Sơnròp Gơlik Gơs 22:1 - Sră Goh 2018

¹ Tòm tŭ ală broă hơ̆ neh sir rau, gen Yàng Tom Trồ lòng Abraham. Kơnràñ đơs lah: “Ơ Abraham!” Khai ho lah: “Do añ.”

Sơnròp Gơlik Gơs 22:1 ပူးပေါင်းရင်းမြစ်များ

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Sơnròp Gơlik Gơs 21:11

Jơnau do lơh nùs Abraham in moat ngan tài bơh kòn klau khai dê.

Sơnròp Gơlik Gơs 22:11

Gen cau gơnrơh Yàng Jehôwa hòi bơh hơđang trồ lah: “Ơ Abraham! Abraham!” Khai ho lah: “Do añ.”

Sơnròp Gơlik Gơs 22:7

Isak đơs mơ Abraham bèp khai lah: “Ơ bèp!” Khai ho lah: “Ơ kòn, do añ!” Isak đơs: “Do lòng mơ do ồs, mơya ntềng đah kòn belàt nàng lơh phan chu duh khoai taih?”

Sơnròp Gơlik Gơs 37:13

Israel đơs mơ Jôsep lah: “Ală bi mê dê ê belàt tòm Sicem sơl? Lòt hơ do nàng añ sồr mê lòt tus hơ bol khai.” Jôsep ho lah: “Do añ.”

Sơnròp Gơlik Gơs 46:2

Tòm bơta gơtơnggŏ tòm trồ mang, Yàng Tom Trồ đơs mơ Israel lah: “Ơ Jakôp! Jakôp!” Israel ho lah: “Do añ.”

II Samuel 24:1

Dô dơ̆ tai, bơta gơjrañ Yàng Jehôwa dê hìt tòmdră mơ Israel. Kơnràñ chồl nùs Dabit tòmdră mơ bol khai, mơ đơs lah: “Lòt tĕ kòp khà làng bol Israel mơ Juda.”

II Yal Yau 32:31

Kung behơ̆ bơh bơta gơs mpồl cau kong sồr bơh ală cau at bồ Babilôn dê, tus nàng lùp khai bơh tềl krơi neh gơlik gơs tòm lơgar, Yàng Tom Trồ sang lòi khai nàng lòng khai mơ nàng git jơh ală bơta tòm nùs khai dê.

Đơs Crih 11:5

Yàng Jehôwa lòng cau song ring mơ cau iơh bơsak, Mơ nùs Kơnràñ gơjrañ kơuềng di cau kòñ bơta rhung rhang.

Lik Ejiptơ 16:4

Gen Yàng Jehôwa đơs mơ Môise lah: “Añ rơp bơh hơđang trồ đùh mìu piang lă bol mê in. Làng bol rơp lik kòp ngai dòñ tơl sa dô ngai hơ̆. Lơh behơ̆ nàng Añ lòng sền làng bol rơp lơh jat jơnau bơto sồr Añ jê hala ò.

Lik Ejiptơ 3:4

Tòm tŭ Yàng Jehôwa neh gŏ khai cơnđòa tus nàng sền, gen Yàng Tom Trồ hòi khai bơh tòm gùl rlau lò lah: “Ơ Môise! Môise!” Môise đơs lah: “Gơs añ do!”

Jơnau Pơnđik 17:3

Glah lòs ngui nàng tŏ tiar priă, bơnhă lòs ngui nàng tŏ tiar màh; Mơya Yàng Jehôwa lòng nùs kòn mơnus dê.

Esai 6:8

Gen añ kơno sap Yàng Jehôwa đơs lah: “Añ rơp sồr ñcau taih? Mơ ñcau rơp lòt bol he in taih?” Añ đơs lah: “Gơs añ do, dan sồr añ lòt!”

I Kôrintô 10:13

Ò gơs bơta gơlòng lơi gơtơntus oh mi in rlau mơ kòn mơnus òs kong; mơya Yàng Tom Trồ la Bơtau lơh jat jơnau ho Kơnràñ dê, Kơnràñ ò lòi oh mi kong gơlòng rlau mơ pràn he dê, mơya tòm bơta gơlòng gen Kơnràñ kung pò gùng tồ geh lik klàs nàng oh mi in rgơi kong jai.

Yal Wơl 13:3

gen bol mê ò di iat ală jơnau cau gơnoar hwơr hala cau mpau hơ̆. Bơh Jehôwa Yàng Tom Trồ bol mê dê kòñ lòng bol mê nàng git bol mê jơh nùs mơ jơh hwềng soàn kòñ gơboh di Kơnràñ hala ò.

Yal Wơl 8:16

Kơnràñ neh ai bol mê in mana nàng sa tòm ƀlàng ngềt ngơt, hơ̆ la phan sa mơ ală ồng pàng bol mê dê òhềt git, nàng tơnliah bol mê, mơ lòng bol mê tồ tus di lồi dut gơ rgơi gơlik gơs niam bol mê in.

Yal Wơl 8:2

Kah tĕ mbe Jehôwa Yàng Tom Trồ bol mê dê neh tề lam bol mê tòm jơh gùng dà tòm ƀlàng ngềt ngơt tòm poan jơt nam neh rlau, nàng tơnliah să bol mê, lòng bol mê nàng git ñchi bơta neh gơs tòm nùs bol mê dê, sền bol mê rơp prap gàr ală jơnau gơnoar sồr Kơnràñ dê hala ò.

Hebrơ 11:17

Bơh bơta dòn Abraham, tòm tŭ kong lòng ơn Isak Yàng in, khai neh dòp geh jơnau ho pơgon mơ gơs nùs rcang sir nàng ơn kòn dùl khai dê,

Jakơ 2:21

Abraham, ồng pàng bol he dê, tòm tŭ ơn kòn khai dê la Isak hơđang cơnòng duh khoai, khai ò di neh kơnòm di broă lơh mơ geh kòp la song ring ò ơ?

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

Ală Kwang Cahrña 2:22

Añ rơp ngui ală làng bol hơ̆ nàng lòng Israel, tồ sền gŏ dilah bol khai prap gàr gùng dà Yàng Jehôwa dê mơ lòt tòm gùng hơ̆ kung be ală ồng pàng bol khai dê hala ò.”

I Samuel 3:4

Gen Yàng Jehôwa hòi: “Ơ Samuel! Samuel!” Khai ho lah: “Do añ.”