Sơnròp Gơlik Gơs 23:4 - Sră Goh 2018

⁴ “Añ la cau bơdìh ơm ing tòm ù bol mê, dan ai añ in dô bă tiah tơp ƀồc tòm lơgar bol mê nàng añ tơp cau chơt añ jê.”

Sơnròp Gơlik Gơs 23:4 ပူးပေါင်းရင်းမြစ်များ

Sơnròp Gơlik Gơs 17:8

Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

Sơnròp Gơlik Gơs 23:5

Ală kòn sau Het ho lah:

Sơnròp Gơlik Gơs 3:19

Mê rơp gơlik kơlhề muh mat sồng gơs geh phan sa jơl tus ngai mê rê wơl tòm ù, la tiah mê neh lik gơs, bơh mê la kơmbuh ù, mê rơp rê wơl tòm kơmbuh ù.”

Sơnròp Gơlik Gơs 47:9

Jakôp ho lah: “Ală nam añ kis ing tòm dunnia do la dô rhiang pe jơt nam. Ală nam rài kis añ jê la liah mơ bòl glar lơm, ò di be ală nam mò pàng añ jê tòm tŭ bol khai kis tòm dunnia do.”

Sơnròp Gơlik Gơs 49:30

hơ̆ la trồm lŭ tòm ƀlàng Makpela, rềp Mamre tòm lơgar Kanaan, mơ Abraham neh blơi nàng lơh tiah tơp ƀồc bal mơ ƀlàng sre Eprôn dê.

Sơnròp Gơlik Gơs 50:13

mơ cèng ƀồc khai hơ lơgar Kanaan, mơ tơp tòm trồm lŭ ƀlàng Makpela dê, tòm toh mơ Mamre mơ Abraham neh blơi bal mơ ƀlàng sre Eprôn dê, cau Hetit, nàng lơh gơs tiah tơp ƀồc.

I Yal Yau 29:15

Bol hi la cau làng bơdìh mơ cau ơm ing di đap mat Kơnràñ, kung be jơh ală ồng pàng bol hi dê. Ală ngai bol hi dê hơđang ù la kung be dô nơm mƀur, ò gơs bơta gơn kơnòm.

Sră Jop 30:23

Añ git lah Yàng rơp cèng añ hơ bơta chơt, mơ tus hơ hìu neh lơh nền jơh ală cau kis in.

Đơs Crih 119:19

Añ la cau ơm ing tòm dunnia, Dan Yàng bañ pồn ndơp bơh di añ ală bơta sồr lam Kơnràñ dê.

Đơs Crih 39:12

Ơ Yàng Jehôwa, dan iat jơnau hòi dan añ jê, ai tồr iat jơnau rac dan añ jê; Dan bañ ơm mŏ mŏ tòm tŭ añ hòr dà mat! Bơh añ la cau nac tòm hìu Yàng dê, Cau ơm ing be jơh ală ồng pàng añ jê.

Lik Ejiptơ 2:22

Jiphôra deh dô nă kòn klau; Môise tơmoh sơnđan la Gersôm bơh khai đơs lah: “Añ neh gơlik gơs cau ơm ing tòm lơgar cau bơdìh.”

Cau Bơto 12:5

Cau rngòt rngơt tòm tŭ guh hơđang tiah jơnhoa, mơ kìr rngòt tòm tŭ lòt gùng; tŭ hơ̆ chi gus gơlik bơkào, srah nting cơnđòa lòt kơnjơ̆ kơnjut, mơ bơta kơp kòñ ò gam tai; Tài bơh jơh tơl nă cau pal lòt tus hơ hìu gam sùm sùm bol khai dê, ai ală cau ñìm ƀồc lòt gùt dar tòm gùng.

Cau Bơto 12:7

Mơ kơmbuh ù rê wơl mơ ù kung be bơh sơnròp gơ la ù, mơ hwềng soàn rê wơl mơ Yàng Tom Trồ, la Bơtau neh ai gơ.

Cau Bơto 6:3

Dilah dô nă cau tơnggơs dô rhiang nă kòn, mơ kis jŏ sơnam, mơya bulah oă ngai tòm rài kis khai dê, dilah khai ò hòn chò bơh bơta niam tòm rài kis khai dê, hala chơt ò geh tơp, añ đơs lah dô nă kòn gơyò la niam rlau mơ khai;

Lebi 25:23

Ù tiah ò di pal tac tơn; tài bơh ù tiah gơrê bal mơ Añ mơ bol mê mìng la ală cau làng bơdìh mơ la ală cau ơm ing.

Broă 7:16

ntìng ƀồc bol khai geh cèng brê wơl hơ Sicem tơp tòm bơtô mơ Abraham neh ai priă rwat bơh kòn sau Hamor dê tòm Sicem.

Broă 7:5

Kơnràñ ò ai khai in dô êt lơi sre brê tòm tiah do, dô pet ù ơn jơng kung ò gơs sơl, mơya Kơnràñ ho ai tiah do lơh gơs sre brê tòm khai in mơ jơi bơtiàn khai in sơl, bulah tòm tŭ hơ̆ khai òhềt gơs kòn.

Hebrơ 11:9

Bơh bơta dòn khai ơm ing tòm lơgar neh ho ai khai in kung be ơm tòm lơgar ndai, ơm tòm sàl bal mơ Isak mơ Jakôp la ală cau geh pơrdòn dô jơnau ho pơgon bal mơ khai.

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.