ ò càng rì jền tòm tŭ añ tus.

Yal Wơl 2:7

Jehôwa Yàng Tom Trồ bol mê dê neh ai lơngai bol mê in tòm jơh ală broă tê bol mê neh lơh. Kơnràñ neh sền gàr gùng dà bol mê dê lòt gan ƀlàng ngềt ngơt dờng ơnàng do. Tòm poan jơt nam do Jehôwa Yàng Tom Trồ bol mê dê neh ơm bal mơ bol mê, mơ bol mê ò siơ̆u phan lơi ò.’

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.

I Samuel 18:14

Dabit gơlik cồng nha dờng tòm kòp ală broă khai lơh; tài bơh Yàng Jehôwa ơm bal mơ khai.

I Samuel 18:28

Tòm tŭ Sol đal git lah Yàng Jehôwa ơm bal mơ Dabit, mơ kòn ùr khai dê kòñ gơboh di Dabit,

I Samuel 3:19

Samuel sơlo dờng, Yàng Jehôwa ơm bal mơ khai, mơ Kơnràñ ò lòi dô jơnau đơs lơi Kơnràñ dê gơlik ò kwơ.