Sơnròp Gơlik Gơs 24:1 - Sră Goh 2018

¹ Abraham neh kra, sơnam neh jòng, mơ tòm jơh ală bơta Yàng Jehôwa neh ai lơngai lơngò khai in.

Sơnròp Gơlik Gơs 24:1 ပူးပေါင်းရင်းမြစ်များ

Sơnròp Gơlik Gơs 12:2

Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Sơnròp Gơlik Gơs 13:2

Abram pas gơs ngan phan poan jơng, priă mơ màh.

Sơnròp Gơlik Gơs 18:11

Abraham mơ Sara neh kra, sơnam neh jòng rau, Sara ò tai gơs be òs cau ùr dê.

Sơnròp Gơlik Gơs 21:5

Tòm tŭ deh Isak, gen Abraham neh dô rhiang nam.

Sơnròp Gơlik Gơs 24:35

Yàng Jehôwa neh ai lơngai cau tòm añ in oă ngan, khai gơs pas sơm, Kơnràñ ai cau tòm añ in belàt, kơnrồ, priă, màh, dĭ ùr, dĭ klau, làkđa mơ alàng.

Sơnròp Gơlik Gơs 25:20

Mơ tòm tŭ Isak neh tơl poan jơt nam gen bau mơ Rebeka, kòn ùr Bethuel dê la oh ùr Laban dê, la cau Aram, ơm tòm lơgar Padan Aram.

Sơnròp Gơlik Gơs 26:12

Isak sih gar sơntìl tòm lơgar hơ̆, nam hơ̆ toès gơlik dô rhiang cồng, bơh Yàng Jehôwa neh ai lơngai lơngò khai in.

Sơnròp Gơlik Gơs 49:25

Yàng Tom Trồ bèp mê dê rơp dong mê; Bơtau Gơnap Gơnoar Làm Jơh rơp ai lơngai mê in; Hơ̆ la bơta lơngai bơh hơđang trồ mù, Mơ la bơta lơngai guh bơh cìr jrô hơđơm, Bơta lơngai ală toh mè dê, mơ hìu kòn dê.

I Ală Bơtau 1:1

Tòm tŭ bơtau Dabit neh kra să mơ sơnam jòng; gen bulah cau tơntơ̆ oă ồi khai in, khai kung ò rgơi gơs ram.

Jơnau Pơnđik 10:22

Bơta lơngai bơh Yàng Jehôwa dê lơh gơlik pas gơs: Kơnràñ ò bơtơl tai bơta moat jrùng lơi ò.

Esai 51:2

Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Luka 1:7

Bol khai ò gơs kòn, bơh Elisabet kơnền, mơ bàr nă neh jòng sơnam.

Galati 3:9

Abraham dòn gen geh lơngai, behơ̆ cau lơi dòn gen geh lơngai be khai sơl.

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

I Timôthe 4:8

Bơh bơta bơtê lơh pràn să jan in gen gơs kwơ dô êt lơm, ai bơta duh rngòt gơs kwơ tòm jơh ală bơta, bơh neh gơs jơnau ho pơgon bơh bơta kis tòm rài do mơ tòm rài tơnơ̆ sơl.