Sơnròp Gơlik Gơs 3:14 - Sră Goh 2018

¹⁴ Gen Jehôwa Yàng Tom Trồ đơs mơ bơs lah: “Bơh mê neh lơh bơta hơ̆, gen mê rơp kong srat sơntơm digùl ală phan poan jơng tòm hìu mơ ală phan poan jơng tòm ƀlàng, mê rơp wìn mơ kơndul mơ sa kơmbuh ù jơh rài mê.

Sơnròp Gơlik Gơs 3:14 ပူးပေါင်းရင်းမြစ်များ

Sơnròp Gơlik Gơs 3:1

Tòm ală phan poan jơng tòm ƀlàng mơ Jehôwa Yàng Tom Trồ neh lơh gơs, bơs la jak pơrlồm rlau jơh. Bơs đơs mơ cau ùr lah: “Ngan la Yàng Tom Trồ neh sồr ùr klau ai bañ sa plai ală chi tòm suơn sơl?”

Sơnròp Gơlik Gơs 4:11

Tŭ do mê rơp kong ù srat sơntơm la ù neh ha bơr hùc mhàm oh mê dê bơh tê mê mơ gơtuh.

Sơnròp Gơlik Gơs 9:6

Dilah cau lơi lơh gơhòr mhàm kòn mơnus, gen rơp gơs cau ndai lơh gơhòr mhàm cau hơ̆ wơl, bơh Yàng Tom Trồ lơh gơs kòn mơnus be rùp Kơnràñ dê.

Đơs Crih 72:9

Dan lòi ală cau tòmdră di khai cùn khoai di đap khai, Ai ală cau sò tơm di khai liap kơmbuh ù.

Esai 29:4

Bơh tiah jrô tòm ù mê rơp đơs, bơh tòm tiah liah thul ơmul ală jơnau mê dê rơp tus; Sap đơs mê dê rơp guh bơh tòm ù gơlơh kung be sap dô nơm hwềng dê; jơnau đơs mê dê rơp đơs chều lik bơh kơmbuh ù.

Esai 65:25

So rhau mơ belàt kòn rơp sa bal, klìu triă rơp sa rhe kung be kơnrồ, mơya bơs rơp sa ù. Bol khai rơp ò kong cau lơh jê sồt hala tơnroh, tòm jơh mơnơm sàng goh Añ jê,” Yàng Jehôwa đơs behơ̆.

Lebi 20:25

Gen tàng bol mê pal git cah is ală phan poan jơng goh mơ ò goh, mơ ală sềm goh mơ ò goh. Bañ lơh ƀơ̆ ƀơl să tòm bol mê dê bơh phan poan jơng lơi hala sềm lơi hala phan lơi kis hơđang ù, ală phan mơ Añ neh cah is la ò goh bol mê in.

Mice 7:17

Bol khai rơp liap thul kung be bơs, kung be phan wìn nsròng hơđang ù. Bol khai rơp rơm să rngòt lik bơh di ală tiah kơp gàr bol khai dê; bol khai rơp tus hơ Jehôwa Yàng Tom Trồ bol he dê tòm bơta rngòt rngơt, mơ bol khai rơp ntào tòm bơta rngòt rngơt mê dê.