Sơnròp Gơlik Gơs 21:7 - Sră Goh 2018

⁷ Mơ đơs tai lah: “Ñcau neh khin đơs mơ Abraham lah: Sara rơp ai kòn in pô ơ? Bơh añ neh deh dô nă kòn klau khai in tòm tŭ khai neh kra rau.”

Sơnròp Gơlik Gơs 21:7 ပူးပေါင်းရင်းမြစ်များ

Sơnròp Gơlik Gơs 17:17

Gen Abraham tơmbic să tòm ù, khai ñŏ mơ đơs tòm nùs lah: “Gơs dô nă cau neh tơl dô rhiang nam rau mơ tơnggơs dô nă kòn klau di sơl? Ai Sara neh sin jơt nam, rơp deh di sơl?”

Sơnròp Gơlik Gơs 18:13

Yàng Jehôwa lùp Abraham lah: “Ñchi bơh tài Sara ñŏ mơ đơs lah: ‘Añ rơp deh ngan tòm tŭ añ neh kra sơl ơ?’

Sơnròp Gơlik Gơs 21:8

Kòn dềt neh dờng gen lòi pô. Tòm ngai Isak lòi pô, Abraham yò dô bơta ñô sa dờng.

I Ală Bơtau 11:20

Oh ùr Tahpenes tơnggơs Hadat in dô nă kòn klau sơnđan la Genubat; Tahpenes ròng siam khai tòm gơlang bơtau Pharaôn. Behơ̆, Genubat ơm tòm gơlang Pharaôn, digùl ală kòn klau bơtau dê.

I Ală Bơtau 3:21

Tòm tŭ añ guh àng drim nàng tơmpô kòn klau añ, añ gŏ khai neh chơt rau; mơya tòm tŭ añ sền nền rềp di khai tòm àng drim loh làng añ gŏ ò di la kòn klau añ neh deh.”

Đơs Crih 86:10

Bơh Yàng la dờng ngan, lơh ală broă crih crài; Mìng dô nă Yàng lơm la Yàng Tom Trồ.

Đơs Crih 86:8

Ơ Yàng, digùl ală yàng ò gơs yàng lơi ndròm be Kơnràñ, Kung ò gơs broă lơi ndròm be ală broă Yàng dê.

Esai 49:21

Gen bol mê rơp đơs tòm nùs bol mê dê lah: ‘Ñcau neh tơnggơs añ in ală kòn do taih? Añ neh ñìm ƀồc mơ ơm kơnền; Añ neh kong kup cèng mơ ơm tiah ngài. Ñcau neh ròng siam ală kòn do taih? Añ neh gơkòl sang lòi ơm is dô nă, mơya ală kòn do neh tus bơh lơi taih?’”

Esai 66:8

Gơs tŭ lơi cau neh kơno bơh dô bơta behơ̆ sơl ơ? Gơs tŭ lơi cau neh gŏ ală bơta ndròm behơ̆ sơl ơ? Dô nơm lơgar rgơi geh deh mìng tòm dô ngai ơ? Hala dô nơm làng bol rgơi geh tơnggơs mìng tòm dô ơthoa sơl ơ? Bulah behơ̆, tòm tŭ Siôn pa jê deh gen gơ neh tơnggơs kòn sau rau.

Jeremi 20:15

Di pal srat rma cau neh cèng jơnau yal bèp añ in lah: “Dô nă kòn dềt neh deh mê in, hơ̆ la dô nă kòn klau!” Lơh bèp añ in bềng bơta hòn chò.

Khà Làng Bol 23:23

Ò gơs bơta juh proh tòmdră mơ Jakôp, ò gơs bơta sền dà tòmdră mơ Israel. Tŭ do rơp đơs bơh Jakôp mơ bơh Israel lah: ‘Sền tĕ ñchi bơta Yàng Tom Trồ neh lơh!’

Ephesô 3:10

Behơ̆ gen, gan di Hìu Jum Goh nàng yal tơlik ală gơnoar at bồ mơ ală gơnoar hơđang trồ in git bơta jak chài ò git lơh Yàng Tom Trồ dê.

II Tesalônika 1:10

tòm tŭ Kơnràñ tus tòm ngai hơ̆ nàng tơlik să gơklŏ digùl ală cau sàng goh Kơnràñ dê, mơ geh jơh ală cau dòn jat jòng ro, tài bơh oh mi neh dòn jơnau bol hi lơh cơng oh mi in rau.