Sơnròp Gơlik Gơs 22:16 - Sră Goh 2018

¹⁶ Yàng Jehôwa đơs lah: “Bơh mê neh lơh bơta hơ̆, ò pơlai kòn klau mê, hơ̆ la kòn dùl mê dê, gen Añ ai să tòm Añ mơ ho bal lah:

Sơnròp Gơlik Gơs 22:16 ပူးပေါင်းရင်းမြစ်များ

Sơnròp Gơlik Gơs 12:2

Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Sơnròp Gơlik Gơs 22:12

Cau gơnrơh đơs lah: “Bañ ƀư tê di să oh hơ̆ mơ bañ lơh bơta lơi di khai, bơh tŭ do Añ git mê duh rngòt di Yàng Tom Trồ, tài bơh mê ò pơlai mơ Añ kòn klau mê dê, hơ̆ la kòn dùl mê dê.”

Sơnròp Gơlik Gơs 22:15

Cau gơnrơh Yàng Jehôwa dê bơh hơđang trồ hòi Abraham dơ̆ bàr.

Sơnròp Gơlik Gơs 22:2

Yàng Tom Trồ đơs lah: “Kup tĕ kòn klau dùl mê kòñ gơboh la Isak mơ lòt tus hơ tiah Môria, tềng hơ̆ ơn tĕ kòn lơh gơs phan chu duh khoai hơđang dô nơm mơnơm Añ rơp sơnio mê in.”

Sơnròp Gơlik Gơs 26:3

Ơm ing tòm lơgar do, Añ rơp ơm mơ mê, ai lơngai mê in, mơ Añ rơp ai mê mơ jơi bơtiàn mê in jơh ală lơgar do, mơ rơp gơlik tòm toh be jơnau Añ neh ho bal mơ Abraham bèp mê.

Sơnròp Gơlik Gơs 26:5

tài bơh Abraham neh dòn bơr Añ mơ neh kơrmap gàr ală bơta Añ bơto sồr, jơnau sồr mơ bơta boh lam Añ jê.”

I Yal Yau 16:16

Bơta ho bal mơ Kơnràñ neh lơh mơ Abraham, jơnau Kơnràñ srat să ho bal mơ Isak.

Đơs Crih 105:9

Hơ̆ la bơta ho bal mơ Kơnràñ neh bơtào gơs mơ Abraham, La jơnau Kơnràñ neh srat să ho pơgon mơ Isak.

Lik Ejiptơ 17:16

Khai đơs lah: “Dô nơm tê neh pò tòmdră tus hơđang sơbàn Yàng Jehôwa dê. Yàng Jehôwa rơp tòmlơh mơ cau Amalek bơh rài do tus rài ne.”

Lik Ejiptơ 2:24

Yàng Tom Trồ neh kơno jơnau pơt wòl bol khai dê mơ Kơnràñ kah wơl bơta ho pơgon mơ Abraham, Isak mơ Jakôp.

Lik Ejiptơ 32:13

Dan Yàng kah wơl bơh Abraham, Isak, mơ Israel, la ală cau duh broă Kơnràñ dê, mơ Kơnràñ neh ai să tòm Kơnràñ mơ srat să ho nền mơ bol khai lah: ‘Añ rơp ai jơi bơtiàn bol mê in gơbơtơl oă kung be sơmañ hơđang trồ, mơ Añ rơp ai jơi bơtiàn bol mê in jơh lơgar mơ Añ neh ho mơ bol khai, mơ bol khai rơp geh lơgar hơ̆ lơh gơs sre brê jơl sùm sùm.’”

Esai 45:23

Añ neh ai să tòm Añ mơ srat să, bơr Añ neh đơs tòm bơta song ring, dô jơnau rơp ò tŭ lơi rê wơl: Di đap Añ jơh ală gơltang rơp cùn, kòp nơm lơmpiat rơp srat să ho nền.

Jeremi 22:5

Yàng Jehôwa đơs: Mơya dilah bol mê ò bài iat jơnau do, Añ srat să mơ să tòm Añ lah, hìu do rơp gơlik tiah lòi srau.’

Jeremi 44:26

Gen tàng, ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa. Yàng Jehôwa đơs: Do Añ rơp ai sơnđan dờng Añ mơ srat să, rơp ò gơs dô nă cau Juda lơi tòm jơh lơgar Ejiptơ pò bơr đơs bơh sơnđan Añ tai mơ đơs lah: ‘Ngan kung be Yàng Jehôwa kis gam sùm sùm!’

Jeremi 49:13

Yàng Jehôwa đơs: “Bơh Añ neh sơnio să tòm Añ mơ srat să, Bôsra rơp gơlik gơs cù kìr mơ sền òsơp, kong phà tơrlah mơ srat sơntơm; ală ƀòn gơ dê rơp gơlik gơs dô gơnru lề lac jơl sùm sùm.”

Jeremi 51:14

Yàng Jehôwa Gơnap Gơnoar neh ai să he mơ srat să lah: ‘Añ ngan rơp lơh mê in bềng mpồl ling, gal be srah nting; rơp driau bơta pha lin hơđang mê.’

Ejekiel 16:8

Añ lòt gan ai tai mơ sền di ai, ai neh di tŭ git kòñ gơboh. Añ lă mum ào jrùh Añ jê hơđang ai, jơm să kuh ai dê. Añ ai să tòm Añ ho pơgon mơ ai mơ bơtào dô bơta ho bal mơ ai gen ai gơrê bal mơ Añ,’ Jehôwa Yàng Tom Trồ đơs behơ̆.

Amôs 6:8

Jehôwa Yàng Tom Trồ neh srat să mơ să tòm Kơnràñ; Jehôwa Yàng Tom Trồ Gơnap Gơnoar Dờng làm Jơh đơs lah: “Añ cù kìr di bơta pơnhừ să Jakôp dê, mơ gơjrañ mañ di ală gơlang kơ̆ cê khai dê; Añ rơp jào phi ƀòn dờng mơ jơh ală phan tòm hơ̆.”

Mice 7:20

Kơnràñ rơp yal tơlik bơta dòn song mơ Jakôp, mơ yal tơlik bơta song ngan mơ Abraham, jat be Kơnràñ neh ho pơgon mơ ồng pàng bol he dê, bơh tòm ală ngai yau òr.

Luka 1:73

Kơnràñ kung kah wơl jơnau mơ Kơnràñ neh ho nền mơ Abraham ồng pàng bol he dê lah,