Sơnròp Gơlik Gơs 22:17 - Sră Goh 2018

¹⁷ Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

Sơnròp Gơlik Gơs 22:17 ပူးပေါင်းရင်းမြစ်များ

Sơnròp Gơlik Gơs 12:2

Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Sơnròp Gơlik Gơs 13:16

Añ rơp lơh jơi bơtiàn mê dê be kơmbuh hơđang ù, behơ̆ dilah cau lơi rgơi kòp kơmbuh hơđang ù, gen sồng rgơi kòp jơi bơtiàn mê dê.

Sơnròp Gơlik Gơs 15:5

Gen Kơnràñ lam khai lik dê bơdìh mơ đơs lah: “Mê tơnggòr sền tĕ hơđang trồ, mơ dilah mê rgơi kòp jơh ală sơmañ gen kòp tĕ.” Kơnràñ đơs tai lah: “Jơi bơtiàn mê kung rơp behơ̆ sơl.”

Sơnròp Gơlik Gơs 17:6

Añ rơp lơh mê in tơnggơs oă ngan, lơh mê in gơlik gơs oă lơgar, mơ ală bơtau rơp bơh mê mơ gơs.

Sơnròp Gơlik Gơs 24:60

Bol khai ai lơngai Rebeka in mơ đơs lah: “Ơ oh ùr hi dê, dan ai in gơlik gơs mè tơlak tơmàn cau dê, mơ ai jơi bơtiàn ai in pìt sơmbrơt mpồng ală cau sò tơm dê!”

Sơnròp Gơlik Gơs 25:11

Tơnơ̆ mơ tŭ Abraham chơt, Yàng Jehôwa ai lơngai Isak kòn klau khai in. Isak ơm rềp mơ tơrlung Lacairoi.

Sơnròp Gơlik Gơs 26:24

Mang hơ̆ Yàng Jehôwa tơlik mat mơ khai, mơ đơs lah: “Añ la Yàng Tom Trồ Abraham bèp mê dê, bañ rngòt, bơh Añ ơm bal mơ mê, Añ rơp ai lơngai mê in mơ bơtơl jơi bơtiàn mê in, tài bơh Abraham cau dĭ gơna Añ jê.”

Sơnròp Gơlik Gơs 26:4

Añ rơp bơtơl jơi bơtiàn mê in oă be sơmañ hơđang trồ, rơp ai bol khai in jơh ală ù tiah do, jơh ală làng bol tòm dunnia rơp kơnòm di jơi bơtiàn mê mơ geh lơngai,

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

Sơnròp Gơlik Gơs 28:4

Dan Kơnràñ ai mê mơ jơi bơtiàn mê in lơngai lơngò Abraham dê, nàng mê lơh gơs sre brê tòm lơgar mê ơm ing, hơ̆ la lơgar Kơnràñ neh ai Abraham in.”

Sơnròp Gơlik Gơs 32:12

Mơya Kơnràñ neh đơs lah: ‘Ngan behơ̆, Añ rơp ai bơta lơngai mê in, mơ lơh jơi bơtiàn mê in oă be bràs dàlềng, cau ò jai kòp tài bơh oă ir.’”

Sơnròp Gơlik Gơs 32:13

Khai bic mang tềng hơ̆, mơ ai ală phan khai dê nàng lơh phan ơn tồ ai Esau bi khai in:

II Samuel 17:11

Gen añ bơyai mơ ồng lah: Lòi tĕ jơh ală Israel, bơh Dan tus Beerseba, gal ngan kung be bràs di gah dàlềng, pơjum bal mơ ồng mơ gơs să tòm ồng lam bol khai lòt tòmlơh.

I Ală Bơtau 4:20

Làng bol Juda mơ Israel la gal ngan kung be bràs di gah dàlềng, bol khai ñô sa mơ ơm lơngai.

I Ală Bơtau 9:26

Bơtau Salômôn kung rcang dô mpồl ơhò tòm Ejiôn Geber, rềp Elôt, di gah Dàlềng Pơrhê, tòm ù tiah Edôm dê.

I Yal Yau 27:23

Dabit ò cih khà ală cau klau gơs bàr jơt sơnam hala dềt rlau, tài bơh Yàng Jehôwa neh ho lơh ntum khà cau Israel gơlik gơs gal ngan kung be ală sơmañ hơđang trồ.

II Yal Yau 1:9

Ơ Jehôwa Yàng Tom Trồ, lòi tĕ jơnau Kơnràñ neh ho mơ Dabit bèp añ, tŭ do gơlik wil tơl, bơh Kơnràñ neh lơh añ in gơlik gơs bơtau at bồ hơđang dô nơm làng bol gal ngan be thul tòm ù.

Nehemi 9:23

Kơnràñ kung neh bơtơl kòn sau bol khai gơs oă be sơmañ hơđang trồ, mơ neh jun bol khai mut tòm lơgar mơ Kơnràñ neh ho ai mò pàng in lơh gơs phan jơtài.

Lik Ejiptơ 32:13

Dan Yàng kah wơl bơh Abraham, Isak, mơ Israel, la ală cau duh broă Kơnràñ dê, mơ Kơnràñ neh ai să tòm Kơnràñ mơ srat să ho nền mơ bol khai lah: ‘Añ rơp ai jơi bơtiàn bol mê in gơbơtơl oă kung be sơmañ hơđang trồ, mơ Añ rơp ai jơi bơtiàn bol mê in jơh lơgar mơ Añ neh ho mơ bol khai, mơ bol khai rơp geh lơgar hơ̆ lơh gơs sre brê jơl sùm sùm.’”

Esai 48:19

Jơi bơtiàn bol mê dê rơp gơlik gơs oă kung be bràs, kòn sau bol mê dê rơp gơlik gơs kung be ală gar bràs; sơnđan bol khai ò tŭ lơi kòl jùt sang, kung ò kong tơnroh bơh di đap Añ.”

Jeremi 32:22

Kơnràñ ai bol khai in lơgar do, la lơgar bềng lìu dà toh mơ dà lơwe, mơ Kơnràñ neh srat să ai ồng pàng bol khai in.

Jeremi 33:22

Cau ò rgơi kòp ală sơmañ hơđang trồ mơ was bràs tòm dàlềng: Añ kung rơp ai bơtơl Dabit, dĭ gơna Añ, mơ ai cau Lebi duh broă Añ, geh jơi bơtiàn gal ngan kung behơ̆.’”

Sră Ôse 1:10

“Bulah behơ̆, ntum khà làng bol Israel dê rơp kung be bràs di gah dàlềng, ò rgơi was, ò rgơi kòp; tŭ hơ̆, di tiah Añ neh đơs mơ bol khai lah: ‘Bol mê ò di la làng bol Añ jê,’ bol khai rơp geh sơnđan la ‘Ală kòn Yàng Tom Trồ kis gam sùm dê.’

Sră Ôse 2:1

“Đơs tĕ mơ oh mi mê la Ammi, mơ lŏ ùr mê la Ruhamah.

Mice 1:9

Bơh tềl sồt khai dê ò rgơi sơmbòi; gơ rơp sa rề tus di Juda. Gơ neh tus di mpồng ƀòn dờng làng bol añ jê, tus hơ Jerusalem.

Rôma 4:13

Tòm tŭ Yàng Tom Trồ ho pơgon mơ Abraham mơ jơi bơtiàn khai in geh pơrdòn lơgar dunnia lơh gơs sre brê ò di bơh bơta boh lam, mơya hơ̆ la tài bơh bơta dòn khai geh kòp la song ring bơh Yàng Tom Trồ.

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;

I Kôrintô 15:57

Mơya ưnngài Yàng Tom Trồ, Kơnràñ ai bol he in bơta pha lin rlau bơh Yàng Jesu Krist la Yàng bol he dê.

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

Yal Wơl 1:10

Jehôwa Yàng Tom Trồ bol mê dê neh lơh ntum khà làng bol bol mê dê gơbơtơl oă tian gơs ngai do bol mê neh gơlik oă kung be ală sơmañ hơđang trồ.

Yal Wơl 1:11

Dan Jehôwa Yàng Tom Trồ ală ồng pàng bol mê dê bơtơl ntum khà bol mê dê dô rbô dơ̆ oă rlau, mơ ai lơngai bol mê in jat be Kơnràñ neh ho!

Yal Wơl 10:22

Ntum khà jơh ală ồng pàng bol mê dê neh mù tòm Ejiptơ la poh jơt nă, mơ tŭ do Jehôwa Yàng Tom Trồ bol mê dê neh lơh bol mê in gơlik gơs gal ngan kung be ală sơmañ hơđang trồ.

Yal Wơl 13:17

Ò gơs dô nơm phan lơi tòm ală phan neh gơkòl sang lòi tơnroh geh jòi bàn tòm tê bol mê dê tồ Yàng Jehôwa rơp tòmgơl bơta gơjrañ dờng Kơnràñ dê mơ Kơnràñ rơp yal tơlik bơta nđàc bol mê in, gơs nùs kòñ nđàc di bol mê mơ lơh khà làng bol bol mê dê geh gơbơtơl oă tòm toh jat be Kơnràñ neh ho pơgon mơ ală ồng pàng bol mê dê,

Yal Wơl 13:18

tài bơh bol mê dòn bơr Jehôwa Yàng Tom Trồ bol mê dê, prap gàr jơh ală jơnau sồr Kơnràñ dê mơ añ ai bol mê in tòm ngai do mơ lơh bơta di ngan di đap mat Kơnràñ dê.

Yal Wơl 21:19

gen mè bèp khai rơp kup khai mơ cèng khai tus hơ ală cau kwang kra di mpồng ƀòn dờng dê.

Hebrơ 11:12

Tài bơh hơ̆, kung bơh dô nă cau sền be neh chơt, mơya tơnggơs gal ngan be ală sơmañ hơ trồ, be bràs di gah dàlềng cau ò rgơi kòp.

Hebrơ 6:14

“Ngan, añ rơp ai lơngai mê in, mơ añ rơp bơtơl oă jơi bơtiàn mê in.”

Yal Tơlik 11:15

Cau gơnrơh dơ̆ poh uh kơlwòk, gen gơs ală jơnau dờng hơđang trồ đơs lah: “Lơgar bơtau dunnia dê neh gơlik lơgar Yàng bol he dê mơ Bơtau Krist Kơnràñ dê, Kơnràñ rơp at bồ jơl sùm sùm.”