Sơnròp Gơlik Gơs 22:8 - Sră Goh 2018

⁸ Abraham ho lah: “Ơ kòn, să tòm Yàng Tom Trồ rơp rcang lòi he in kòn belàt nàng ngui lơh phan chu duh khoai.” Gen bàr nă kư̆ lòt bal.

Sơnròp Gơlik Gơs 22:8 ပူးပေါင်းရင်းမြစ်များ

Sơnròp Gơlik Gơs 18:14

Gơs bơta lơi Yàng Jehôwa ò rgơi lơh sơl ơ? Tus di kơnhai neh pơgon, Añ rơp rê wơl hơ mê, mơ Sara rơp gơs dô nă kòn klau.”

Sơnròp Gơlik Gơs 22:14

Abraham sơnđan tiah hơ̆ la Jehôwa Jire. Tài bơh hơ̆ gơs jơnau đơs lah: “Hơđang mơnơm Yàng Jehôwa dê rơp geh rcang lòi.”

Sơnròp Gơlik Gơs 22:7

Isak đơs mơ Abraham bèp khai lah: “Ơ bèp!” Khai ho lah: “Ơ kòn, do añ!” Isak đơs: “Do lòng mơ do ồs, mơya ntềng đah kòn belàt nàng lơh phan chu duh khoai taih?”

Sơnròp Gơlik Gơs 22:9

Bol khai tus di tiah Yàng Tom Trồ neh sồr, tềng hơ̆ Abraham lơh cơnòng duh khoai, dap lòng hơđang, cap Isak kòn khai, mơ ơn hơđang lòng di cơnòng duh khoai.

II Ală Bơtau 2:6

Eli đơs mơ khai lah: “Ơm tĕ tềng do, bơh Yàng Jehôwa sồr añ lòt tus hơ Jordan.” Elise đơs lah: “Añ sơnio Yàng Jehôwa gam kis sùm mơ bơta kis ồng dê lah, añ rơp ò sang lòi ồng.” Behơ̆, bàr nă bol khai pơnjat lòt gùng.

II Yal Yau 25:9

Amajiah lùp cau Yàng Tom Trồ dê lah: “Mơya mbe kòñ lơh bơh dô rhiang talơng mơ añ neh tơm mpồl ling Israel in taih?” Cau Yàng Tom Trồ dê ho lah: “Yàng Jehôwa rgơi ai bơtau in gơs oă rlau mơ hơ̆.”

Mathiơ 19:26

Yàng Jesu sền di bol khai mơ đơs lah: “Bơta hơ̆ jơi kòn mơnus ò rgơi lơh, mơya Yàng Tom Trồ rgơi lơh jơh ală bơta.”

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Jang 1:36

gŏ Yàng Jesu lòt gan, gen khai đơs lah: “Ne, Belàt Kòn Yàng Tom Trồ dê!”

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 5:12

Bol khai đơs bal dô jơnau dờng lah: “Belàt Kòn neh kong sreh chơt la Bơtau di pal dòp geh gơnap gơnoar, bơta pas sơm, bơta jak chài, gơnoar pràn, bơta ryŭ ryơm, bơta gơklŏ mơ bơta jòng ro”

Yal Tơlik 5:6

Digùl sơbàn mơ poan nơm phan wìn kis, mơ digùl ală cau kwang kra, añ gŏ dô nơm Belàt Kòn ntào gơlơh be neh kong sreh chơt, gơs poh nơm ngke mơ poh nơm gar mat, la poh Hwềng Yàng Tom Trồ dê kong sồr lòt tus làm jơh plai ù.

Yal Tơlik 7:14

Añ đơs lah: “Ơ Kơnràñ, Kơnràñ git.” Khai đơs mơ añ lah: “Hơ̆ la ală cau lik bơh bơta rung rài dờng, neh pìh mơ lơh bò ào jrùh bol khai dê tòm mhàm Belàt Kòn dê.