Sơnròp Gơlik Gơs 27:4 - Sră Goh 2018

⁴ lơh phan sa bơkah jat be añ kòñ sa, gen yò añ in sa, nàng hwềng soàn añ ai lơngai mê in lài mơ tŭ añ chơt.”

Sơnròp Gơlik Gơs 27:4 ပူးပေါင်းရင်းမြစ်များ

Sơnròp Gơlik Gơs 14:19

Khai ai lơngai Abram in mơ đơs lah: “Dan Yàng Tom Trồ Hơđang Rlau Jơh, la Bơtau crơng gơs trồ mơ tiah, ai lơngai Abram in!

Sơnròp Gơlik Gơs 24:60

Bol khai ai lơngai Rebeka in mơ đơs lah: “Ơ oh ùr hi dê, dan ai in gơlik gơs mè tơlak tơmàn cau dê, mơ ai jơi bơtiàn ai in pìt sơmbrơt mpồng ală cau sò tơm dê!”

Sơnròp Gơlik Gơs 27:14

Behơ̆, Jakôp lòt kup bàr nơm kòn be cèng mè in lơh phan sa bơkah jat be bèp khai kòñ.

Sơnròp Gơlik Gơs 27:17

Gen Rebeka ai phan sa bơkah mơ piang lă khai neh lơh ơn di tê kòn put khai dê.

Sơnròp Gơlik Gơs 27:19

Jakôp ho lah: “Añ la Esau, kòn tơnhoa bèp dê. Añ neh jat jơnau bèp neh sồr, dan bèp guh, nggui sa poac phan brê añ jê, nàng hwềng soàn bèp rơp ai lơngai añ in.”

Sơnròp Gơlik Gơs 27:23

Isak ò git khai bơh bàr đah tê kung gơs sơnò be bi khai la Esau. Behơ̆ Isak ai lơngai lơngò khai in.

Sơnròp Gơlik Gơs 27:25

Gen Isak đơs lah: “Yò tĕ poac phan brê mê dê añ in sa nàng hwềng soàn añ ai lơngai mê in.” Jakôp yò khai in sa, kung cèng tơrnòm khai in ñô sơl.

Sơnròp Gơlik Gơs 27:27

Gen Jakôp tus rềp mơ cum khai. Isak rhềp ƀô ào kòn klau khai dê, gen ai lơngai khai in mơ đơs lah: “Do, ƀô nhơm kòn klau añ, Kung be ƀô bơh ƀlàng mơ Yàng Jehôwa neh ai lơngai;

Sơnròp Gơlik Gơs 27:31

Khai kung lơh dô bơta sa bơkah yò bèp in mơ đơs lah: “Dan guh, nggui sa poac phan brê kòn klau bèp dê nàng hwềng soàn bèp ai lơngai añ in.”

Sơnròp Gơlik Gơs 27:5

Tòm tŭ Isak đơs mơ Esau kòn klau khai, gen Rebeka kơno. Mơ Esau lik lòt tòm ƀlàng mòc poac brê nàng cèng bèp in.

Sơnròp Gơlik Gơs 27:7

‘Cèng añ in poac phan brê, yò phan sa bơkah añ in sa, nàng lài mơ tŭ añ chơt, añ rơp ai lơngai mê in di đap Yàng Jehôwa.’

Sơnròp Gơlik Gơs 27:9

Lòt tus hơ mpồl, kup bàr nơm kòn be niam, gen añ rơp lơh phan sa bơkah bèp mê in jat be khai kòñ.

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

Sơnròp Gơlik Gơs 48:9

Jôsep đơs lah: “Hơ̆ ală kòn klau añ jê mơ Yàng Tom Trồ neh ai añ in tòm lơgar do.” Israel đơs lah: “Cèng tĕ bol khai hơ do nàng añ ai lơngai bol khai in.”

Sơnròp Gơlik Gơs 49:28

Ală cau hơ̆ rơp la jơt bàr jơi bơtiàn Israel dê, mơ hơ̆ la ală jơnau bèp bol khai neh đơs tòm tŭ ai lơngai bol khai in, kòp nă dô bơta lơngai is.

Luka 2:34

Gen Simeôn ai lơngai bol khai in, mơ đơs mơ Mari mè Kơnràñ lah: “Do, kòn do neh geh bơtào gơs nàng lơh oă cau tòm Israel in gơtup pừ hala tơngguh wơl, kung lơh dô nơm tềl gơkòl tòmdră wơl.

Luka 24:51

Tòm tŭ Kơnràñ gam ai lơngai, gen Kơnràñ lòi bol khai mơ geh cèng guh rê hơ trồ.

Hebrơ 11:20

Bơh bơta dòn Isak ai lơngai Jakôp mơ Esau in mơ đơs bơh ală bơta rơp gơlik gơs.

Jôsue 14:13

Gen Jôsue ai lơngai khai in, mơ ai tiah Hebrôn Kalep kòn klau Jephune in, lơh gơs sre brê.

Jôsue 22:6

Gen Jôsue ai lơngai bol khai in mơ lòi bol khai rê, gen bol khai rê tòm sàl bol khai dê.