Sơnròp Gơlik Gơs 21:22 - Sră Goh 2018

²² Tòm tŭ hơ̆ bơtau Abimelek mơ Pikôl, cau gơnoar dờng at bồ ling khai dê, đơs mơ Abraham lah: “Yàng Tom Trồ ơm bal mơ mê tòm kòp broă mê lơh.

Sơnròp Gơlik Gơs 21:22 ပူးပေါင်းရင်းမြစ်များ

Sơnròp Gơlik Gơs 26:26

Bơtau Abimelek bơh Gerar lòt còp Isak, gơs Ahusat, oh mi bơyô khai, mơ Pikôl, cau gơnoar dờng at bồ ling khai dê lòt jat.

Jôsue 3:7

Mơ Yàng Jehôwa đơs mơ Jôsue lah: “Ngai do Añ rơp sơntòm lơh mê in geh sền dờng màng di đap jơh Israel, nàng bol khai in git lah Añ ơm bal mơ mê kung be Añ neh ơm bal mơ Môise sơl.

Sơnròp Gơlik Gơs 26:28

Bol khai ho lah: “Bol hi neh gŏ loh làng Yàng Jehôwa ơm bal mơ mê, gen bol hi đơs bal lah: Pal gơs dô jơnau ho bal digùl hi mơ mê, ai bol hi in lơh bơta ho bal mơ mê!

Sơnròp Gơlik Gơs 20:2

Abraham đơs bơh Sara, bau khai lah: “Khai la oh ùr añ.” Abimelek, bơtau lơgar Gerar dê, sồr cau kup Sara.

Hebrơ 13:5

Bañ gơs nùs hàm hà jền priă; hừh nùs tĕ tòm bơta he neh gơs, bơh să tòm Yàng neh đơs lah: “Añ ò gơs tŭ lơi sang mê, kung ò gơs tŭ lơi lòi mê.”

I Kôrintô 14:25

Bơta ndơp ndơr tòm nùs bol khai geh ràng tơlik, gen bol khai rơp blup mat mơ duh khoai Yàng Tom Trồ mơ đơs lah: “Ngan gơs Yàng Tom Trồ digùl oh mi.”

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Esai 8:10

Tòmbơyai tĕ bal mơ gơp, mơya gơ rơp gơlik roh lơm; Đơs tĕ dô jơnau, mơya gơ rơp ò ntào jai; bơh Yàng Tom Trồ ơm bal mơ bol he.

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Sacari 8:23

Yàng Jehôwa Gơnap Gơnoar Dờng Làm Jơh đơs be do: “Tòm ală ngai hơ̆, jơt nă cau bơh tòm jơh ală jơnau đơs mơ lơgar rơp at kơ̆ di tiang ào jrùh dô nă cau Juda dê mơ đơs lah: ‘Lòi tĕ bol hi lòt bal mơ mê, tài bơh bol hi neh kơno lah Yàng Tom Trồ ơm bal mơ mê.’”

Esai 45:14

Do la jơnau Yàng Jehôwa đơs: “Phan mơna Ejiptơ dê, mơ ală phan kă bro Ethiôpi dê, mơ ală cau Sabe să jan jơnhoa, bol khai rơp tus hơ mê mơ rơp gơrê mơ mê; bol khai rơp lòt jat mê; bol khai rơp tus hơ mê tòm che sreng mơ kun bồ di đap mê, rac dan mơ mê lah: ‘Yàng Tom Trồ ơm mơ mê lơm; ò gơs yàng lơi ndai, ò gơs Yàng Tom Trồ lơi ndai tai.’”

II Yal Yau 1:1

Salômôn kòn klau Dabit neh bơtào kơ̆ să tòm khai hơđang lơgar khai dê, bơh Jehôwa Yàng Tom Trồ khai dê ơm bal mơ khai mơ lơh khai in gơlik dờng ryŭ rlau oă ngan.

Sơnròp Gơlik Gơs 30:27

Laban đơs lah: “Dan añ in geh bơta nđàc di đap mê. Añ gŏ loh làng Yàng Jehôwa bơh mê mơ neh ai lơngai añ in.”

Sơnròp Gơlik Gơs 20:17

Abraham hòi dan mơ Yàng Tom Trồ gen Kơnràñ sơmbòi bơtau Abimelek, bau khai, mơ ală dĭ ùr khai in, behơ̆ bol khai deh kòn wơl.

Sơnròp Gơlik Gơs 28:15

Mơ Añ ơm bal mơ mê, mê lòt tiah lơi Añ rơp sền gàr mê tềng hơ̆ mơ cèng mê rê wơl hơ lơgar do, bơh Añ ò gơs tŭ lơi sang mê tus di tŭ Añ neh lơh sir rau ală bơta Añ neh ho mơ mê.”

Sơnròp Gơlik Gơs 20:14

Gen bơtau Abimelek cèng belàt mơ kơnrồ, ală dĭ ùr dĭ klau ai Abraham in, mơ ai wơl Sara bau khai dê,

Sơnròp Gơlik Gơs 31:5

Khai đơs mơ bol hơ̆ lah: “Añ gŏ mat bèp bàr nă bol ai ò di be lài òr tai, mơya Yàng Tom Trồ bèp añ jê neh ơm bal mơ añ.

I Samuel 3:19

Samuel sơlo dờng, Yàng Jehôwa ơm bal mơ khai, mơ Kơnràñ ò lòi dô jơnau đơs lơi Kơnràñ dê gơlik ò kwơ.

II Samuel 24:7

mơ lòt tus hơ theng kơ̆ cê Tirơ dê mơ tus hơ jơh ală ƀòn dờng cau Het mơ cau Kanaan. Lồi tơnơ̆ bol khai neh lòt tus hơ Negep tiah Juda tòm Beerseba.

I Samuel 24:22

Dabit srat să tòmho bơta hơ̆ mơ Sol. Gen Sol rê hìu, mơya Dabit mơ ală cau khai dê guh rê hơ theng kơ̆ cê khai dê.