Sơnròp Gơlik Gơs 3:15 - Sră Goh 2018

¹⁵ Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sơnròp Gơlik Gơs 3:15 ပူးပေါင်းရင်းမြစ်များ

Sơnròp Gơlik Gơs 49:17

Dan rơp la dô nơm bơs tòm gùng, Dô nơm bơs tur kơmboal tòm gùng dềt, Kap kơndòl jơng ơseh, Lơh cau hào in dùh sơrplàng ntơh.

Đơs Crih 132:11

Yàng Jehôwa neh srat să ho nền mơ Dabit, Kơnràñ rơp ò tŭ lơi tòmgơl, mơ đơs lah: “Añ rơp ơn hơđang sơbàn mê dê dô nă kòn tòm mê dê.

Esai 53:12

Gen tàng Añ rơp ai Kơnràñ in dô pơnah bal mơ ală cau dờng ryŭ, Kơnràñ rơp tòmpà ală phan tòmpìt geh bal mơ ală cau pràn kơldang, tài bơh Kơnràñ neh tuh bơta kis Kơnràñ dê jơl chơt, mơ neh kong kòp bal mơ cau tìs glài. Bơh Kơnràñ neh àñ tồi glài oă cau in, mơ hòi dan ala ală cau tìs glài in.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Jeremi 31:22

Ơ kòn ùr ò dòn song, ai rơp lòt lềng làng jơl tus di tŭ lơi taih? Bơh Yàng Jehôwa neh bơtào gơs dô bơta pa hơđang ù, Hơ̆ la cau ùr rơp gòm gơrwàng cau klau.”

Daniel 9:26

Tơnơ̆ mơ prau jơt bàr nơm poh hơ̆, Bơtau geh bong mơñà rơp kòl tơnroh, mơ ò gam bơta lơi tai. Mpồl ling Bơtau rơp tus dê rơp tơnroh ƀòn dờng mơ tiah sàng goh. Bơta lồi dut rơp tus kung be dà kŏ: bơta tòmlơh gơpơnjat jơl tus lồi dut, mơ ală bơta tơnroh gơprah neh lơh nền.

Amôs 9:3

Bulah bol khai pồn să bol khai dê hơđang bồ mơnơm Karmel, tềng hơ̆ Añ rơp jòi bàn mơ kup bol khai, mơ bulah bol khai pồn bơh di đap mat añ tòm kơnàng dàlềng, tềng hơ̆ Añ rơp sồr bơs dờng tòm dàlềng mơ gơ rơp kap bol khai.

Mice 5:3

Gen tàng Israel rơp gơkòl sang lòi jơl tus di tŭ cau ùr jê deh neh deh kòn mơ cau oh mi gam wơl Kơnràñ dê rơp rê wơl lơh gơs dô bă bal mơ kòn sau Israel dê.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Mathiơ 1:25

mơ ò bic bal mơ khai jơl tus dê tŭ khai neh deh dô nă kòn klau, mơ Jôsep tơmoh sơnđan la JESU.

Mathiơ 12:34

Ơ jơi bơtiàn bơs tur ne; bol mê la iơh bơsak gen mbe rgơi đơs bơta niam taih? Bơh jat bơta bềng lìu tòm nùs gen sồng bơr đơs tơlik.

Mathiơ 13:38

sre la dunnia, gar niam la kòn sau lơgar đang trồ dê, ñhơt drung la kòn sau cau iơh bơsak dê

Mathiơ 23:33

Ơ jơi bơs, jơi bơtiàn bơs tur ne, mbe bol mê geh klàs di bơta lơh glài brah tìng dê taih?

Mathiơ 3:7

Mơya tòm tŭ Jang gŏ oă cau Pharisi mơ cau Saduse tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih?

Jơnau Niam Jat Mak 16:18

kup bơs tòm tê, dilah hùc phan lơi bih khih kung ò gơs tŭ lơi gơlik iơh, mơ dilah ơn tê hơđang cau kòp gen cau kòp hơ̆ rơp geh bòi.”

Luka 1:76

Behơ̆, ơ kòn, mê rơp geh sơnđan la cau gơnoar hwơr Bơtau Hơđang Rlau Jơh dê; Bơh mê rơp lòt di đap Yàng, wàs ală gùng dà Kơnràñ in,

Luka 10:19

Do, Añ neh ai gơnap gơnoar bol mê in jă hơđang bơs mơ diang, mơ hơđang jơh ală gơnoar pràn ală cau sò tơm dê; ò gơs bơta lơi rgơi lơh iơh di bol mê ò.

Luka 22:53

Kòp ngai Añ ơm mơ bol mê tòm hìu duh khoai, mơ bol mê ò ai tê nàng kup Añ. Mơya do la jơ bol mê dê mơ gơnoar bơta klam jơngo dê.”

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Broă 13:10

“Mê la kòn cà ràk dê, cau sò tơm jơh ală bơta song ring dê, bềng bơta ma blac mơ iơh bơsak, mê kư̆ lơh kwe gùng song Yàng dê sùm ơ?

Rôma 16:20

Mơ Yàng Tom Trồ la tòm ryas bơta ring lơngai bol he dê, êt tai rơp jă trơm cà Satan hơđơm jơng oh mi. Dan bơta nđàc Yàng Jesu Krist bol he dê ơm mơ oh mi.

Rôma 3:13

“Rnồng dò bol khai be bơtô ƀồc pò bơk. Bol khai ngui lơmpiat he dê nàng pơrlồm.” “Tòm tiah sơndồi bol khai gơs bih khih bơs tur.”

Galati 4:4

Mơya tòm tŭ tơngai neh tus rau, Yàng Tom Trồ sồr Kòn Kơnràñ lòt tus, lik lìng bơh dô nă cau ùr, lik lìng ơm tòm gơnoar bơta boh lam dê,

Ephesô 4:8

Be Sră Goh neh đơs lah: “Tòm tŭ Kơnràñ guh hơđang jòng, gen tề lam ală cau kòl jàm, Mơ ai bơta ai gòi kòn mơnus in.”

Kôlôse 2:15

Kơnràñ sang ală gơnoar at bồ mơ ală gơnoar, mơ ràng tơlik bol khai dô bă loh làng, mơ geh pha lin rlau mơ bol khai di chi pơng.

Hebrơ 2:18

Bơh să tòm Kơnràñ neh kong bòl glar jê sồt tòm tŭ tìp bơta ơniai, gen tàng rgơi dong kòl ală cau tìp bơta ơniai sơl.

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

I Jang 5:5

Ñcau la cau pha lin rlau mơ dunnia, hơ̆ la mìng cau dòn Yàng Jesu la Kòn Yàng Tom Trồ.

Yal Tơlik 12:17

Gen nagrài gơhào gơjrañ di cau ùr, mơ lòt tòmlơh mơ ală cau ndai tòm jơi bơtiàn cau ùr hơ̆ dê, la ală cau prap gàr ală bơta sồr lam Yàng Tom Trồ dê mơ gơs jơnau lơh cơng bơh Yàng Jesu.

Yal Tơlik 13:7

Gơ geh ai gơnoar tòmlơh mơ ală cau sàng goh mơ gơ geh pha lin rlau. Gơ kung geh ai gơnoar hơđang jơh ală jơi bơtiàn, làng bol, jơnau đơs mơ lơgar.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’

Yal Tơlik 20:10

Ai cà ràk la cau neh pơrlồm bol khai gen kong sơrbì tòm brong ồs hơng mơ siau; tềng hơ̆ neh gơs phan poan jơng mơ cau gơnoar hwơr ma blac rau. Bol khai rơp kong jê sồt bòl glar ngai mơ mang jơl sùm sùm ò lồi.