Sơnròp Gơlik Gơs 31:3 - Sră Goh 2018

³ Yàng Jehôwa đơs mơ Jakôp lah: “Rê tĕ hơ lơgar bèp mê mơ jơi bơtiàn mê, mơ Añ rơp ơm bal mơ mê.”

Sơnròp Gơlik Gơs 31:3 ပူးပေါင်းရင်းမြစ်များ

Sơnròp Gơlik Gơs 13:15

Bơh ù lơi mê gŏ Añ rơp ai mê mơ jơi bơtiàn mê in sùm sùm kòp rài.

Sơnròp Gơlik Gơs 21:22

Tòm tŭ hơ̆ bơtau Abimelek mơ Pikôl, cau gơnoar dờng at bồ ling khai dê, đơs mơ Abraham lah: “Yàng Tom Trồ ơm bal mơ mê tòm kòp broă mê lơh.

Sơnròp Gơlik Gơs 26:24

Mang hơ̆ Yàng Jehôwa tơlik mat mơ khai, mơ đơs lah: “Añ la Yàng Tom Trồ Abraham bèp mê dê, bañ rngòt, bơh Añ ơm bal mơ mê, Añ rơp ai lơngai mê in mơ bơtơl jơi bơtiàn mê in, tài bơh Abraham cau dĭ gơna Añ jê.”

Sơnròp Gơlik Gơs 28:13

Do, Yàng Jehôwa ntào di bồ ntùng mơ đơs lah: “Añ la Jehôwa Yàng Tom Trồ Abraham ồng mê dê mơ la Yàng Tom Trồ Isak dê. Añ rơp ai mê mơ jơi bơtiàn mê in ù mê bic do.

Sơnròp Gơlik Gơs 28:15

Mơ Añ ơm bal mơ mê, mê lòt tiah lơi Añ rơp sền gàr mê tềng hơ̆ mơ cèng mê rê wơl hơ lơgar do, bơh Añ ò gơs tŭ lơi sang mê tus di tŭ Añ neh lơh sir rau ală bơta Añ neh ho mơ mê.”

Sơnròp Gơlik Gơs 28:4

Dan Kơnràñ ai mê mơ jơi bơtiàn mê in lơngai lơngò Abraham dê, nàng mê lơh gơs sre brê tòm lơgar mê ơm ing, hơ̆ la lơgar Kơnràñ neh ai Abraham in.”

Sơnròp Gơlik Gơs 30:25

Tòm tŭ Racel neh deh Jôsep gen Jakôp đơs mơ Laban lah: “Dan kồñ ai añ in rlô nàng rê hơ lơgar añ.

Sơnròp Gơlik Gơs 31:13

Añ la Yàng Tom Trồ Betel dê, di tiah mê neh bong mơñà di bồ jrong, mơ neh ho dô bơta ho bal mơ Añ. Tŭ do, ñă tĕ lik bơh lơgar do mơ rê hơ lơgar jơi bơtiàn mê dê.’”

Sơnròp Gơlik Gơs 31:18

lam jơh ală phan poan jơng mơ ală phan mơna khai dê, hơ̆ la ală phan poan jơng khai neh geh tòm Padan Aram, nàng rê wơl hơ Isak, bèp khai tòm lơgar Kanaan.

Sơnròp Gơlik Gơs 31:2

Jakôp sền gŏ mat Laban, git khai ò gơròm bal mơ he be lài òr.

Sơnròp Gơlik Gơs 31:4

Gen Jakôp sồr cau hòi Racel mơ Lea lòt tus tòm ƀlàng gơs mpồl phan poan jơng khai dê.

Sơnròp Gơlik Gơs 32:10

Añ ò di pal dòp ală bơta kòñ gơboh mơ bơta dòn song mơ Kơnràñ neh ràng tơlik dĭ gơna Kơnràñ in. Tòm tŭ añ lòt gan hiòng Jordan añ mìng gơs gai jra añ, mơ ngai do añ neh gơlik gơs bàr mpồl do.

Sơnròp Gơlik Gơs 32:5

Añ gơs kơnrồ, alàng, belàt, dĭ ùr, dĭ klau, behơ̆ añ neh sồr cau yal nàng ồng in git lài tồ añ in geh bơta nđàc di đap ồng.’”

Sơnròp Gơlik Gơs 32:9

Gen Jakôp hòi dan lah: “Ơ Yàng Tom Trồ Abraham ồng añ jê, Yàng Tom Trồ Isak bèp añ jê, Ơ Jehôwa! Kơnràñ neh đơs mơ añ lah: ‘Rê tĕ hơ lơgar mê, hìu nhă mê dê, gen Añ rơp ai bơta lơngai mê in.’

Sơnròp Gơlik Gơs 35:1

Yàng Tom Trồ đơs mơ Jakôp lah: “Ñă tĕ, guh ơm hơ Betel, mơ lơh tềng hơ̆ dô nơm cơnòng duh khoai Yàng Tom Trồ in, la Bơtau neh tơlik mat mơ mê tòm tŭ mê dô klàs bơh Esau bi mê.”

Sơnròp Gơlik Gơs 35:3

Gen bol hi ñă, lòt tus hơ Betel, tềng hơ̆ añ rơp lơh dô nơm cơnòng duh khoai Yàng Tom Trồ in, la Bơtau neh ho jơnau añ dan, tòm tŭ añ tìp bơta bòl glar, mơ neh ơm bal mơ añ tòm tŭ lòt gùng.”

Sơnròp Gơlik Gơs 50:24

Mơ Jôsep đơs mơ ală oh mi khai dê lah: “Añ rơp chơt, mơya ngan Yàng Tom Trồ rơp tus còp ală oh mi mơ lam oh mi rê hơ lơgar mơ Kơnràñ neh ho pơgon mơ Abraham, Isak mơ Jakôp.”

Đơs Crih 46:1

Yàng Tom Trồ la tiah kìng crŭ mơ bơta pràn kơldang bol he dê; Kơnràñ gơs mat nàng dong kòl tòm bơta bòl glar.

Đơs Crih 50:15

Hòi dan tĕ mơ Añ tòm ngai bòl glar; Añ rơp dong tă mê, mơ mê rơp lơh gơklŏ Añ in.”

Đơs Crih 90:15

Dan Yàng ai bol hi geh chò hòp jat be ală ngai Yàng neh lơh bol hi in bòl glar, Jat be ală nam bol hi neh sền gŏ bơta iơh.

Lik Ejiptơ 3:12

Yàng Tom Trồ đơs lah: “Añ rơp ơm bal mơ mê. Do rơp la tềl ai mê in nàng git lah Añ la Bơtau neh sồr mê lòt: Tòm tŭ mê neh lam làng bol lik klàs bơh di lơgar Ejiptơ rau, bol mê rơp duh khoai Yàng Tom Trồ hơđang mơnơm do”.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”