Sơnròp Gơlik Gơs 37:34 - Sră Goh 2018

³⁴ Khai crè ào di să he mơ ai ồi dur pùt gùt dar but khai, mơ moat jrùng ñìm rac jŏ ngai bơh kòn klau khai dê.

Sơnròp Gơlik Gơs 37:34 ပူးပေါင်းရင်းမြစ်များ

Sơnròp Gơlik Gơs 37:29

Ruben rê wơl hơ tơrlung, Jôsep ò gam tềng hơ̆ tai, gen crè ào he.

Sơnròp Gơlik Gơs 42:38

Mơya Jakôp ho lah: “Kòn put añ ò mù bal mơ bol mê ò, tài bơh bi khai neh chơt rau, gam mìng dô nă khai lơm. Dilah bơta gơtup gơtơl tus mơ khai tòm gùng bol mê lòt, gen bol mê rơp lơh cau sŏ kò do jê nùs mù tòm lơgar làng ƀồc.”

Sơnròp Gơlik Gơs 44:13

Kòp nă crè ào he, kơt wơl ală rơnđò kòi hơđang ngkòi alàng, lồc behơ̆ rê wơl hơ ƀòn dờng.

II Samuel 1:11

Gen Dabit mơ jơh ală cau bal mơ khai crè ồi ào he dê.

II Samuel 3:31

Gen Dabit đơs mơ Jôap bal mơ jơh ală cau gơs mat tềng hơ̆ lah: “Crè tĕ ồi ào bol mê dê mơ soh ƀào sơnò kiat, mơ ñìm rac di đap Apner.” Mơ bơtau Dabit lòt jat bơh tơnơ̆ bòng ƀồc.

I Ală Bơtau 20:31

Ală dĭ gơna Benhadat đơs mơ khai lah: “Bol hi neh kơno lah ală cau bơtau Israel la ală cau gơs nùs bềng kòñ nđàc. Behơ̆ lòi bol hi kơt ƀào di but, mơ pùt che hơđang bồ bol he dê, mơ lik tus hơ bơtau Israel: digơlan khai rơp lòi bơtau in kis.”

I Ală Bơtau 21:27

Tòm tŭ Ahap neh kơno jơnau hơ̆, khai crè ồi ào khai dê; mơ soh ƀào di să mơ ơt sa; yùp mơ ƀào bic tòm tiah mơ ơm pơndêt să.

II Ală Bơtau 19:1

Tòm tŭ bơtau Ejekia kơno ală jơnau hơ̆, gen bơtau crè ồi ào mơ soh ào bài sơnò kiat, mut tòm hìu duh khoai Yàng Jehôwa dê.

II Ală Bơtau 2:12

Elise kư̆ sền mơ driau lah: “Ơ bèp añ jê! Bèp añ jê! Rơndeh mơ mpồl ling hào ơseh Israel dê!” Mơya tòm tŭ Elise ò sền gŏ Eli tai; khai sơmbat di ào tòm khai dê mơ crè gơs bàr pet.

II Ală Bơtau 22:11

Tòm tŭ bơtau kơno ală jơnau tòm sră bơta boh lam, gen khai crè ồi ào.

I Yal Yau 21:16

Dabit tơnggòr sền mơ gŏ cau gơnrơh Yàng Jehôwa dê ntào digùl trồ mơ tiah, gơs dô nơm đào neh tă bơh di sơmprồm at tòm tê pò hơđang Jerusalem. Gen Dabit mơ ală cau kwang kra neh soh ƀào kiat tơmbic să blup mat tòm ù.

I Yal Yau 7:22

Epraim bèp bol khai pơt wòl ñìm rac tòm jŏ ngai, mơ ală gơp bơtiàn lòt tus pơndòm pơniang khai.

Nehemi 9:1

Tòm ngai bàr jơt poan kơnhai hơ̆, làng bol Israel pơjum bal ơt sa soh ào ƀào, rsìh kơmbuh ù hơđang bồ bol khai dê.

Sră Jop 1:20

Gen Jop ñă ntào, crè ào khai dê mơ koah bồ, mơ tơmbic să tòm ù mơ duh khoai Yàng,

Sră Jop 16:15

Añ neh jing ƀào bài sơnò kiat nàng jơm gơltau añ, Añ ơn bơta pràn añ jê tòm kơmbuh ù.

Sră Jop 2:12

Tòm tŭ bol khai sền gŏ Jop bơh ngài, bol khai ò git đal khai; bol khai nggà ñìm dờng, crè ào mơ rsìh kơmbuh ù hơđang bồ bol khai dê.

Đơs Crih 69:11

Tòm tŭ añ ai bài sơnò kiat lơh gơs phan soh añ in, Gen añ gơlik gơs jơnau pơnđik bol khai in.

Esai 32:11

Rơm să tĕ, bol ai la ală cau ùr ơm lơngai! Rngòt rơm să tĕ, bol ai la ală kòn ùr kơlôi geh hừh nùs! Hồ tĕ ồi ào bol ai dê mơ ơm să kuh; soh tĕ ƀào sơnò kiat gùt dar but.

Esai 36:22

Gen Eliakim, kòn klau Hilkia, cau kwang at bồ gơlang bơtau, bal mơ cau gơnoar cih Sepna, mơ Jôa kòn klau Asap, cau kwang cih sră yal yau lơgar dê, crè ào bol khai dê, rê wơl mơ bơtau Ejekia, mơ yal wơl ală jơnau Rapsake neh đơs.

Jeremi 36:24

Bơtau mơ ală làng bol neh kơno ală jơnau hơ̆, ò rngòt dô êt lơi, ò crè ào he.

Jeremi 48:37

Kòp nơm bồ neh koah jơh, kòp sơnò tềp gen koh jơh; kòp nơm tê gen kong tềl reh, kòp nơm but soh ƀào sơnò kiat.

Jôel 2:13

Crè tĕ nùs bol mê, bañ crè ào bol mê dê. Rê wơl tĕ hơ Jehôwa Yàng Tom Trồ bol mê dê; bơh Kơnràñ la kòñ nđàc mơ nđàc sơngit, òbat gơjrañ mơ bềng bơta kòñ gơboh kơ̆ dơn, tơnruc nùs ò đùh bơta rung rài.

Mathiơ 11:21

“Bòl glar mê in, ơ Kôrajin! Bòl glar mê in, ơ Betsaida! Bơh ală broă gơnap gơnoar neh geh lơh gơs digùl bol mê, dilah geh lơh gơs tòm Tirơ mơ Sidôn, gen bol khai neh soh ào bài sơnò kiat, ơm tòm bùh mơ gơjrañ sang glài neh jŏ rau.

Mathiơ 26:65

Gen cau gơnoar dờng lam bồ ơn phan duh khoai crè ào khai mơ đơs lah: “Khai neh đơs tràl sơrbil. Ñchi bơh tài bol he gam jòi cau ndai lơh cơng taih? Do, bol mê pa kơno jơnau tràl sơrbil hơ̆.

Broă 14:14

Mơya dơ̆ bàr nă cau gơnoar bơto dờng la Banaba mơ Pol kơno bơta hơ̆ gen crè ào he, brồ mut tòm gùl mpồl làng bol, mơ driau dờng:

Jôsue 7:6

Gen Jôsue crè ào khai mơ tơmbic să blup mat tòm ù di đap Đài Yàng Jehôwa dê jơl tus mho; khai bal mơ ală cau kwang kra Israel dê; mơ bol khai rsìh thul hơđang bồ bol khai dê.

Yal Tơlik 11:3

Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”

Ală Kwang Cahrña 11:35

Tòm tŭ Jepthe gŏ kòn ùr khai dê gen khai crè ào tòm khai mơ đơs dờng lah: “Ơ hơh! Ơ kòn ùr añ jê, nđàc sơngit añ, ai neh lơh bòl glar moat jrùng ngan añ in, tài bơh añ neh srat să ho pơgon mơ Yàng Jehôwa mơ añ ò rgơi tòmgơl jơnau ho pơgon hơ̆.”