Sơnròp Gơlik Gơs 3:10 - Sră Goh 2018

¹⁰ Khai ho lah: “Añ neh kơno jơnau Yàng tòm suơn gen rngòt tài bơh añ ơm kuh lòi rồ, gen tàng añ dô pồn.”

Sơnròp Gơlik Gơs 3:10 ပူးပေါင်းရင်းမြစ်များ

Sơnròp Gơlik Gơs 2:25

Cau klau mơ bau ùr khai jơh bàr nă ơm kuh lòi rồ, mơ bol khai ò git ƀàssìl.

Sơnròp Gơlik Gơs 3:11

Yàng Tom Trồ lùp lah: “Ñcau neh yal mê in git mê ơm kuh lòi rồ taih? Mê neh sa plai chi mơ Añ neh nting ò di sa hơ̆ sơl?”

Sơnròp Gơlik Gơs 3:7

Gen mat bàr nă bol khai pò, git lah bol khai ơm kuh lòi rồ, gen bol khai ai nha chi ƀal mơ jing gơs ntròñ nàng jơm să.

Sră Jop 23:15

Gen tàng añ rơm să rngòt di đap Kơnràñ; Tŭ lơi añ kơlôi sơwì, añ rngòt rngơt ngan di Kơnràñ.

Sră Jop 31:33

Dilah añ neh cang kìng tồi glài añ jê kung be cau ndai neh lơh, bơh pồn bơta tồi glài añ jê tòm nùs añ,

Đơs Crih 119:120

Poac să añ rơm rngòt di Yàng, Kung rngòt di bơta cahrña Yàng dê sơl.

Lik Ejiptơ 20:18

Tòm tŭ làng bol gŏ ntơr kơnàs mơ puhlèp, kơno kơlwòk, mơ gŏ mơnơm gơlik ñhŭ, gen rơm să rngòt ngan, mơ ơm ntào ngài.

Lik Ejiptơ 20:19

Bol khai đơs mơ Môise lah: “Ồng đơs tĕ mơ bol hi gen bol hi rơp iat, mơya bañ lòi Yàng Tom Trồ đơs mơ bol hi, rngòt bol hi pal chơt.”

Lik Ejiptơ 3:6

Kơnràñ đơs tai lah: “Añ la Yàng Tom Trồ ồng pàng mê dê, Yàng Tom Trồ Abraham dê, Yàng Tom Trồ Jakôp dê.” Gen Môise kìng mat khai dê tài bơh rngòt sền gŏ Yàng Tom Trồ.

Lik Ejiptơ 32:25

Môise gŏ làng bol neh gơlik gơlềng gơlàng, bơh Arôn neh lòi bol khai lơh khat gơboh, tian gơs kong ală cau sò tơm dơñŏ tơnhial.

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

Esai 47:3

Bơta ơm kuh ai dê rơp ò geh jơm gòm, bơta ƀàssìl ai dê cau rơp sền gŏ! Añ rơp lơh bơta sal tê, ò pơlai dô nă cau lơi.

Esai 57:11

Bol mê neh rngòt mơ rơm să di ñcau mơ tian gơs bol mê neh đơs blac, mơ ò kah Añ mơ kung ò kơlôi sơnơng bơh bơta hơ̆ taih? Hơ̆ ò di la tài bơh Añ neh ơm mŏ mŏ ñềm mat Añ jê, gen tàng bol mê ò rngòt di Añ?

Yal Wơl 5:25

Mơya tŭ do ñchi bơh tài bol hi pal chơt taih? Ồs dờng do rơp sa roh bol hi, mơ bol hi rơp chơt dilah bol hi gam kơno jŏ tai sap đơs Jehôwa Yàng Tom Trồ bol hi dê.

I Jang 3:20

dilah nùs bol he lơh nền glài he, gen Yàng Tom Trồ la dờng rlau mơ nùs he dê, mơ Kơnràñ git jơh ală bơta.

Yal Tơlik 16:15

“Do, añ tus be cau kơñau. Lơngai cau lơi in drơng kơp mơ rcang ồi ào he dê, rngòt khai ơm kuh lòi rồ mơ lòt, mơ ò kòl cau gŏ bơta ƀàssìl ƀàsso khai dê!”