Sơnròp Gơlik Gơs 28:4 - Sră Goh 2018

⁴ Dan Kơnràñ ai mê mơ jơi bơtiàn mê in lơngai lơngò Abraham dê, nàng mê lơh gơs sre brê tòm lơgar mê ơm ing, hơ̆ la lơgar Kơnràñ neh ai Abraham in.”

Sơnròp Gơlik Gơs 28:4 ပူးပေါင်းရင်းမြစ်များ

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Sơnròp Gơlik Gơs 15:8

Abram ho lah: “Ơ Yàng Jehôwa, tài bơh ñchi añ git lah añ rơp geh lơgar do gơs sre brê taih?”

Sơnròp Gơlik Gơs 27:33

Isak rơm să oă mơ đơs lah: “Gen ñcau neh pañ poac phan brê mơ neh ai añ in sa taih? Lài mơ tŭ mê rê, añ neh sa jơh rau, mơ neh ai lơngai khai in, mơ ngan khai rơp geh lơngai hơ̆.”

Sơnròp Gơlik Gơs 37:1

Jakôp ơm tòm lơgar bèp khai ơm ing la lơgar Kanaan.

I Yal Yau 29:15

Bol hi la cau làng bơdìh mơ cau ơm ing di đap mat Kơnràñ, kung be jơh ală ồng pàng bol hi dê. Ală ngai bol hi dê hơđang ù la kung be dô nơm mƀur, ò gơs bơta gơn kơnòm.

Đơs Crih 39:12

Ơ Yàng Jehôwa, dan iat jơnau hòi dan añ jê, ai tồr iat jơnau rac dan añ jê; Dan bañ ơm mŏ mŏ tòm tŭ añ hòr dà mat! Bơh añ la cau nac tòm hìu Yàng dê, Cau ơm ing be jơh ală ồng pàng añ jê.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Lik Ejiptơ 6:4

Añ kung neh bơtào bơta ho bal mơ bol khai, ai lơgar Kanaan bol khai in, la lơgar bol khai neh ơm ing be cau nac crih.

Galati 3:14

tồ bơta lơngai lơngò Abraham dê kơnòm di Yàng Krist Jesu geh tus hơđang làng bol bơdìh, nàng bol he in kơnòm di bơta dòn mơ dòp geh Yàng Hwềng jat be jơnau neh ho ai.

Galati 3:8

Sră Goh kung neh đơs lài lah Yàng Tom Trồ rơp kòp làng bol bơdìh la song ring bơh bơta dòn, gen tàng neh yal lài Abraham in Jơnau Niam do: “Bơh mê Yàng Tom Trồ rơp ai lơngai jơh ală jơi bơtiàn kòn mơnus in.”

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.