Sơnròp Gơlik Gơs 37:8 - Sră Goh 2018

⁸ Gen ală bi khai ho lah: “Mê rơp at bồ bol hi ơ? Mê rơp geh gơnoar hơđang bol hi ơ?” Bol hơ̆ sơlo gơjrañ kơuềng di khai oă tai, tài bơh ală bơta mpau mơ jơnau đơs khai dê.

Sơnròp Gơlik Gơs 37:8 ပူးပေါင်းရင်းမြစ်များ

Sơnròp Gơlik Gơs 27:41

Esau gơjrañ kơuềng di Jakôp tài bơh bèp khai ai lơngai Jakôp in, gen đơs tòm nùs lah: “Ală ngai moat bèp dê mòr di, behơ̆ añ rơp tơnchơt Jakôp, oh añ.”

Sơnròp Gơlik Gơs 37:4

Ală bi khai gŏ bèp kòñ gơboh di Jôsep rlau mơ ală bol khai, gen gơs nùs gơjrañ kơuềng di khai, mơ ò bài đơs niam mơ khai.

Sơnròp Gơlik Gơs 37:9

Jôsep gŏ dô bơta mpau tai, mơ yal mơ ală bi khai in lah: “Añ gŏ dô bơta mpau tai! Do, mattơngai, kơnhai, mơ jơt dùl nơm sơmañ tus tơmbic să di đap añ.”

Sơnròp Gơlik Gơs 42:10

Bol khai ho lah: “Ơ kơnràñ, ò di behơ̆ ò, ală cau dĭ kơnràñ dê lòt tus nàng pơl kòi lơm.

Sơnròp Gơlik Gơs 44:18

Gen Juda lòt tus rềp mơ Jôsep mơ đơs lah: “Bơh kơnràñ la ndròm bal mơ Pharaôn, dan să mơ kơnràñ bañ gơjrañ di cau dĭ kơnràñ dê, lòi añ đơs dô jơnau nàng kơnràñ in iat.

Sơnròp Gơlik Gơs 49:26

Bơta lơngai añ ai mê in la lin rlau mơ ală bơta lơngai mò pàng añ jê, lin rlau mơ ală bồ mơnơm gam sùm sùm; Dan ală bơta lơngai do rơp ơm di bồ Jôsep, hơđang bồ cau bơtau ơm digùl oh mi khai dê.

Sơnròp Gơlik Gơs 50:18

Să tòm ală bi khai tus tơmbic să di jơng khai mơ đơs lah: “Ală bol hi ngan la cau dĭ mê dê.”

Đơs Crih 118:22

Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu.

Lik Ejiptơ 2:14

Cau hơ̆ đơs lah: “Ñcau neh pồ bơtào mê lơh gơs cau at bồ mơ cau kwang cahrña bol hi taih? Ngan sơl la mê kơlôi kòñ tơnchơt añ kung be mê neh tơnchơt cau Ejiptơ ne ơ?” Kơno behơ̆ gen Môise rngòt mơ kơlôi lah: “Bơta añ neh lơh neh cau git jơh rau.”

Luka 19:14

Mơya làng bol khai dê gơjrañ kơuềng di khai, sồr cau kong sồr lòt jat mơ đơs lah: ‘Bol hi ò kòñ cau do at bồ bol hi.’

Luka 20:17

Yàng Jesu sền di bol khai mơ đơs lah: “Behơ̆ gen jơnau neh cih: ‘Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu,’ la ñchi taih?

Broă 7:35

Môise do la cau neh bol khai sang mơ đơs lah: ‘Ñcau neh bơtào mê lơh gơs kwang at bồ mơ kwang cahrña taih?’ Hơ̆ la cau mơ Yàng Tom Trồ neh sồr lơh gơs kwang at bồ mơ bơtau dong tă, kơnòm di tê cau gơnrơh neh tơlik să mơ khai tòm rlau lò.

Yal Wơl 33:16

bơh ală phan pà niam rlau jơh plai ù dê mơ bơta bềng lìu gơ dê, mơ bơta nđàc bơtau ơm tòm hơđang Sinai. Lòi tĕ jơh ală bơta do ơm hơđang bồ Jôsep, mơ hơđang bìng liang cau at bồ digùl ală oh mi khai dê.

Hebrơ 10:29

tơ ài lah cau jă trơm Kòn Yàng Tom Trồ, sền mhàm bơta ho bal neh lơh khai in geh gơlik gơs sàng goh la mhàm ƀơ̆ ƀơl, mơ sền òsơp di Yàng Hwềng neh ai bơta nđàc, gen oh mi kơlôi lah cau hơ̆ ò di pal kong lơh glài kơnjơ̆ rlau ò ơ?

I Samuel 10:27

Mơya gơs dô êt nă cau gơlềng gơlàng đơs lah: “Mbe rgơi klau do dong tă he taih?” Bol hơ̆ sền òsơp di khai mơ ò cèng phan pà khai in. Mơya Sol kư̆ ơm ring lơngai.

I Samuel 17:28

Tòm tŭ Eliap, bi tơnhoa Dabit dê kơno khai đơs mơ ală cau hơ̆, gen Eliap gơhào gơjrañ ngan mơ lùp Dabit lah: “Ñchi bơh tài mê mù hơ do taih? Mê neh lòi cau lơi in ê gàr dô êt belàt hơ̆ tòm ƀlàng ngềt ngơt taih? Añ git bơta pơnhừ să mê dê, mơ nùs mê iơh bơsak la mbe lơi; mê neh tus tềng do mìng nàng sền bơta tòmlơh lơm.”

I Samuel 18:8

Sol gơjrañ ngan, bơh jơnau đơs chò hơ̆ ò niam nùs khai dê. Khai kơlôi lah: “Bol khai jòng ro Dabit neh tơnchơt oă jơt rbô, đah mơ añ gen mìng oă rbô. Ñchi bơta rlau tai khai rgơi geh, mìng siơ̆u gơnoar at bồ lơgar?”