Sơnròp Gơlik Gơs 22:12 - Sră Goh 2018

¹² Cau gơnrơh đơs lah: “Bañ ƀư tê di să oh hơ̆ mơ bañ lơh bơta lơi di khai, bơh tŭ do Añ git mê duh rngòt di Yàng Tom Trồ, tài bơh mê ò pơlai mơ Añ kòn klau mê dê, hơ̆ la kòn dùl mê dê.”

Sơnròp Gơlik Gơs 22:12 ပူးပေါင်းရင်းမြစ်များ

Sơnròp Gơlik Gơs 20:11

Abraham ho lah: “Añ kơlôi lah tòm lơgar do ngan ò gơs cau rngòt di Yàng Tom Trồ gen bol khai rơp bơh bau añ mơ tơnchơt añ.

Sơnròp Gơlik Gơs 22:13

Abraham pò mat, sền gŏ bơh ngkòi khai dô nơm belàt dam, kòl ngke tòm rlau chi, gen kup belàt dam hơ̆ lơh phan chu duh khoai ala kòn khai.

Sơnròp Gơlik Gơs 22:16

Yàng Jehôwa đơs lah: “Bơh mê neh lơh bơta hơ̆, ò pơlai kòn klau mê, hơ̆ la kòn dùl mê dê, gen Añ ai să tòm Añ mơ ho bal lah:

Sơnròp Gơlik Gơs 22:2

Yàng Tom Trồ đơs lah: “Kup tĕ kòn klau dùl mê kòñ gơboh la Isak mơ lòt tus hơ tiah Môria, tềng hơ̆ ơn tĕ kòn lơh gơs phan chu duh khoai hơđang dô nơm mơnơm Añ rơp sơnio mê in.”

Sơnròp Gơlik Gơs 26:5

tài bơh Abraham neh dòn bơr Añ mơ neh kơrmap gàr ală bơta Añ bơto sồr, jơnau sồr mơ bơta boh lam Añ jê.”

Sơnròp Gơlik Gơs 42:18

Tus ngai dơ̆ pe, Jôsep đơs mơ bol khai lah: “Añ rngòt di Yàng Tom Trồ, lơh tĕ be bơta do gen geh kis.

Nehemi 5:15

Ală kwang at bồ lài mơ añ neh kup làng bol àñ kơnjơ̆ rì phan sa, tơrnòm bal mơ poan jơt sieklơ priă. Tian gơs ală cau duh broă bol khai kung rồn bơklơn làng bol Mơya añ ò lơh behơ̆ ò, tài bơh añ duh rngòt di Yàng Tom Trồ.

Sră Jop 1:1

Tòm lơgar Us, gơs dô nă cau sơnđan la Jop. Cau hơ̆ la wil tơl mơ song ring, duh rngòt di Yàng Tom Trồ mơ pleh ngài di bơta iơh bơsak.

Sră Jop 28:28

Gen Kơnràñ đơs mơ kòn mơnus lah: ‘Duh rngòt di Yàng Jehôwa, hơ̆ la bơta jak chài, mơ pleh ngài bơh bơta iơh, hơ̆ la bơta git wă.’”

Sră Jop 5:19

Kơnràñ rơp dong tă ồng bơh prau bơta bòl glar; Tòm dơ̆ poh, bơta iơh rơp ò tup di ồng.

Đơs Crih 1:6

Bơh Yàng Jehôwa rơp sền gàr gùng dà cau song ring dê, Mơya gùng dà cau iơh bơsak dê rơp kong roh rui.

Đơs Crih 111:10

Bơta duh rngòt di Yàng Jehôwa la tòm ryas bơta jak chài dê; Cau lơi lơh jat bơta hơ̆ gen geh bơta git jak. Bơta jòng ro Kơnràñ dê gam sùm sùm!

Đơs Crih 147:11

Mơya Yàng Jehôwa niam nùs di ală cau duh rngòt di Kơnràñ, Mơ niam nùs di cau gơn kơnòm di bơta kòñ gơboh kơ̆ dơn Kơnràñ dê.

Đơs Crih 2:11

Duh tĕ broă Yàng Jehôwa dô bă duh rngòt, Mơ hòn chò tĕ dô bă rơm să.

Đơs Crih 25:12

Ñcau la cau duh rngòt dê Yàng Jehôwa taih? Kơnràñ rơp bơto bol khai in git gùng khai pal sac rwah.

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Lik Ejiptơ 20:20

Môise đơs mơ làng bol lah: “Bañ rngòt, Yàng Tom Trồ mù nàng lòng bol mê, tồ bơta duh rngòt di Kơnràñ rơp ơm mơ bol mê nàng sền gàr bol mê ò tìs glài.”

Jơnau Pơnđik 1:7

Bơta duh rngòt di Yàng Jehôwa la sơntòm bơta jak chài; Ai ală cau bơrngơl gơla sền òsơp bơta jak chài mơ jơnau bơto sồr.

Cau Bơto 12:13

Jơnau crap wơl bơh ală bơta neh gơlik gơs neh geh kơno do: Duh rngòt tĕ Yàng Tom Trồ mơ prap gàr ală bơta sồr lam Kơnràñ dê; hơ̆ la broă tòm wil tơl jơh tơl nă dê.

Jeremi 19:5

Kung bơt bơtào ală tiah jơnhoa Baal in nàng chu ală kòn dềt bol khai dê lơh gơs phan chu pơdơng Baal in, la bơta Añ ò tŭ lơi ai gơnoar sồr, ò tŭ lơi yal, la bơta Añ ò tŭ lơi kơlôi sơnơng tòm nùs Añ.’

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Mathiơ 16:24

Chòp Yàng Jesu đơs mơ ală cau bơtê lah: “Dilah cau lơi kòñ jat Añ, gen pơndang sang tĕ să he, tui chi pơng he mơ jat Añ.

Mathiơ 19:29

Dilah cau lơi bơh sơnđan Añ mơ sang hìu đam, oh mi, ruh lŏ, mè bèp, oh kòn, hala sre brê, gen cau hơ̆ rơp dòp leng dô rhiang dơ̆ rlau mơ hơ̆, mơ pơrdòn bơta kis gam sùm sùm.

Mathiơ 5:16

Behơ̆, bơta àng bol mê dê pơnđàng tĕ di đap ală cau, nàng bol khai in gŏ ală broă niam bol mê dê, mơ jòng ro Bèp bol mê ơm hơđang trồ.”

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Broă 9:31

Behơ̆ Hìu Jum Goh tòm làm jơh kơnhwàl Jude, Galile, mơ Samari geh ring lơngai, bơt bơtào, mơ lòt tòm bơta duh rngòt di Yàng, mơ kơnòm di Yàng Hwềng Goh dong kòl, gen khà cau dòn sơlo ngai geh gơbơtơl tai.

Rôma 5:8

Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

Rôma 8:32

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

I Kôrintô 10:13

Ò gơs bơta gơlòng lơi gơtơntus oh mi in rlau mơ kòn mơnus òs kong; mơya Yàng Tom Trồ la Bơtau lơh jat jơnau ho Kơnràñ dê, Kơnràñ ò lòi oh mi kong gơlòng rlau mơ pràn he dê, mơya tòm bơta gơlòng gen Kơnràñ kung pò gùng tồ geh lik klàs nàng oh mi in rgơi kong jai.

II Kôrintô 8:12

Bơh dilah cau lơi gơs nùs kòñ ơn, gen phan ơn geh Yàng Tom Trồ dòp jat bơta he gơs, ò di jat bơta he ò gơs.

Hebrơ 11:19

Khai dòn lah Yàng Tom Trồ gơs gơnap gơnoar rgơi lơh cau chơt in kis wơl, kung ndròm be khai dòp geh wơl kòn khai dê bơh bơta chơt.

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

Jakơ 2:18

Mơya cau ƀà rơp đơs: “Mê gơs bơta dòn, ai añ gơs broă lơh.” Sơnio tĕ añ in bơta dòn ò gơs broă lơh mê dê, gen añ rơp sơnio mê in bơta dòn bơh broă lơh añ jê.

Yal Tơlik 19:5

Bơh di sơbàn hơ̆ gơs jơnau đơs lah: “Ơ jơh ală bol mê la dĭ gơna Kơnràñ dê mơ ală cau duh rngòt di Kơnràñ, ală cau dềt mơ ală cau dờng, Jòng ro tĕ Yàng Tom Trồ bol he dê.”

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.