Sơnròp Gơlik Gơs 24:45 - Sră Goh 2018

⁴⁵ Añ òhềt jơh đơs tòm nùs gen Rebeka đoa yang dê pơnì lik lòt, mù hơ tơrlung mơ bơ̆ dà. Añ đơs mơ khai lah: ‘Dan ai añ in hùc dô ềt dà.’

Sơnròp Gơlik Gơs 24:45 ပူးပေါင်းရင်းမြစ်များ

Sơnròp Gơlik Gơs 24:44

mơ cau hơ̆ rơp ho lah: “Hùc tĕ gen añ rơp bơ̆ dà ai ală làkđa mê in hùc sơl,” dan ai cau ơruh hơ̆ gơlik gơs bau mơ Yàng Tom Trồ neh sac kòn klau cau tòm añ in.’

II Samuel 7:27

Đah mơ Yàng, ơ Yàng Jehôwa Gơnap Gơnoar Dờng Làm Jơh la Yàng Tom Trồ Israel dê, Yàng neh yal tơlik jơnau do cau duh broă Yàng in mơ đơs lah: ‘Añ rơp bơt mê in dô nơm hìu.’ Gen tàng, cau duh broă Yàng dê geh nùs khin cha hòi dan mơ Yàng ală jơnau do.

Nehemi 2:4

Cau bơtau đơs mơ añ lah: Ñchi bơta mê kòñ dan taih? Gen añ hòi dan mơ Yàng Tom Trồ hơđang trồ dê.

Esai 58:9

Gen bol mê rơp hòi, mơ Yàng Jehôwa rơp ho wơl; bol mê rơp rac dan dong kòl, mơ Kơnràñ rơp đơs lah: ‘Gơs Añ do!’ Dilah bol mê tă sang yô bơh digùl bol mê, ò cong tê đơs blac pơrlồm;

Esai 65:24

Lài mơ tŭ bol khai hòi dan Añ rơp ho wơl; tòm tŭ bol khai ơm đơs Añ rơp kơno.

Daniel 9:19

Ơ Yàng, dan iat! Ơ Yàng, dan toh glài! Ơ Yàng, dan ơn nùs mơ lơh gơs! Ơ Yàng Tom Trồ añ jê, dan bañ lơh òbat tài bơh ƀòn dờng Kơnràñ dê mơ làng bol Kơnràñ dê neh geh tơmoh mơ sơnđan Kơnràñ.”

Daniel 9:23

Bơh di tŭ mê rơp sơntòm hòi dan gen jơnau ho wơl neh gơs mơ añ tus nàng yal jơnau hơ̆ mê in, tài bơh mê neh geh kòñ gơboh ngan. Behơ̆, kơlôi sơnơng tĕ jơnau do mơ git wă tĕ bơta gơtơnggŏ.

Mathiơ 7:7

“Dan tĕ, rơp ai; jòi tĕ, rơp bàn; teh tĕ, rơp geh pò bol mê in.

Broă 10:30

Kornai ho lah: “Neh poan ngai do rau, kung di di jơ pe, añ ơm hòi dan, nisơna gơs cau soh ào gơcrà àng lơr, ntào di đap añ,

Rôma 8:26

Kung behơ̆ sơl, Yàng Hwềng dong kòl tòm bơta lơbơn lơño bol he dê; bơh bol he ò git mbe kòñ hòi dan nàng di pal, mơya să tòm Yàng Hwềng ai bơta rac ròc he ò rgơi yal loh nàng hòi dan ala bol he in.