Sơnròp Gơlik Gơs 3:16 - Sră Goh 2018

¹⁶ Kơnràñ đơs mơ cau ùr lah: “Añ rơp bơtơl bơta bòl glar tòm tŭ ai gơs bun, ai rơp gơs jê sồt kòp dơ̆ ai deh kòn. Bơta gơboh ai dê rơp gơtơmut đah bau klau ai, mơ bau klau ai rơp at bồ ai.”

Sơnròp Gơlik Gơs 3:16 ပူးပေါင်းရင်းမြစ်များ

Sơnròp Gơlik Gơs 4:7

Dilah mê lơh niam gen mê ò di pò mat sơl ơ? Mơ dilah mê lơh ò niam gen bơta tồi glài kơp brồ tơm bơh bơdìh mpồng, gơboh mê ngan mơya mê pal at bồ gơ.”

I Yal Yau 4:9

Jabes geh sền dờng màng rlau mơ ală oh mi khai, mơ mè khai neh tơmoh sơnđan khai la Jabes, mơ đơs lah: “Tài bơh añ neh deh khai tòm bơta bòl glar.”

Este 1:20

Gen tòm tŭ jơnau lơh nền bơtau dê neh geh yal tơlik tòm làm jơh lơgar dờng ơnàng, jơh ală cau ùr rơp ki ngàm di bau klau bol khai dê, bơh cau dềt rhền tus di cau dờng màng rlau jơh kung behơ̆ sơl.”

Đơs Crih 48:6

Tềng hơ̆ bol khai rơm să rngòt, Bol khai jê sồt ò gơkrơi be cau ùr jê deh.

Esai 13:8

Bol khai rơp rngòt rngơt, bơta jê sồt oă ngan rơp kup geh bol khai; bol khai kong jê sồt be cau ùr jê deh. Bol khai rơp sền rmê bal mơ gơp muh mat bol khai be ồs hơng.

Esai 21:3

Gen tàng but añ jê sồt ngan, ală bơta jê neh gơrwàng añ, kung be bơta jê deh cau ùr dê; añ kun tơmù gen tàng añ ò rgơi kơno, Añ rngòt rngơt gen tàng añ ò rgơi gŏ!

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Jeremi 13:21

Ñchi ai rơp đơs tòm tŭ bol khai geh at bồ hơđang ai, la ală cau mơ ai neh bơto Lơh gơs cau dô bă bal mơ ai? Bơta jê sồt rơp ò sơmbat kup ai, Kung be cau ùr jê deh ơ?

Jeremi 22:23

Mê la cau ơm tòm Liban lơh rsòn tòm chi pơnggŏ ne, Ngan mê rơp rơnđơh tòm tŭ bơta jê sồt tus hơđang mê, Jê sồt kung be cau ùr jê deh.”

Jeremi 4:31

Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Jeremi 49:24

Damas neh gơlik mprơm, wơlke ntoat dô, Bơta rơm să neh kup khai; bơta moat jrùng jê sồt sơmbat kơ̆ khai, Kung be cau ùr ơm deh kòn.

Jeremi 6:24

“Bol he neh kơno jơnau yal bơh bol khai, Tê bol hi gơrung ò gơs bơta dong kòl; Bơta jê sồt sơmbat kup bol hi, Bơta jê sồt be dô nă cau ùr deh kòn.

Khà Làng Bol 30:13

Bau klau khai dê rgơi dòp hala sang lòi jơnau ho pơgon lơi bau ùr neh ho hala jơnau srat să ho nền lơi nàng pơndang sang să tòm khai dê.

Jang 16:21

Tòm tŭ cau ùr ơm deh gen gơs bơta moat jrùng, bơh jơ khai dê neh tus rau; mơya tòm tŭ kòn dềt neh lik rau, gen khai ò kah tai bơta bòl glar jê sồt hơ̆, mơya hòn chò bơh gơs dô nă cau neh deh tòm dunnia.

I Kôrintô 11:3

Bulah behơ̆ añ kòñ ală oh mi git lah: Bơtau Krist la bồ kòp nă cau klau dê, mơ cau klau la bồ cau ùr dê, mơ Yàng Tom Trồ la bồ Bơtau Krist dê.

I Kôrintô 14:34

Gen ală cau ùr pal ơm mŏ mŏ tòm tiah pơjum, bơh ò gơs gơnoar đơs tềng hơ̆, mơya pal dòn duh kung be bơta boh lam cau Juda bơto.

I Kôrintô 7:4

Bau ùr ò gơs gơnoar hơđang să he, mơya gơrê bal mơ bau klau; mơ kung behơ̆ sơl, bau klau ò gơs gơnoar hơđang să he, mơya gơrê bal mơ bau ùr.

Kôlôse 3:18

Ơ cau la bau ùr, dòn duh tĕ bau klau ai dê, bơta hơ̆ la di pal tòm Yàng.

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.

I Timôthe 2:13

Bơh Adam neh geh mòn gơs lài, gen sồng tus di Eba.

I Timôthe 2:15

Bulah behơ̆, cau ùr rơp geh dong tă tòm bơta deh kòn, dilah kư̆ ơm tòm bơta dòn, bơta kòñ gơboh, mơ bơta gơlik gơs sàng goh, bal mơ bơta pơndêt să.

Sră Pơyoa Pol Dê Pơyoa Tit In 2:5

gơs nùs kràñ cê, ơm song mơ bau klau, rcang broă tòm hìu nhă, kơ̆ dơn, dòn duh bau klau, tồ jơnau Yàng Tom Trồ dê ò gơkòl cau đơs bơrsèl tơnhial.