Sơnròp Gơlik Gơs 26:31 - Sră Goh 2018

³¹ Ngai hìng, bol khai guh bơh drim, bơtào jơnau ho bal. Gen Isak lòt jun bol hơ̆ rê lơngap lơngai.

Sơnròp Gơlik Gơs 26:31 ပူးပေါင်းရင်းမြစ်များ

Sơnròp Gơlik Gơs 14:22

Abram ho wơl lah: “Añ pò tê di đap Jehôwa Yàng Tom Trồ Hơđang Rlau Jơh, Bơtau crơng gơs trồ mơ tiah, mơ ho lah:

Sơnròp Gơlik Gơs 19:2

Khai đơs lah: “Do, ală ồng, dan lòt tus ơm tòm hìu cau dĭ ală ồng dê, mơ ơm dô mang rào jơng ală ồng dê mơ guh àng hìng sồng lòt gùng.” Bol hơ̆ ho lah: “Ò, mang do bol hi ơm tòm gùng.”

Sơnròp Gơlik Gơs 21:14

Abraham guh bơh drim, ai piang lă mơ dà tòm nhồng gơltau, ai Agar in mơ ơn dê pơnì khai, mơ jào kòn klau khai in, gen jun khai lòt. Khai lik lòt lềng làng tòm ƀlàng bràs Beerseba.

Sơnròp Gơlik Gơs 21:23

Behơ̆ tŭ do, ai tĕ sơnđan Yàng Tom Trồ mơ ho bal lah mê rơp ò gàt añ, kòn añ mơ sau añ. Mơya mê rơp lơh niam mơ añ bal mơ lơgar mê ơm ing be añ neh lơh mê in.”

Sơnròp Gơlik Gơs 21:27

Mơ Abraham kup belàt mơ kơnrồ ai bơtau Abimelek in, gen bàr nă bol khai lơh bơta ho bal.

Sơnròp Gơlik Gơs 22:3

Abraham guh bơh drim, kơt ừn di alàng, cèng bàr nă cau dĭ mơ kòn klau khai la Isak mơ lòt. Khai kung koh lòng nàng chu phan duh khoai, gen lòt tus hơ tiah mơ Yàng Tom Trồ neh sồr.

Sơnròp Gơlik Gơs 25:33

Jakôp ho lah: “Mê ho bal tĕ lài.” Gen khai ho bal, behơ̆, khai tac gơnoar kòn tơnhoa mơ Jakôp.

Sơnròp Gơlik Gơs 26:32

Mơ tòm ngai hơ̆, ală cau dĭ Isak tus yal khai in bơh tơrlung bol khai neh tò, lah: “Bol hi neh gŏ gơs dà.”

Sơnròp Gơlik Gơs 31:44

Behơ̆ tŭ do, bol he tòmho bal lă nàng lơh cơng digùl mê mơ añ.”

Sơnròp Gơlik Gơs 31:55

Laban guh bơh drim, cum ală sau mơ ală kòn ùr khai, mơ ai lơngai bol khai in gen rê wơl hơ hìu khai.

Hebrơ 6:16

Bơh cau òs ai sơnđan cau dờng rlau mơ he nàng srat să, mơ tŭ lơi gơs bơta tòm pơndang gen ai jơnau srat să nàng pơnring.

I Samuel 14:24

Tŭ hơ̆ Sol gơtup tìs lơh dô nơm broă mhar ir tòm ngai hơ̆, khai neh ơn dô jơnau srat să hơđang mpồl ling, mơ đơs lah: “Pal srat sơntơm di cau lơi sa phan lơi lài mơ tŭ trồ mho mơ lài mơ tŭ añ sal tê hơđang cau sò tơm añ jê.” Behơ̆ ò gơs dô nă cau tòm mpồl ling liap phan lơi.

I Samuel 20:3

Mơya Dabit kung srat să lah: “Bèp bi git loh làng lah bi kòñ gơboh di añ, mơ khai kơlôi is lah: ‘Bañ lòi Jônathan in git bơta do nàng moat jrùng.’ Mơya di ngan kung be Yàng Jehôwa kis sùm mơ kung be bi kis, gơs mìng dô cơnđòa lơm digùl añ mơ bơta chơt.”

I Samuel 30:15

Dabit lùp khai lah: “Mê rgơi lam añ tus hơ mpồl brồ lơh hơ̆ sơl?” Khai ho lah: “Srat să tĕ mơ añ di đap Yàng Tom Trồ la ală ồng ò tơnchơt añ hala jào añ tòm tê cau tòm añ, gen añ rơp lam ồng tus hơ mpồl hơ̆.”