Sơnròp Gơlik Gơs 22:11 - Sră Goh 2018

¹¹ Gen cau gơnrơh Yàng Jehôwa hòi bơh hơđang trồ lah: “Ơ Abraham! Abraham!” Khai ho lah: “Do añ.”

Sơnròp Gơlik Gơs 22:11 ပူးပေါင်းရင်းမြစ်များ

Sơnròp Gơlik Gơs 16:7

Mơya cau gơnrơh Yàng Jehôwa dê gŏ khai ơm rềp dê gah croh dà tòm ƀlàng ngềt ngơt, dà croh tòm gùng lòt hơ Sur,

Sơnròp Gơlik Gơs 21:17

Yàng Tom Trồ kơno oh hơ̆ ñìm gen cau gơnrơh Yàng Tom Trồ dê bơh đang trồ hòi Agar mơ đơs lah: “Ơ Agar, ñchi gơlơh ai be gen taih? Bañ rngòt! Bơh Yàng Tom Trồ neh kơno jơnau kòn dềt bơh di tiah khai ơm.

Sơnròp Gơlik Gơs 21:18

Ntào tĕ, yò kòn mơ ai tê kơnđu kơ̆ khai, bơh Añ rơp lơh khai in gơs dô nơm làng bol dờng.”

Sơnròp Gơlik Gơs 22:1

Tòm tŭ ală broă hơ̆ neh sir rau, gen Yàng Tom Trồ lòng Abraham. Kơnràñ đơs lah: “Ơ Abraham!” Khai ho lah: “Do añ.”

Sơnròp Gơlik Gơs 22:10

Gen Abraham pò tê ai pềs nàng hàl kòn khai.

Sơnròp Gơlik Gơs 22:12

Cau gơnrơh đơs lah: “Bañ ƀư tê di să oh hơ̆ mơ bañ lơh bơta lơi di khai, bơh tŭ do Añ git mê duh rngòt di Yàng Tom Trồ, tài bơh mê ò pơlai mơ Añ kòn klau mê dê, hơ̆ la kòn dùl mê dê.”

Sơnròp Gơlik Gơs 22:16

Yàng Jehôwa đơs lah: “Bơh mê neh lơh bơta hơ̆, ò pơlai kòn klau mê, hơ̆ la kòn dùl mê dê, gen Añ ai să tòm Añ mơ ho bal lah:

Sơnròp Gơlik Gơs 24:7

Jehôwa la Yàng Tom Trồ hơđang trồ, la Bơtau neh lam añ lik bơh di hìu nhă añ mơ bơh lơgar añ, neh đơs mơ ho lah: ‘Añ rơp ai jơi bơtiàn mê in lơgar do!’ Să tòm Kơnràñ rơp sồr cau gơnrơh lòt lài mơ mê, mơ tềng hơ̆ mê jòi tĕ bau kòn klau añ in.

Sơnròp Gơlik Gơs 31:11

Cau gơnrơh Yàng Tom Trồ đơs mơ añ tòm mpau lah: ‘Ơ Jakôp!’ Añ ho: ‘Gơs añ do.’

Sơnròp Gơlik Gơs 37:13

Israel đơs mơ Jôsep lah: “Ală bi mê dê ê belàt tòm Sicem sơl? Lòt hơ do nàng añ sồr mê lòt tus hơ bol khai.” Jôsep ho lah: “Do añ.”

Sơnròp Gơlik Gơs 46:2

Tòm bơta gơtơnggŏ tòm trồ mang, Yàng Tom Trồ đơs mơ Israel lah: “Ơ Jakôp! Jakôp!” Israel ho lah: “Do añ.”

Sơnròp Gơlik Gơs 48:16

cau gơnrơh neh dong añ klàs bơh di jơh ală bơta iơh, dan ai lơngai bàr nă kòn do in mơ bol khai gơs tơrbŏ sơnđan jat añ mơ ồng pàng añ la Abraham mơ Isak, mơ ai bol khai in gơlik gơs rơ̆sơmpài ràipơjềng hơđang ù.”

Lik Ejiptơ 3:2

Tềng hơ̆ cau gơnrơh Yàng Jehôwa dê tơlik mat mơ khai tòm lơmpiat ồs bơh digùl rlau lò. Môise sền gŏ rlau lò bulah ồs sa mơya gơ ò lề.

Lik Ejiptơ 3:4

Tòm tŭ Yàng Jehôwa neh gŏ khai cơnđòa tus nàng sền, gen Yàng Tom Trồ hòi khai bơh tòm gùl rlau lò lah: “Ơ Môise! Môise!” Môise đơs lah: “Gơs añ do!”

Esai 6:8

Gen añ kơno sap Yàng Jehôwa đơs lah: “Añ rơp sồr ñcau taih? Mơ ñcau rơp lòt bol he in taih?” Añ đơs lah: “Gơs añ do, dan sồr añ lòt!”

Broă 26:14

Jơh tơl nă bol hi gơplơ̆ tòm ù, añ kơno jơnau đơs mơ añ tòm jơnau Hebrơ lah: ‘Ơ Sol, Sol, ñchi bơh tài mê kup kơryan Añ taih? Mê coh dê cồng srồng gen bòl glar mê in.’

Broă 9:4

Khai gơplơ̆ tòm ù, mơ kơno jơnau đơs mơ khai lah: “Ơ Sol, Sol, ñchi bơh tài mê kup kơryan Añ taih?”

Ală Kwang Cahrña 2:1

Cau gơnrơh Yàng Jehôwa dê guh bơh Gilgal tus hơ Bôkim mơ đơs lah: “Añ neh tă cèng bol mê lik bơh Ejiptơ mơ lam bol mê mut tòm lơgar Añ neh ho ai ồng pàng bol mê in. Añ neh đơs ‘Añ rơp ò tŭ lơi sang lòi bơta ho bal mơ bol mê.

I Samuel 3:10

Yàng Jehôwa tus ntào tềng hơ̆, hòi kung be ală dơ̆ lài: “Ơ Samuel! Samuel!” Gen Samuel đơs lah: “Dan đơs tĕ bơh cau duh broă Kơnràñ dê ơm iat.”

I Samuel 3:4

Gen Yàng Jehôwa hòi: “Ơ Samuel! Samuel!” Khai ho lah: “Do añ.”