Sơnròp Gơlik Gơs 37:4 - Sră Goh 2018

⁴ Ală bi khai gŏ bèp kòñ gơboh di Jôsep rlau mơ ală bol khai, gen gơs nùs gơjrañ kơuềng di khai, mơ ò bài đơs niam mơ khai.

Sơnròp Gơlik Gơs 37:4 ပူးပေါင်းရင်းမြစ်များ

Sơnròp Gơlik Gơs 27:41

Esau gơjrañ kơuềng di Jakôp tài bơh bèp khai ai lơngai Jakôp in, gen đơs tòm nùs lah: “Ală ngai moat bèp dê mòr di, behơ̆ añ rơp tơnchơt Jakôp, oh añ.”

Sơnròp Gơlik Gơs 37:11

Ală bi khai ƀoah gơjrañ di khai, mơya bèp ò hŭi bơta hơ̆.

Sơnròp Gơlik Gơs 37:5

Jôsep gŏ dô bơta mpau, mơ yal wơl mơ ală bi khai in kơno; bol khai sơlo gơjrañ kơuềng di khai tai.

Sơnròp Gơlik Gơs 4:5

mơya ò bài sền Kain mơ kung ò dòp phan ơn khai dê, behơ̆ Kain gơjrañ ngan mơ tun mat.

Sơnròp Gơlik Gơs 49:23

Cau pañ àtak neh sò tơm di khai pràn ngan, Pañ khai mơ kam, mơ rồn bơklơn.

Đơs Crih 38:19

Ală cau sò tơm di añ ò bồ la pràn ngan, Mơ cau gơjrañ kơuềng ò bồ di añ la oă ngan.

Đơs Crih 69:4

Ală cau gơjrañ kơuềng di añ ò bồ; Oă rlau mơ sŏ di bồ añ jê; Bol khai la ală cau kòñ tơnroh añ, ală cau sò tơm di añ yă blac añ. Tŭ do añ pal tơm phan añ ò kơñau sơl ơ?

Jeremi 12:6

Să tòm oh mi mê mơ hìu bèp mê Ơm tòmdră mơ mê, Bol khai kung driau dờng sòdră đah ngkòi mê tai sơl. Bulah bol khai đơs ală jơnau niam, Mê kung bañ dòn bol khai!

Jơnau Niam Jat Mak 3:25

mơ dilah hìu lơi tòmcah is gen hìu hơ̆ kung ò rgơi kơ̆ tai.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

I Jang 2:11

Mơya cau lơi gơjrañ kơuềng di oh mi he, gen ơm tòm bơta klam jơngo, lơh lòt tòm bơta klam jơngo, mơ ò git ntềng đah he lòt tài bơh bơta klam jơngo neh lơh jơngo mat khai dê.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

I Jang 3:12

Bañ lơh be Kain, la cau bal mơ cà ràk mơ neh tơnchơt oh khai dê. Ñchi bơh tài khai tơnchơt oh khai taih? Tài bơh ală broă să tòm khai dê la iơh rmơh, ai ală broă oh khai dê la song ring.

I Jang 4:20

Dilah cau lơi đơs lah: “Añ kòñ gơboh di Yàng Tom Trồ,” mơya gơjrañ kơuềng di oh mi he, gen khai la cau đơs blac; bơh cau lơi ò kòñ gơboh di oh mi he la cau he neh gŏ, gen ò rgơi kòñ gơboh di Yàng Tom Trồ la Bơtau he ò gŏ.

I Samuel 17:28

Tòm tŭ Eliap, bi tơnhoa Dabit dê kơno khai đơs mơ ală cau hơ̆, gen Eliap gơhào gơjrañ ngan mơ lùp Dabit lah: “Ñchi bơh tài mê mù hơ do taih? Mê neh lòi cau lơi in ê gàr dô êt belàt hơ̆ tòm ƀlàng ngềt ngơt taih? Añ git bơta pơnhừ să mê dê, mơ nùs mê iơh bơsak la mbe lơi; mê neh tus tềng do mìng nàng sền bơta tòmlơh lơm.”