Sơnròp Gơlik Gơs 22:18 - Sră Goh 2018

¹⁸ Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Sơnròp Gơlik Gơs 22:18 ပူးပေါင်းရင်းမြစ်များ

Sơnròp Gơlik Gơs 12:2

Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Sơnròp Gơlik Gơs 12:3

Añ rơp ai lơngai ală cau lơi ai lơngai mê in, srat rma ală cau lơi srat rma mê, mơ jơh ală làng bol tòm làm ù, rơp geh lơngai bơh dê mê.”

Sơnròp Gơlik Gơs 18:18

Abraham rơp gơlik gơs ngan dô nơm lơgar dờng mơ pràn kơldang, ală làng bol tòm dunnia rơp kơnòm di khai mơ geh lơngai.

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Sơnròp Gơlik Gơs 22:10

Gen Abraham pò tê ai pềs nàng hàl kòn khai.

Sơnròp Gơlik Gơs 22:3

Abraham guh bơh drim, kơt ừn di alàng, cèng bàr nă cau dĭ mơ kòn klau khai la Isak mơ lòt. Khai kung koh lòng nàng chu phan duh khoai, gen lòt tus hơ tiah mơ Yàng Tom Trồ neh sồr.

Sơnròp Gơlik Gơs 28:14

Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Lik Ejiptơ 7:6

Môise mơ Arôn lơh jat tòm toh be jơnau Yàng Jehôwa neh sồr bol khai.

Jeremi 4:2

Mơ dilah mê srat să ‘Kung be Yàng Jehôwa kis sùm!’ Tòm jơnau song, tòm bơta song ring, mơ song ngan, Gen ală lơgar rơp geh lơngai bơh Kơnràñ, Mơ bơh Kơnràñ bol khai jòng să.”

Jeremi 7:23

Mơya, gơnoar sồr do Añ neh ai bol khai: ‘Iat tĕ jơnau Añ, gen Añ rơp lơh gơs Yàng Tom Trồ bol mê dê, bol mê rơp lơh gơs làng bol Añ jê; mìng lòt tĕ tòm gùng dà Añ neh sồr bol mê, nàng bol mê in geh lơngai lơngò.’

Mathiơ 1:1

Sơnđan ală ồng pàng Yàng Jesu Krist dê, kòn sau Dabit, kòn sau Abraham dê.

Broă 3:25

Ală oh mi la kòn sau ală cau gơnoar hwơr dê, mơ bơta ho bal Yàng Tom Trồ dê neh bơtào gơs mơ ală ồng pàng oh mi dê tòm tŭ Kơnràñ đơs mơ Abraham lah: ‘Jơh ală làng bol tòm làm ù rơp geh lơngai kơnòm di jơi bơtiàn mê dê.’

Rôma 1:3

Hơ̆ la Jơnau Niam bơh Kòn Kơnràñ, Yàng Jesu Krist la Yàng bol he dê, jat poac să geh deh bơh jơi bơtiàn Dabit dê,

Galati 3:16

Bơh ală jơnau ho pơgon neh đơs mơ Abraham bal mơ jơi bơtiàn khai dê, gen ò đơs lah: “Ai ală jơi bơtiàn in,” be sơnio bơh oă cau; mơya mìng đơs: “Ai jơi bơtiàn mê in,” be sơnio bơh dô nă cau lơm, hơ̆ la Bơtau Krist.

Galati 3:18

Bơh dilah bơta ai gòi Yàng Tom Trồ la bơh bơta boh lam, gen ò càng jơnau ho pơgon tai; mơya Yàng Tom Trồ neh ai bơta ai gòi hơ̆ Abraham in bơh jơnau ho pơgon.

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.