Sơnròp Gơlik Gơs 3:6 - Sră Goh 2018

⁶ Cau ùr rmê plai chi hơ̆ dê sa bơkah, mơ tai niam mat mơ màng nàng lơh khai in gơs jak chài, gen khai pic sa mơ tong bau klau khai in ơm rềp mơ khai; bau klau kung sa sơl.

Sơnròp Gơlik Gơs 3:6 ပူးပေါင်းရင်းမြစ်များ

Sơnròp Gơlik Gơs 3:12

Cau klau ho lah: “Cau ùr mơ Yàng neh ơn rềp dê añ ai añ in plai chi hơ̆ mơ añ neh sa rau.”

Sơnròp Gơlik Gơs 3:17

Kơnràñ đơs mơ Adam lah: “Bơh mê iat jơnau cau ùr mơ sa plai chi Añ neh nting ò di sa, behơ̆ ù kong srat sơntơm tài bơh mê, tòm jơh rài mê pal kong bòl glar gen sồng gơlik gơs phan sa bơh tòm ù.

Sơnròp Gơlik Gơs 39:7

Tơnơ̆ mơ ală broă do, bau ùr cau tòm sền Jôsep mơ đơs lah: “Lòt tĕ bic mơ añ.”

Sơnròp Gơlik Gơs 6:2

ală kòn klau Yàng Tom Trồ dê gŏ kòn ùr kòn mơnus dê la hàng mơnĕ gen bau mơ cau lơi di nùs bol khai.

II Samuel 11:2

Gơlik gơs tòm dô mho ne, tòm tŭ Dabit guh bơh cơnòng bic khai dê mơ lòt yơng hơđang rkàng gơlang bơtau, mơ khai gŏ dô nă cau ùr ơm um; cau ùr hơ̆ hàng mơnĕ ngan.

I Ală Bơtau 13:19

Gen cau Yàng Tom Trồ dê rê wơl bal mơ khai, sa ƀañ mơ hùc dà tòm hìu khai dê.

Sră Jop 31:1

“Añ neh lơh dô bơta ho bal mơ gar mat añ, mbe añ rgơi sền rmê di cau ơruh taih?

Ejekiel 24:16

“Ơ kòn mơnus, do, nisơna Añ rơp tă bơh di mê bơta mơ mat mê kòñ gơboh; mê rơp ò moat jrùng mơ ñìm ƀồc, rơp ò lòi dà mat gơhòr.

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Ejekiel 24:25

Ai mê, ơ kòn mơnus, tòm ngai Añ tă tơlik bơh di bol khai tiah kơ̆ cê, bơta hòn chò mơ bơta gơklŏ bol khai dê, bơta mat bol khai hàm kòñ, bơta nùs bol khai kòñ gơboh, bal mơ ală kòn klau mơ ală kòn ùr bol khai dê sơl

Sră Ôse 6:7

Mơya be Adam, bol khai tìs glài ò lơh jat bơta ho bal; bol khai ò dòn song mơ Añ.

Mathiơ 5:28

Mơya Añ đơs mơ bol mê, dilah cau lơi sền cau ùr mơ gơs nùs hàm kòñ di khai, gen tòm nùs neh tìs glài rềs àr bơrnàn mơ khai rau.

I Timôthe 2:14

Mơ tai, ò di Adam kòl pơrlồm, mơya cau ùr kòl pơrlồm mơ tìs glài.

Jôsue 7:21

Tòm tŭ añ gŏ tòm phan phà kup gơs dô nơm ào jrùh hàng mơnĕ bơh Sinar, bàr rhiang sieklơ priă, mơ dô pơnai màh kơnjơ̆ pram jơt sieklơ, añ neh hàm kòñ ală phan hơ̆ mơ neh ai gơ. Tŭ do ală phan hơ̆ neh pồn tòm ù tòm dơlam sàl añ jê, bal mơ priă ơm hơđơm.”

I Jang 2:16

Bơh jơh ală bơta tòm dunnia, be bơta hàm kòñ is poac să dê, bơta hàm kòñ is mat dê, mơ bơta pơnhừ să rài kis dê, ò di bơh Yàng Bèp mơ tus, mơya bơh dunnia mơ gơlik gơs.

Ală Kwang Cahrña 14:17

Ùr hơ̆ ñìm di đap khai tòm poh ngai ñô sa hơ̆. Tài bơh ùr hơ̆ yoam lah khai, tòm ngai poh khai yal bau ùr khai in. Gen cau ùr hơ̆ yal gơtha jơnau pơnhồr làng bol khai in.