Sơnròp Gơlik Gơs 24:7 - Sră Goh 2018

⁷ Jehôwa la Yàng Tom Trồ hơđang trồ, la Bơtau neh lam añ lik bơh di hìu nhă añ mơ bơh lơgar añ, neh đơs mơ ho lah: ‘Añ rơp ai jơi bơtiàn mê in lơgar do!’ Să tòm Kơnràñ rơp sồr cau gơnrơh lòt lài mơ mê, mơ tềng hơ̆ mê jòi tĕ bau kòn klau añ in.

Sơnròp Gơlik Gơs 24:7 ပူးပေါင်းရင်းမြစ်များ

Sơnròp Gơlik Gơs 13:15

Bơh ù lơi mê gŏ Añ rơp ai mê mơ jơi bơtiàn mê in sùm sùm kòp rài.

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

Sơnròp Gơlik Gơs 16:7

Mơya cau gơnrơh Yàng Jehôwa dê gŏ khai ơm rềp dê gah croh dà tòm ƀlàng ngềt ngơt, dà croh tòm gùng lòt hơ Sur,

Sơnròp Gơlik Gơs 17:8

Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

Sơnròp Gơlik Gơs 21:17

Yàng Tom Trồ kơno oh hơ̆ ñìm gen cau gơnrơh Yàng Tom Trồ dê bơh đang trồ hòi Agar mơ đơs lah: “Ơ Agar, ñchi gơlơh ai be gen taih? Bañ rngòt! Bơh Yàng Tom Trồ neh kơno jơnau kòn dềt bơh di tiah khai ơm.

Sơnròp Gơlik Gơs 22:11

Gen cau gơnrơh Yàng Jehôwa hòi bơh hơđang trồ lah: “Ơ Abraham! Abraham!” Khai ho lah: “Do añ.”

Sơnròp Gơlik Gơs 24:3

mơ añ rơp sồr mê ai sơnđan Yàng Jehôwa la Yàng trồ mơ tiah dê mơ ho bal lah mê ò jòi bau kòn klau añ in tòm ală cau ơruh làng bol Kanaan dê, hơ̆ la làng bol mơ bol he ơm ing nàng tòmbau mơ kòn klau añ,

Sơnròp Gơlik Gơs 24:40

Cau tòmho lah: ‘Yàng Jehôwa la Bơtau mơ añ lòt di đap, rơp sồr cau gơnrơh lòt bal mơ mê, lơh gơlik gơs broă mê dê, mơ mê rơp tòmbau kòn klau añ in mơ dô nă cau ơruh tòm hìu nhă añ, mơ tòm hìu bèp añ.

Sơnròp Gơlik Gơs 26:24

Mang hơ̆ Yàng Jehôwa tơlik mat mơ khai, mơ đơs lah: “Añ la Yàng Tom Trồ Abraham bèp mê dê, bañ rngòt, bơh Añ ơm bal mơ mê, Añ rơp ai lơngai mê in mơ bơtơl jơi bơtiàn mê in, tài bơh Abraham cau dĭ gơna Añ jê.”

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Đơs Crih 103:20

Jòng ro tĕ Yàng Jehôwa, ơ ală cau gơnrơh Kơnràñ dê, La ală cau gơs gơnoar pràn lơh jat jơnau sồr Kơnràñ dê, mơ kơno jơnau đơs Kơnràñ dê.

Đơs Crih 136:26

Ưnngài tĕ Yàng Tom Trồ hơđang trồ, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 32:8

Añ rơp bơto sồr mê, sơnio mê in gùng pal lòt; Mat Añ rơp sền di mê mơ bơto dong kòl mê.

Đơs Crih 34:7

Cau gơnrơh Yàng Jehôwa dê ơm kơp gùt dar ală cau duh rngòt di Kơnràñ, Mơ dong tă bol khai.

Đơs Crih 73:24

Kơnràñ ai jơnau bơto sơnio tề lam añ, tus di ngai tơnơ̆ Kơnràñ rơp wă rò añ tòm bơta gơklŏ.

Lik Ejiptơ 13:5

Tòm tŭ Yàng Jehôwa cèng bol mê mut lơgar làng bol Kanaan, làng bol Hetit, mơ làng bol Jebusit, la lơgar mơ Kơnràñ neh srat să ho nền mơ ồng pàng bol mê dê rơp ai bol mê in, la lơgar gơhòr bềng lìu dà toh mơ dà lơwe, gen bol mê pal kah prap bơta pơjum duh khoai tòm kơnhai do.

Lik Ejiptơ 32:13

Dan Yàng kah wơl bơh Abraham, Isak, mơ Israel, la ală cau duh broă Kơnràñ dê, mơ Kơnràñ neh ai să tòm Kơnràñ mơ srat să ho nền mơ bol khai lah: ‘Añ rơp ai jơi bơtiàn bol mê in gơbơtơl oă kung be sơmañ hơđang trồ, mơ Añ rơp ai jơi bơtiàn bol mê in jơh lơgar mơ Añ neh ho mơ bol khai, mơ bol khai rơp geh lơgar hơ̆ lơh gơs sre brê jơl sùm sùm.’”

Lik Ejiptơ 33:2

Añ rơp sồr dô nă cau gơnrơh lòt lài mơ bol mê, mơ rơp ting bơtrơh cau Kanaan, cau Amôr, cau Hetit, cau Pheres, cau Hebit, mơ cau Jebusit.

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Daniel 2:44

Tòm rài ală cau bơtau do, Yàng Tom Trồ ơm hơđang trồ rơp bơtào tơngguh dô nơm lơgar ò gơs tŭ lơi kòl tơnroh hala kong alah. Lơgar hơ̆ rơp jan bơcah mơ tơnroh jơh ală lơgar jơl lồi dut, mơ lơgar hơ̆ rơp bơtào kơ̆ gam sùm sùm.

Jôna 1:9

Khai ho lah: “Añ la dô nă cau Hebrơ, mơ añ duh khoai Yàng Jehôwa la Yàng Tom Trồ hơđang trồ, la Bơtau neh lơh gơs dàlềng mơ ù tiah.”

Khà Làng Bol 11:12

Añ neh bun jơh làng bol do sơl ơ? Añ neh tơnggơs bol khai sơl ơ? Ñchi bơh tài Kơnràñ sồr añ kơnđu bol khai tòm tơwòr tê añ jê, kung be dô nă cau ùr kơnđu dô nă kòn dềt, tus hơ lơgar mơ Kơnràñ neh srat să ho ai ồng pàng bol khai in taih?

Khà Làng Bol 14:16

‘Yàng Jehôwa ò rgơi cèng làng bol do tus tòm lơgar mơ Kơnràñ neh srat să ho ai bol khai in; behơ̆ Kơnràñ neh tơnchơt bol khai tòm ƀlàng bràs.’

Khà Làng Bol 14:30

Ò gơs dô nă cau lơi tòm bol mê rơp mut tòm lơgar mơ Añ neh pò tê srat să lơh gơs hìu tòm bol mê in, lòi mìng Kalep kòn klau Jephune mơ Jôsue kòn klau Nun.

Khà Làng Bol 32:11

‘Tài bơh bol khai ò jơh nùs lòt jat Añ, gen ò gơs dô nă cau klau lơi bàr jơt nam hala dờng rlau neh lik bơh di Ejiptơ rơp gŏ ù tiah mơ Añ neh srat să ho nền ai Abraham, Isak mơ Jakôp in

Broă 7:5

Kơnràñ ò ai khai in dô êt lơi sre brê tòm tiah do, dô pet ù ơn jơng kung ò gơs sơl, mơya Kơnràñ ho ai tiah do lơh gơs sre brê tòm khai in mơ jơi bơtiàn khai in sơl, bulah tòm tŭ hơ̆ khai òhềt gơs kòn.

Yal Wơl 1:8

Sền ne, Añ neh ai bol mê in lơgar do. Mut tĕ mơ dòp ù tiah lơh gơs sre brê mơ Yàng Jehôwa neh srat să ho nền ai ală ồng pàng bol mê in la Abraham, Isak mơ Jakôp, mơ ală kòn sau bol khai in.’

Yal Wơl 34:4

Lồc behơ̆ Yàng Jehôwa đơs mơ khai lah: “Hơ̆ la lơgar mơ Añ neh srat să ho mơ Abraham, Isak mơ Jakôp tòm tŭ Añ đơs lah: ‘Añ rơp ai gơ ală kòn sau mê in.’ Añ neh lòi mê sền gŏ gơ mơ mat tòm mê dê, mơya mê rơp ò lòt gan mơ mut tòm hơ̆.”

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 11:9

Bơh bơta dòn khai ơm ing tòm lơgar neh ho ai khai in kung be ơm tòm lơgar ndai, ơm tòm sàl bal mơ Isak mơ Jakôp la ală cau geh pơrdòn dô jơnau ho pơgon bal mơ khai.

Jôsue 1:6

Lơh tĕ pràn kơldang mơ khin cha, bơh mê rơp ơn làng bol do tòm lơgar Añ ai bol khai in lơh gơs sre brê jat be Añ neh srat să ho nền mơ ală ồng pàng bol khai dê.

Jôsue 24:3

Mơ Añ neh tă tơlik ồng pàng bol mê dê la Abraham bơh lơgar đah ne hiòng mơ lam khai làm lơgar Kanaan, mơ ai khai in gơs oă kòn sau. Añ neh ai khai in Isak,

Yal Tơlik 11:13

Di di jơ hơ̆ gơs dô bơta lơnggơr ù dờng ngan, dô pơnah jơt ƀòn dờng tơrlah; poh rbô nă cau chơt tòm bơta lơnggơr ù hơ̆, ai ală cau gam kis gen rngòt ngan mơ jòng ro Yàng Tom Trồ hơđang trồ.

Ală Kwang Cahrña 2:1

Cau gơnrơh Yàng Jehôwa dê guh bơh Gilgal tus hơ Bôkim mơ đơs lah: “Añ neh tă cèng bol mê lik bơh Ejiptơ mơ lam bol mê mut tòm lơgar Añ neh ho ai ồng pàng bol mê in. Añ neh đơs ‘Añ rơp ò tŭ lơi sang lòi bơta ho bal mơ bol mê.