Sơnròp Gơlik Gơs 22:2 - Sră Goh 2018

² Yàng Tom Trồ đơs lah: “Kup tĕ kòn klau dùl mê kòñ gơboh la Isak mơ lòt tus hơ tiah Môria, tềng hơ̆ ơn tĕ kòn lơh gơs phan chu duh khoai hơđang dô nơm mơnơm Añ rơp sơnio mê in.”

Sơnròp Gơlik Gơs 22:2 ပူးပေါင်းရင်းမြစ်များ

Sơnròp Gơlik Gơs 17:19

Yàng Tom Trồ đơs lah: “Ò di behơ̆, Sara, bau mê rơp deh dô nă kòn klau, mê rơp sơnđan la Isak. Añ rơp lơh bơta ho bal mơ khai, nàng lơh bơta ho bal kòp rài gam sùm sùm jơi bơtiàn khai in.

Sơnròp Gơlik Gơs 21:12

Mơya Yàng Tom Trồ đơs mơ Abraham lah: “Mê bañ moat jrùng bơh kòn klau mơ dĭ ùr mê dê. Sara đơs be lơi, gen iat tĕ jơnau khai đơs, bơh tòm Isak rơp gơlik gơs jơi bơtiàn mê dê.

Sơnròp Gơlik Gơs 21:3

Abraham tơmoh sơnđan kòn klau Sara neh deh khai in la Isak.

Sơnròp Gơlik Gơs 22:12

Cau gơnrơh đơs lah: “Bañ ƀư tê di să oh hơ̆ mơ bañ lơh bơta lơi di khai, bơh tŭ do Añ git mê duh rngòt di Yàng Tom Trồ, tài bơh mê ò pơlai mơ Añ kòn klau mê dê, hơ̆ la kòn dùl mê dê.”

Sơnròp Gơlik Gơs 22:16

Yàng Jehôwa đơs lah: “Bơh mê neh lơh bơta hơ̆, ò pơlai kòn klau mê, hơ̆ la kòn dùl mê dê, gen Añ ai să tòm Añ mơ ho bal lah:

Sơnròp Gơlik Gơs 22:3

Abraham guh bơh drim, kơt ừn di alàng, cèng bàr nă cau dĭ mơ kòn klau khai la Isak mơ lòt. Khai kung koh lòng nàng chu phan duh khoai, gen lòt tus hơ tiah mơ Yàng Tom Trồ neh sồr.

Sơnròp Gơlik Gơs 22:9

Bol khai tus di tiah Yàng Tom Trồ neh sồr, tềng hơ̆ Abraham lơh cơnòng duh khoai, dap lòng hơđang, cap Isak kòn khai, mơ ơn hơđang lòng di cơnòng duh khoai.

Sơnròp Gơlik Gơs 8:20

Nôe lơh dô nơm cơnòng duh khoai Yàng Jehôwa in. Khai kup ală phan poan jơng goh, ală sềm goh, ơn phan chu duh khoai hơđang cơnòng duh khoai.

II Ală Bơtau 3:27

Gen khai kup kòn klau tơnhoa, la cau pal pơrdòn sơbàn khai, ơn lơh gơs phan pơdơng chu hơđang dơrñang ƀòn. Mơ gơs bơta gơjrañ dờng tus hơđang cau Israel; gen bol khai ruc bơh bơtau Môap mơ rê hơ lơgar bol khai dê.

II Yal Yau 3:1

Salômôn sơntòm bơt bơtào hìu duh khoai Yàng Jehôwa dê tòm Jerusalem hơđang mơnơm Môria la tiah Yàng Jehôwa neh tơlik mat mơ Dabit bèp khai dê, di tiah mơ Dabit neh rcang lài, di làn jă kòi Arauna cau Jebusit dê.

Mice 6:7

Yàng Jehôwa rơp niam nùs di rbô rhiang belàt dam hala di jơt rbô hiòng mơñà sơl ơ? Añ rơp ơn kòn tơnhoa añ jê bơh bơta tìs glài añ jê, mơ bơta kis kòn sau añ tài bơh tồi glài hwềng soàn añ jê sơl ơ?

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Rôma 5:8

Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

Hebrơ 11:17

Bơh bơta dòn Abraham, tòm tŭ kong lòng ơn Isak Yàng in, khai neh dòp geh jơnau ho pơgon mơ gơs nùs rcang sir nàng ơn kòn dùl khai dê,

Ală Kwang Cahrña 11:31

gen tòm tŭ añ geh pha tòmlơh mơ làng bol Ammôn mơ rê hìu, dilah phan lơi lik bơh di mpồng hìu añ jê nàng wă rò añ, gen phan hơ̆ rơp gơrê bal mơ Yàng Jehôwa, añ rơp ơn phan hơ̆ lơh gơs phan ơn duh khoai chu pơrguc.”

Ală Kwang Cahrña 11:39

Tơnơ̆ mơ bàr kơnhai, khai rê wơl hơ hìu bèp khai, mơ bèp khai lơh di khai jat be jơnau neh srat să ho pơgon. Kòn ùr hơ̆ neh ò ròm mơ cau klau lơi. Tài bơh bơta hơ̆ gen gơs bơta òs mòng tòm Israel, hơ̆ la