Sơnròp Gơlik Gơs 22:7 - Sră Goh 2018

⁷ Isak đơs mơ Abraham bèp khai lah: “Ơ bèp!” Khai ho lah: “Ơ kòn, do añ!” Isak đơs: “Do lòng mơ do ồs, mơya ntềng đah kòn belàt nàng lơh phan chu duh khoai taih?”

Sơnròp Gơlik Gơs 22:7 ပူးပေါင်းရင်းမြစ်များ

Sơnròp Gơlik Gơs 22:8

Abraham ho lah: “Ơ kòn, să tòm Yàng Tom Trồ rơp rcang lòi he in kòn belàt nàng ngui lơh phan chu duh khoai.” Gen bàr nă kư̆ lòt bal.

Sơnròp Gơlik Gơs 8:20

Nôe lơh dô nơm cơnòng duh khoai Yàng Jehôwa in. Khai kup ală phan poan jơng goh, ală sềm goh, ơn phan chu duh khoai hơđang cơnòng duh khoai.

Lik Ejiptơ 12:3

Đơs tĕ mơ jơh mpồl jơnum cau Israel dê lah, tòm ngai jơt kơnhai do, kòp nă cau klau pal kup dô nơm belàt kòn hìu nhă khai in, kòp hìu nhă dô nơm.

Lik Ejiptơ 29:38

Do la ală phan mê pal ơn sùm be òs kòp ngai hơđang cơnòng duh khoai: bàr nơm belàt kòn dô nam.

Mathiơ 26:39

Gen Kơnràñ lòt dô êt cơnđòa tai, blup mat tòm ù mơ hòi dan lah: “Ơ Bèp, dilah rgơi, dan lòi mơngàn do klàs bơh di Kòn; bulah behơ̆, ò di jat nùs kòñ Kòn dê, mơya jat nùs kòñ Bèp dê.”

Mathiơ 26:42

Kơnràñ lòt dơ̆ bàr tai mơ hòi dan lah: “Ơ Bèp, dilah mơngàn do ò rgơi klàs bơh di Kòn, mơ Kòn pal hùc, gen dan nùs kòñ Bèp gơs di.”

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Jang 1:36

gŏ Yàng Jesu lòt gan, gen khai đơs lah: “Ne, Belàt Kòn Yàng Tom Trồ dê!”

Jang 18:11

Behơ̆ Yàng Jesu đơs mơ Pier lah: “Srồm tĕ đào mê tòm sơmprồm; mơngàn mơ Bèp neh ai Añ in, Añ ò di ñô ò ơ?”

Rôma 8:15

Ngan behơ̆ oh mi ò dòp hwềng nùs dĭ gơna dê nàng ơm tòm bơta rngòt rngơt tai, mơya neh dòp hwềng bơta geh kòp la kòn mơ kơnòm di bơta hơ̆ bol he hòi lah: “Aba, Bèp!”

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.