Sơnròp Gơlik Gơs 31:7 - Sră Goh 2018

⁷ ai bèp bol ai neh pơrlồm mơ gơl jền tơngai añ jơt dơ̆, mơya Yàng Tom Trồ ò ai khai in lơh iơh di añ dô êt lơi.

Sơnròp Gơlik Gơs 31:7 ပူးပေါင်းရင်းမြစ်များ

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Sơnròp Gơlik Gơs 20:6

Tòm bơta mpau, Yàng Tom Trồ đơs tai lah: “Añ git mê lơh bơta hơ̆ mơ nùs song, tài bơh hơ̆ Añ kơryan mê tìs glài mơ Añ, mơ ò ai mê ƀư di cau ùr hơ̆.

Sơnròp Gơlik Gơs 29:25

Àng drim hìng sồng khai git la Lea, gen Jakôp lùp Laban lah: “Ñchi kồñ neh lơh añ in behơ̆ taih? Tài bơh Racel mơ añ neh lơh broă tòm hìu nhă kồñ in ò ơ? Tài bơh ñchi kồñ pơrlồm añ taih?”

Sơnròp Gơlik Gơs 30:28

Khai đơs tai lah: “Mê kòp tĕ jền tơngai mê dê gen añ rơp ai mê in.”

Sơnròp Gơlik Gơs 31:24

Mơya, tòm bơta mpau tòm trồ mang, Yàng Tom Trồ tus mơ Laban cau Aram mơ đơs lah: “Mê kơrhia tĕ, să tòm mê bañ đơs ñchi bơta lơi niam hala iơh mơ Jakôp.”

Sơnròp Gơlik Gơs 31:29

Añ gơs gơnoar tòm tê añ mơ lơh iơh di mê, mơya Yàng Tom Trồ bèp mê dê neh đơs mơ añ tòm mang ti lah: ‘Mê kơrhia hàñ tĕ, să tòm mê bañ đơs jơnau lơi niam hala iơh mơ Jakôp.’

Sơnròp Gơlik Gơs 31:41

Behơ̆ tòm bàr jơt nam mơ añ neh ơm tòm hìu nhă kồñ dê, tòm jơt poan nam añ neh lơh broă nàng geh bàr nă kòn ùr kồñ dê, mơ prau nam tồ geh mpồl phan poan jơng kồñ dê, mơya kồñ tòmgơl jơt dơ̆ jền tơngai añ jê.

Nehemi 4:12

Mơya ală cau Juda ơm rềp mơ bol khai, tus yal bol hi in jơt dơ̆ lah: “Ală cau sò tơm rơp guh tus bơh di jơh ală tiah bol khai ơm nàng tòmdră mơ bol he.”

Sră Jop 1:10

Yàng ò di neh lơh dô nơm pơnggàr gùt dar khai, hìu nhă khai mơ jơh ală phan gơrê bal mơ khai, tòm kòp đah ò ơ? Yàng neh ai lơngai ală broă tê khai neh lơh, mơ lơh ală phan mơna khai dê gơbơtơl oă tòm lơgar.

Sră Jop 19:3

Neh jơt dơ̆ rau oh mi lah pơrhơng añ, Oh mi ò git ƀàssìl lơh iơh di añ taih?

Sră Jop 19:8

Yàng neh cang gùng añ nàng añ ò rgơi lòt gan; Kơnràñ neh ơn bơta klam jơngo hơđang gùng lòt añ jê.

Đơs Crih 37:28

Bơh Yàng Jehôwa kòñ gơboh bơta song ring; Kơnràñ rơp ò sang lòi cau sàng goh Kơnràñ dê. Cau song ring geh Yàng sền gàr sùm sùm, Ai kòn sau cau iơh bơsak dê rơp kòl tơnroh.

Esai 4:1

Poh nă cau ùr rơp sơmbat kup dô nă cau klau tòm ngai hơ̆, mơ đơs lah: “Bol hi rơp sa phan tòm hi dê, soh ồi ào tòm hi dê; mìng lòi bol hi in geh hòi jat sơnđan mê dê; dan tă tơlik ngài bơta ƀàssìl bol hi dê!”

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Daniel 1:20

Mơ tai, tòm tŭ cau bơtau lùp bol khai ală sèng lùp bơh ală bơta jak chài mơ bơta git wă, gen gŏ bol khai lin jơt dơ̆ rlau mơ jơh ală cau gru mơ cau tơlhơu tòm làm lơgar cau bơtau dê.

Lebi 26:26

Tòm tŭ Añ ò tai rcang ai phan sa bol mê in, jơt nă cau ùr rơp rgơi gơm piang bal mìng hơđang dô nơm bơnhă ồs lơm, bol khai rơp kơr phan sa ai bol mê in; bol mê rơp sa mơya ò hòm.

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Khà Làng Bol 14:22

ò gơs dô nă cau klau lơi neh sền gŏ bơta gơklŏ Añ jê mơ ală tềl krơi Añ neh lơh tòm Ejiptơ mơ tòm ƀlàng ngềt ngơt mơya neh ò dòn bơr Añ mơ lòng Añ jơt dơ̆,