Sơnròp Gơlik Gơs 26:25 - Sră Goh 2018

²⁵ Isak lơh dô nơm cơnòng duh khoai hòi dan di sơnđan Yàng Jehôwa mơ lơh sàl tềng hơ̆. Mơ ală cau dĭ tò dô nơm tơrlung dà ndai tai.

Sơnròp Gơlik Gơs 26:25 ပူးပေါင်းရင်းမြစ်များ

Sơnròp Gơlik Gơs 13:18

Lồc behơ̆, Abram cèng sàl khai dê tus ơm di tiah ală tòm cha Mamre dê, tòm Hebrôn, mơ tềng hơ̆ khai lơh dô nơm cơnòng duh khoai Yàng Jehôwa in.

Sơnròp Gơlik Gơs 13:4

la tiah khai neh lơh dô nơm cơnòng duh khoai bơh sơnròp. Tềng hơ̆, Abram hòi dan dê sơnđan Yàng Jehôwa.

Sơnròp Gơlik Gơs 22:9

Bol khai tus di tiah Yàng Tom Trồ neh sồr, tềng hơ̆ Abraham lơh cơnòng duh khoai, dap lòng hơđang, cap Isak kòn khai, mơ ơn hơđang lòng di cơnòng duh khoai.

Sơnròp Gơlik Gơs 26:32

Mơ tòm ngai hơ̆, ală cau dĭ Isak tus yal khai in bơh tơrlung bol khai neh tò, lah: “Bol hi neh gŏ gơs dà.”

Sơnròp Gơlik Gơs 33:20

Tềng hơ̆, khai lơh dô nơm cơnòng duh khoai mơ sơnđan la El Elôhe Israel.

Sơnròp Gơlik Gơs 35:1

Yàng Tom Trồ đơs mơ Jakôp lah: “Ñă tĕ, guh ơm hơ Betel, mơ lơh tềng hơ̆ dô nơm cơnòng duh khoai Yàng Tom Trồ in, la Bơtau neh tơlik mat mơ mê tòm tŭ mê dô klàs bơh Esau bi mê.”

Sơnròp Gơlik Gơs 4:26

Set kung tơnggơs dô nă kòn klau sơnđan la Enôs. Bơh tŭ hơ̆, kòn mơnus rơp sơntòm hòi dê sơnđan Yàng Jehôwa.

Sơnròp Gơlik Gơs 8:20

Nôe lơh dô nơm cơnòng duh khoai Yàng Jehôwa in. Khai kup ală phan poan jơng goh, ală sềm goh, ơn phan chu duh khoai hơđang cơnòng duh khoai.

Đơs Crih 116:17

Añ rơp ơn Yàng in phan ơn duh khoai nàng ưnngài Kơnràñ, Mơ hòi dan di sơnđan Yàng Jehôwa.

Lik Ejiptơ 17:15

Môise bơtào dô nơm cơnòng duh khoai, mơ sơnđan gơ la “Yàng Jehôwa Bồng bi añ jê.”